وين الاقي سوالف حلوة لتغليف الهدايا؟؟؟

[om MaRyooM]

السلااااااااام





حبايبي من خبراتكم

بسالكم وين احلى مكان .. مكتبة او مكان ثاني... عندهم سوالف حلوة لتغليف الهدايا وفناتك ؟؟؟ مابي بوابة الهدايا لأن مو حيل يعجبني وغالي ع الفاظي



عيدميلاد زوجي قرب وودي انا اغلف هديته بطرقة حلوة
يليت تساعدوني

 

[عيون السواهي]

في محلين اعرف واحد بسالميه وواحد بالفروانيه شوفي وين قريب منج اثنينهم قراب وسهلين اذا تبين شغل جاهز راسليني واقولج مكانهم بالضبط اذا تبين شغل ايدج
حبيبتي اتعرفين الورق المعرج الي لوونه بييج لزقييه بصمغ باتيكس اووو صمغ الحديد يكون افضل لج وحطي شريطه بنفسجي وردي على الغلاف من بره ولزقي ورده ورديه عليها اوراق خضر واذا عندج زري حطي على الورق زري اخصر راااح تطلع واااااو وذربه اذا عرفتي تطبقينها وتمنى فهمتيني

 

[ام غنوم]

:sfg: عندج يالغالية محل بياع الورد اللي بحولي بالسرداب عندة شغلات حلو وبعد في محل ثاني بعد بحولي قبال بياع الورد العمارة اللي فيها بنك بوبيان وبعد اهو بالسرداب :aha:

 

[لمسات شمووخ]

:s142:
حبيبتي انا اغلف هدايا واسوي علب واسعار زينه

 

[لمسات شمووخ]

:s142:
حبيبتي انا اغلف هدايا واسوي علب واسعار زينه

 

[هنوده2009]

عندج بوابة الهداية ولاكشيت ما شاءالله
شغلهم وااايد حلو

 

[الأميرة جوري]

لررررررررررفعععع

 

[بمبة المفترسة]

عندج مكتبات الجمعيات يبيعون صناديق الهدايا الكرتون وورق هداياا شوفي عندهم
وعندج بسيتي سنتر شويخ اول ماتدشين اكوو محل يبيع مكيااج واكسسوارات عنده علب هدايا كبيرة حلوة وعنده دببة وهالاموور شوفيه اغراضه حلوة
وعندج محلات بو امية فلس تلاقين عندهم هالامووور

 

[شجن الدنيا]

حبيبتي روحي لمحل لاكشيت بالسرداب أكو شغلات وايد راح تنصدمين لأنه روووعه وأكو أشياء حلووووه للتغليف اليدوي
أنا ماجربت أغلف عندهم يمكن عندهم تغليف بالعاده أخذ شغلات منهم وأغلف بنفسي والكل يسألني بأي محل مغلفه عن جد روعه هالمحل
موجود لاكشيت قبال عمارة بياع الورد اللي بحولي