وين السنع يا بنات؟؟؟؟؟

[نبض الغلا]

:eh_s(9): انا ودي اسال وين البدل والأكسسوارات والحقائب والأشياء الحلوه يا بنات عشان خاطري.... ساعدوني انا رايحه لبنان انشاء الله قريب

 

[ورد طائفي]

لبنان حلوووووه وسوقها يجنن عندج السوليدير في بيروت تلقين اكسسوارات وبدلات وكل شي حلو وماركات وفي محل بالسوليدير اسمه كركبه يبيع شنط واكسسوارات بس روعه غير محلات الاحذيه اللي تجنن بصراحه وعندج مجمع 720 و 730 بفردان اهم مجمعين كبار مقابل بعض في ماركات معروفه وماركات غير معروفه كذلك في مجمع اسمه Abc تلقينه في اكثر من مكان بس ارقى مجمع في منطقة الاشرفيه حلووو وداخله كثير من المحلات الحلوه والجديده من شنط واكسسوارات واحذيه وماركات اغلبها ايطاليه بس بصراحه روعه
كذلك في سوق اسمه زلقا عباره عن شارع اغلبه محلات احذيه واقمشه وبنهايه الشارع ستاربوكس يعني اذا تعبتي من المشي قعدي بالقهوه واتذكريني خخخخخخخ عندج كذلك برج حمود وشارع الحمرا هذا بالنسبه لبيروت
الحين نروح فوق للمصايف عندج سوووق في بحمدون وسووق بعاليه انا عجبني اللي في عاليه اكثر من بحمدون لاانه شارع طويل واذكر في محل يبيع شنط واحذيه وسكارفات تقليد ماركات بس مو تقليد من الصين وتايلند لاا تقليد بس من ايطاليا والله كأنهم الاصل
هذا اللي عندي وانشاءالله البنات ما يقصرون اللي عندها اي اضافه تقولنا لاني ودي انا هالسنه اروح لبنان
اي نسيت اقول اذا عندج مناسبه مثل عرس روحي اخذيلج جم بدله من لبنان روحي روني ريشا في الاشرفيه

 

[فراولة^فوشيا]

لبنااااااااان تهبببببل وسوقها يهبل

الأماكن اللي كنت بقولها قالتهم ورد الطائفي وزياده ما قصرت

روحوا واستانسوا وعليكم بالعافيه

 

[ورد طائفي]

اي ولله لبنان تهبل مثل ما قالت فراوله فوشيا؟؟
خصوصا الصبح تخيلي نفسج قاعده بالبلكونه تتريقين من هالريووق الحلووو والغطيطه فوق راسج بس اهم شي عيالج مو معاج علشان لا يحذفون نفسهم من البلكونه الى الوادي

 

[تونه الكويت]

والله انا عجبني سوق عاليه شارع شطوله كله محلات مقابلين بعض
وسوق بحمدون بعد
بس ماعجبني Abc الاشرفيه حييييييييييييييييييل غالي

 

[نبض الغلا]

مشكورين حبايبي على الرد الحلو وصدق استفدت منكم مشكوره ورد طائفي وفراوله فوشيا وتونه الكويت
وانتظر المزيد من كل الي عنده خبره