وين اسوي استقبالي

[أم حمودي**MALL**]

هلو بنات عيدكم مبارك:wqedqw:

انا محتاره بين رويال حياة ومستشفى السيف
ولادتي بتكون شهر 2 انشالله وابي الجناح يكون راقي وفخم مع سيرفس للاستقبال

اشرايكم اي مستشفى ترشحون؟

وياريت الصور لو سمحتوا

اي صج منو جرب بوفيه الاستقبال الفندقي ماذكر شسمه بس يحطون طاوله طوووووويله من زجاج وعليها ورود روعه ومعجنات وحلويات للاستقبال احد جرب شغلهم؟

ناطرتكم يا حلوين​

 

[_Pure_]

انا من رايي مافي افخم من رويال حياة و شغل السيرفس مالهم روعه
انا جربتهم مرتين

و اذا تبين افخم شي عندهم جناح اللوتس و الاوركيد اكبر و اغلى شي

انا في بجري خذيت اللوتس و خذيت منهم الفلبينيات

ثاني ولاده خذيت الاوركيد اللي اهي اغلى شي و خذيت منهم الفلبينيات و طقم الستكانات و قلاصات و مطاطير و الموالح العجيبه شكلها غريب عجيب و الحلويات من واو و امبرس

المهم طلع حسابي مال المستشفى ٣١٧٧ دينار بس سوولي خصم ١٥٪ يعني كان اكثر !

بس الاجنحه في رويال حياة قمه بالفخامه مافي مقارنه بينه و بين السيف ابداً
و المستشفى عنايته روعه روعه

 

[ام فويزان]

عمري السيف ستايلهم مودرن مافي ديكورات و زينه بالغرف و غير هذا الشهر الي فات سألتهم عن موضوع الخدمه و السيرفس قالو لي الحين ما وفرناها و شكلهم امطولين و ترى موكل الغرف امبطلينها لي الحين ماادري على حزتج شهر اثنين تتوفر هل شغلات و لا لا ترى غرفهم عاديه بس اسعارهم اقل من رويال انه مو وايد خابه عمري على الغرفه و مرتاحه مع دكتورتي عشان جذي ظاله مع المستشفى و ترى بعد عندج جناح دسمان بالسلام وايد غرفهم حلوه و بالنسبه للبوفيه الي قلتي عنه انه اعرف وحده عندها محل بالزاويه سنتر استقبالها كان قبل اسبوع و كانت حاطه الطاوله مع الوره و استاندات زجاج سلفر حدهم راقين وذربين كله من محلها اسمه قيييشا فوق بمجمع الزاويه

 

[_Pure_]

اي و بعد رويال حياة عندهم طريقة البوفيه الميني بس كلمي وداد المسؤوله عن هالشغلات

 

[أم حمودي**MALL**]

مشكورين حبايبي عالردود
بيور شكلي بروح رويال حياة واشوف
بعد بنات مشاركاتكم

 

[ام فوااز]

رد : وين اسوي استقبالي

رويال حياة وايد افخم عندي

 

[أم@الحلوين]

رويال واااااااااااايد احسن من السيف كافي خدمتهم ورعايتهم روعه
والله يعدي عليج بالسلامه

 

[حرم_طيار]

رد : وين اسوي استقبالي

رويال افخم وعندهم خبرة و عنايه اكثر

 

[أم حمودي**MALL**]

الاغلبيه رويال حياة
شكلي بتوكل على الله

 

[ساندريلا]

ماكو مقارنه بين رويال والسيف
رويال فخامه والسيف احسه عملي جنه نظام امريكي
اخذي قاعة الجاردينيا حق الاستقبال جنها قاعة افراح تهبل

 

[اهواك بلا امل]

انا كنت نفسج افكر بين السيف وريال
بس شكلى بعتمد رويال لاني مجربتة اولا وثاني احس السيف يديد وخاف مايكون متوفر فية كل شى
بسال دكتورتي ولى تقولى احسن بتوكل على الله

 

[اريج الجوري]

رد : وين اسوي استقبالي

انا ما جربت اي واحد منهم ,,,


لكن رحت لكذا استقبال برويال ,,,


عجبني خصوصا ان يفكونج من شيلة المواعين والعفسه كلها ,,,


اخذي قاعة الجوري ب500 دينار من 10 الصبح لي 10 بالليل ,,,


وعندهم خدمه ل100 شخص شامل كل شي ماعدا حلو القهوه ,,,


والقاعه حيل كبيره وحلوه ماشاء الله ,,,


وربي يسهل عليج وتولدين بالسلامه ,,,


تحياتي ...

 

[الأميرة جوري]

رد : وين اسوي استقبالي

الله يسهل عليج ...