وين اسوي تلقيح صناعي الحقن المجهري ؟؟؟

[shrouq]

شلونكم بنات تكفون انا نويت اسوي تلقيح صناعي هذا الشهر اللي تعرف دكتوره شاطره اتفيدني وابي اعرف هل الدكتوره عاليه الفضلي شاطره بالتلقيح اللي سوت عندها اتعلمني تكفون ردوا بسرعه ما في وقت​

 

[عسل حدي]

انا سويت تلقيح ٤ مرات بالسلام الدكتور محمد بك ي اخر مره حملت بتوائم بس ربج ماكتب يتمون

 

[Gifts&Occaions]

ماعندي فكرة

 

[عسل حدي]

اب اب اب

 

[Katkoota85]

الدكتوره رائده الفضلي بالهادي
الدكتور ناهض حماديه
والدكتوره عاليه الفضلي يمدحونها
والله يرزقج يارب ويتمم عليج

 

[عسل حدي]

ابب لعيونج

 

[shrouq]

يعني اتمةع عاليه الفضلي ولال انا محتاره ؟؟؟؟؟؟؟؟؟

 

[عسل حدي]

اب اب اب

 

[om.saloom]

محمد بكري ممتاز اينن بس اللي الله كاتبه يصير

 

[ايشوريا]

نصيحة اخت لاختهاً أنا اسويهاً عند ماجدة اليتامى والحمدالله بس راح تذبحجً بالتحاليل لانها لازم تتاكدً قبل لاتسويً لج شي ماشااللهً شاطرةً حيل أنا


راكضتً ع الدكاترةً وقطيتً فلوس والحمداللهً بنت عمي كانوا مبايضها حيل صغار وهي علجتً عندها وجابتً توامً انت روحيً لها قبل ايام توبيضجً وقولي

لها بتوسين تلقيح وشرحي لها حالتجً وهي راح تنصحجً صجً دخلي علي د ماجدة نفسهاً مو اي وحدة من الا عندها

 

[عسل حدي]

ربي لا تذرني فردا وانت خير الوارثين

 

[Katkoota85]

حبوبه شصار معاج ؟؟
ماجده مع احترامي لها ماديه وايد وايد..
معانا العضوه هند سوت تلقيح عند دكتوره رائده والحين حامل انصحج فيها والدكتوره كلش مو ماديه ولا يهمها الفلوس اهم شي عندها تعالجين.،
والاه ماتعطيني دوا الا لما تتاكد بالكمبيوتر من الاسعار وتقولج اخذي هذا ارخص واحسن وتحسينها جنها اختج هدا غير انها استشاريه وفاهمه

 

[Katkoota85]

وبعدين الدكتوره رائده اشطر من ماجده وعن تجربه .،
انا رحت حق ماجده عشان اسوي تلقيح عندها بطت جبدي وايد كنت رايحتلها مخصوص وقلت ابي ماجده ذبحتني بمساعدتها ولما عصبت يتني حتى غصب سوتلي سونار كانت تبي مساعدتها تسويلي .. المهم شافت السونار ولا تقول اوووه امبيه ماكو الا بويضه وحجمها ٣٠ دقي على زوجج الحين خل يجي اسوي تلقيح !!
انا انصدمت ووقتها ريلي بالبيت نايم وراد من الدوام ماله خلق قلتلها مااقدر وانا بسوي عندج السهر الجاي قالت اي ماينفع هالسهر تحملين..
طبعاً السونار ماكلفت نفسها وتعبت فيه ثواني وشالته..
طلعت رحت دكتوري بالهادي ووراني قال عندج ٣ بويضات واحجامهم ١٨ و٢٠ ووحده بس ٣٠ !!!! والتلقيح باجر مو اليوم ماراح ينفجرون اليوم..
المهم ماالله كتبلي الحمل..
عقب رحت حق دكتوره رائده ومن كلامي لها قبل السونار قالت عندج الاندومتريوزيس اللي اهيا بطانة الرحم الهاجره ومن السونار تاكدت بزياده وعرفت على طول وماجده مايابت طاري عن هالمرض اللي فيني ولا اكتشفته ..
ووقت عملية الحقن المجهري شافت اكياس الدم..
طولت عليج بس بغيت اسردلج تجربتي مع الثنتين عشان تعرفين الفرق
والله يرزقج ويفرحج يارب عتجل غير اجل

 

[عسل حدي]

اب اب اب