وين اروح بعطلة شهر فبراير ... ايطاليا شرايكم

[لمسة فن انثى]

السلام بنات تنصحوني اروح ايطاليا بشهر فبراير اقصد العطله الصغيره انا. وزوجي وعيالي ولا لأ لان كل ماسويت سيرج عنها مالقيت شي حلو خصوصاً اني رايحه باريس في الصيف فاحس من الصور باريس احلا ولا شرايكم وين اروووووح

 

[toofaa79]

بالعكس ايطاليا حدها حلوة وشوفي التقارير عنها فيها اكثر من منطقة تسوى تروحيلها اذا انتى راعية تسوق ميلانو راح تبرد جبدج بالسوق واذا رومانسية فينيسا مدينة العشاق غير فلورنسا وروما كلها اثار وتاريخ لو انتى تبين هالنوع من السياحة وسلامتج

 

[لمسة فن انثى]

مشكوره توفااا الله يعطيج العافيه ع النصيحه ان شاء الله اروح وستانس ودعيلج بالخير
بعد يبنات منو عندها معلومات اكثر دقه ابي يسوى اقعد بروما ٦ ليالي وميلان ٦ وفينيس ٢ ولا شلون تقسيمة الايام

 

[نـعـومـه]

انا مارحت ايطاليا بس اللي اسمعه عنها انها موذاك الروعه بس الحلو فيها البندقيه واو

وروما كلها اثار

بس سامعه ان دول الاوربيه الثانيه معاملتهم احسن من الايطاليين

اذا تحبين شرق آسيا روحي عشان عيالج لانها سياحيه لليهال

 

[لمسة فن انثى]

مشكوره نعومه ماقصرتي بس شرق اسيا مو حر ورطوبه وين اروح بشرق اسيا

 

[قانونية]

هلا حبيبتي
ايطاليا مناسبه بشهر فبراير

وللاطفال في منطقه جاردا فيها حديقه العاب كبيره

بس التوزيعه احس يبيلها تعديل

نقول روما ٣ايام
و ٥ميلان
و٣فينيسا

وروحي منطقه فيرونا الي فيها بيت روميو وجوليت

 

[غيمه عطر]

كنت فيها في عيد الاضحى رررروعه عجبتني وما كنت اتوقعها كذا

روما ...فلورنس ...فينيسيا ولا سوق ررروما شي احلى من ميلان

وفلورنس تهبل فنس قعدنا فيها يوم رومنسيه بس حدها يوم


الي يروح ايطاليا لا يروح الا شتاء او من بعد رمضان وطالع :s142:

 

[شقردية ذهبية]

صح كلام خواتي.. ايطاليا آنا رحتها بالصيف حلوووه بس جوهااا لااا موووو شي..
شوفي أحنا الأماكن كلها رحنالها بس يوم مافي بيات.. تحسفنا روما على الأقل يبيلها 3 ليالي ووااااايد يمدحون سوقها لأنه يكون فيها الأيطالي الأصلي مو موجود في ميلان لأن ميلان كله ماركات عالميه والمعروفييين بس ميلان بعد حلووه..

شوفي بالنسبه للتقسيمه روحي بيات ليله في غاردا إذا في فندق قريب لنج تبين ترفيه للعيال وروما # ليالي ممكن تكفيج..
وعندج فينيسيا ليله كافيه لأنها صغيره..
وميلان عندج 6 ليالي إذا بتفرييين فيها..
وإحنا رحنا لوغانو جبليه هي سويسريه بحدود إيطاليا روووعه..
وعندج يقولون كومو حلووه آحنا صراحه مارحنا وعندج فلورنس يمدحونها احنا بس رحنا الأوتلت مالها.. عجيييب..

هذا اللي اقدر افيدج فيه وإن شاءالله البنات يفيدونج أكثر يارب... موفقه وإن شاءالله تعجبج وتتونسييين فيها..