وين اكبر صدري في دبي

[(مزاجية)]

السلام عليكم

بنات انا قررت قرار لا رجعة فيه .. اني خلاص بكبر صدري لانه ماشي طريقه ثانيه تكبره

انا مش متزوجه بس صدري مول ما يبين مووووووول

المهم الحين ما اعرف وين عيادات تكبير صدر في دبي



اللي تعرف بليز تخبرني

 

[النويره]

يالله مزاجيه حجزي لي معقد بالطياره خل ايب فلوس التذكره معاج انا بس ابي تششششششششششششششششششششششششششجيع

 

[(مزاجية)]

انا اصلن من دبي حبيبتي النويره

 

[(مزاجية)]

حرام محد يعرف

 

[حور العيون]

ماعندي فكره والله


ابـ لعيوونج

 

[(مزاجية)]

آخر رفع

 

[^نواري^]

آخر رفع

حدها احباااااااااااااط !

وينج يا مزاجيه خبرينا شصار معاج

 

[حنون المزيون]

يمدحون عندكم الدكتوره بثينه الشنار وكذلك سحر القزاز سئلي عنهم أكثر

 

[Anwary-24]

شلون اخذ مواعيد عند بثينه الشنار؟

 

[(مزاجية)]

اتصلي فيهم

انا خذت

 

[(مزاجية)]

رحت اليوم عند الدكتورة بثينه

بصراحه واااااااايد ارتحتلها وخبرتني كل شي

و كانت امي وياي و بعد امي تمت تسالها وايد

سالتها عن الرضاعه قالت كل شي بيكون طبيعي ما بياثر

و قالتلي عن المضاعفات ان يمكن بعد فترة تظطرين تشيلينه .. قلت لها ليش قالت الدكتور ما يقدر يعرف اذا الجسم بيتقبل السيليكون ولاا لاء يعني يمكن بعد فترة عقب العملية الالياف تتجمع حولين السيليكون .. قالتلي تشوفين صدر بعض الممثلات كيف يكون كأنه كوره هذا يوم السيليكون يكون متصلب و الالياف متجمعه عليه .. هذا لازم يباله عملية اقطع و اشل الالياف و اغير السيليكون

قلت لها اذا ماصار هالشي .. قالت بعد يمكن اتصير اشيا ثانيه يمكن ينزل يمكن يترهل .. قلت لها يعني كم المده قالت مادري يمكن خلال شهر تعيدينها او يمكن 5 سنين او يمكن 20 انا ما اقدر اقول متى بس ما بكذب عليج كل اللي يسوون عمليات تكبير صدر لازم بعد فترة الله يعلم كم يجددونها لان السيليكون من صنع انسان و صنع الانسان ما بيكون كامل


المهم و بعدين راوتني صور قبل و بعد و كشفت علي و قالت العملية اذا بغيتي بتكلف 25 الف

امي يلست تتحرطم و تقول هي لو تاكل عدل بتمتن و بيكبر صدرها بس ما تسمع الكلام خخخخ جان اقول حق الدكتورة انا اذا بمتن امتن من تحت بس الارداف .. قالتلي سوي شفط بس حق الاماكن البارزه و بعدين حتى لو متنتني ما بتتجمع الدهون و بعد راوتني صور

الصراحه سالفة الشفط دشت راسي خخخ

امي بعدها مب مقتنعه و تقول لا تسوينها و انا بعد ماقالتلي لازم بعد سنين تعيدين العملية .. احس اني بديت اتردد

شو راااايكم !!

 

[zqertya]

من صجج ؟؟ اووووووووووف ضيقتي خلقي تصدقين ولا وحده من الي سوت عمايه بالكويت قالت الحجي الي قلتيه صج هالدكتوره عندها ضمير

يعني انا مقرر اسوي بس ناطره الفلوس تنزلي انشالله بس خوفتيني على كلامج يعني لازم اغيره بين فتره وفتره

 

[حنون المزيون]

مزاجيه بصراحه شكل الدكتوره بثينه ناصحه وتكلمك بضمير

حبيت أسئلج المواعيد عندها زحمه وإلا عادي أقدر أدق عليهم اليوم وادخل من باجر
عندي موعد مع عبير القزاز يوم الأثنين الياي يعني لو ما ارتحت لها فيني أروح من باجر لبثينه وإلا تنصحيني أخذ موعد من ألحين لها ( أنا من الكويت ) وقعدتي بدبي بتكون 4 ايام بس

 

[(مزاجية)]

انا كنت ماخذه موعد عند عبير القزاز و عند بثينه و سرت عند بثينه بس وما اضن بسير عند عبير لان عندي كل المعلومات و مقتنعه في الدكتوره بس باقي القرار الاخير .. والله متردده

 

[(مزاجية)]

زقرتيه انا بعد شراتج .. انا تحريت العمليه ابديه ... خخخ كنت اقول بسوي قبل لا اتزوج و بعدين حتى زوجي المستقبلي ما بيعرف بيتحرا طبيعي

 

[{ملاك}]

من صجج ؟؟ اووووووووووف ضيقتي خلقي تصدقين ولا وحده من الي سوت عمايه بالكويت قالت الحجي الي قلتيه صج هالدكتوره عندها ضمير

يعني انا مقرر اسوي بس ناطره الفلوس تنزلي انشالله بس خوفتيني على كلامج يعني لازم اغيره بين فتره وفتره

لا يا حبيبتي في عندنا دكاتره عندهم ضمير
طبعا على حسب الوحده لازم تسأل وتستشير دكتورها بأمور وايد.. مثلا انا وقت العملية ما جا ببالي اسأل الدكتور هل بتجي فترة اضطر اشيله ولا لأ؟
بس الواالده سئلته .. قال فييي نااااااااس يحتاجوون بعد جمممم سنه 5 او 10 يبدلون السيليكون .. لان ممكن بعد الزواج والولاده يترهل الصدر (اذا الوحده ماحافظت على جسمها )!


وبس



موفقه مزاجية

 

[zqertya]

الله يوفقج حبيبتي وانشالله نصير ولا هيفا وهبي انا بستخير انشالله وبسويها قبل رمضان انشالله

 

[تعويذه الحب]

حبيبتي بالامارات عندهم مستشفى اسمه مستشفى النور وعناك في دكتور اسمه الدكتور حيدر شغله روعه ومجربينه

 

[^نواري^]

اللي يضيق الخلق هو انج بتضطرين تسوين عمليه مره ثانيه ............ تجديد للسليكون بس ماتدرين متى .. !
والا العمليه نتايجها روعه تخليج انسانه وبنوته وانثى بمعنى الكلمة .......
حتى انا بخاطري اساويها .............. بس متردده ومارسيت على دكتوره زينه !! وابغي مكان مضمون وعملية ناجحه 100%

 

[مستره]

ها بشري..شنو قررتي !!