وين اروح يعني؟؟؟؟

[كونسيلر]

السلام عليكم

ادري طولتهها وهي قصيرة..

بس يابنات انا متزوجة جديد وابي مساعدتكم في امور لاني يتيمة ويعني اهلي بعيدين عني ولا ابي ابلشهم...

انا زوجة ثانية..بيني وبين زوجي 21 سنه..
المهم لي شهرين متزوجة..طبعا مارحت شهر عسل ولاشي..
هو الحين يبي يسافر مع زوجته وعياله للكويت..
يقعدون 5ايام في العيد..
وانا ماودي اروح لاهلي لانهم مسافرين بعد

يعني وين اروح؟

قالي روحي مع اهلك لتبوك...وانا قايلة لاهلي انه بياخذني شهر العسل بالعيد..يعني كنت ادافع عنه وصارت ضدي:bbbiu:


وش رايكم؟
اخليه يسافر وياها..ولا اجلس في بيتي واسكت

والله مبتلشة يعني وين اروووووووووووووووووووووووح

اقدر اجلس في بيتي بس انه اخاف لحالي 5 ايام ومااعرف احد في منطقتنا

وغير كذا هو يعني حنون معي كثير ويرحمني..يرحمني واجد..مابي اخسره واركب راسي واعاند..

فهمتوا علي؟؟
ساعدوني نخيتكم:yaaaaaarb:

 

[Tame]

دام اهو مو واعدج بالسفر لا تسوين سالفه وانتي عارفه انه متزوج وعنده عيال خل يسافر وروحي لهلج ووقولي له يعدل بينكم ويسفرج بعدين ماله داعي للمشاكل دام يعاملج زين

 

[دلوعة بطبعي]

خليه يسافر واقعدي في بيتج أكيد بيجي يوم ويعوضج بس الصبر
ولا تسوين مشاكل خصوصا توج في بداية حياتكم

 

[Tom ♥ Jerry]

,


قعدي بروحج .. طلعي و استانسي و ردي البيت
اقصاها 5 ايام فتره مآ تعتبر طويلة

 

[نعوووووومه]

يعني يوم العيد وين بيكون؟؟؟؟

 

[دلوعة أبوهآ]

آلله يعينك

 

[Combat]

سافري وياهم

 

[Omhamood]

والله ياقلبي مادري شقولج

صعبه اتمين بالبيت بروحج خمس ايام يعني مايندرا شيصير هذي دنيا

الانسب انج تسافرين حق اهلج هالامور مافيها كرامه ومادري شنو

روحي وستانسي معاهم بالعيد وتركيه اهو مع زوجته وعياله

وصدقيني ربي بيفتحها بويهج وبيرزقج من حيث لاتحتسبين

والله المستعان

ن

 

[كونسيلر]

مشكوورين لكل اللي ردوا وفي ردود تفتح النفس..

واللي سألتني هو وين يقضي اعيد بيقضيه معها..بالكويت..

 

[وردة وطني]

روحي عند اهلج واستانسي وقولي أوعدني يوديني مره ثانيه

وهو راح يعوضج ان شاءالله

استانسي عندهم
وسوي لنفسج نيولك لاجاء
وبالتوفيق حبوبه

 

[غلآ نوآف]

مايصير اختي تقعدين بروحج
مايندري ش يصير لاسمح الله
بعدين ينقال انج قاعدة لحالج ف بيت لامحرم ولا ونيس يدافع عنج
روحي بيت اهلج مافيها شي
قولي اضطر ياخذ زوجته يعيد معها
او ان ابي اغير جو عندكم
او ما احس بالعيد بدونكم خخخخخخخ اي شي دبريها موصعبة
ولازم تدلعين عليه تخلينه ياخذج بعد العيد يونسج
و وصيه انه يعدل بينكم
وان انتي توج عروس مايصير يتركج لحالج باول عيد لكم

 

[((shoOoshoOo))]

روحي مع اهلج صعبه والله تقعدين برووووحج

 

[هنا22]

[Tom ♥ Jerry;


قعدي بروحج .. طلعي و استانسي و ردي البيت
اقصاها 5 ايام فتره مآ تعتبر طويلة
مع راي الاخت

 

[مدمنه قهوه]

بنات هي بالسعوديه كيف تقعد بروحها وكيف تطلع وتدخل وتستانس بروحها

ماكو حرمه تروح بروحها ماكو حرمه تركب مع سايق بروحها

اول شئ غلط تقعد بروحها وتطلع وتدخل علي كيفها

يمكن احد الجيران يشوف اي اي اي شئ ويتصل ع زوجها ويحطون بهارات ع الموضوع ويصير سالفه كبييييييره عليها


اختي حببتي روحي ل اهلك افضل واحسن لك استانسي عند اهلك واشتري اغراض جديده لك وغيري نيولك لج

ولما يجي زووجج دلعيه بملابسك الجديده


سسسسسسسوال ليه ماتروحين معاهم للكويت تتمشين مافيها شئ


بس واحد من الاثنين يا تروحين ل اهلك او تسافري معاه لكويت غيره لا

الناس ماترحم بتعقد تراقبك وانتي في بيتك

 

[Gifts&Occaions]

البنات كفو ووفو

 

[جوري 2007]

روحي مع اهلج ومرده بيوديج مكان ثاني عقب

 

[PuPa^^SWeeT]

لما تتزوجين ريال متزوج


لازم يكون ببالج انه عالاقل بيتم مسئولياته تجاه بيته الاول



و التكفل بترفيههم من ضمن مسئولياته



هذا شي



يعني لاتقولين اخليه ولا ما اخليه


مو حلوة بحقج ترا





الشي الثاني



لج بيتج تمي فييه


قعدي فيه لين يرد بعدين يسفرج



هذا افضل حل

 

[om MaRyooM]

روحي مع اهلج وقوليلهم صار عنده ظرف

وقوليله يوعدج بعد العيد يسفرج
لأن لج حق عليه

ودام انج زوجةثانية لابد من هالسوالف تصير


الله يعين

 

[كارلوفي فاري]

روحي عند اهلج. وانتي متزوجته وعارفه ضروفه

 

[كويتية توتة]

هلا اختي
انصحج روحي لبيت اهلج أأمن لج ومنها تغيير
ماتدرين شنو يصير الدنيا تخوف
مابي اخوفج ههه
موفقة