وين اخذ لبنتي لبس روضه اسعاره حلوى ونوعيه ممتازه

[أم^تركي]

هاي بنات بغيت لبس روضة حلو وناعم ابي نفانيف احسن وين ابي اسعار معقوله مو 20 -25 شدعوه
كلها يومين وتعفس الهدوم عفاس يعني الي 15 دينار زين بس ابي مرتب وكد ومد لسنه باخذ لها اثنين على الاقل بليز ساعدوني :tek:​

 

[مدرسة مكروفة]

عندج بجمعية العديلية صوب المكتبة أسعارهم وايد مناسبة وبضاعتهم مكدة وأسعارهم بلاش

 

[nice-girl]

شوقتيني والله
ودي اورح اشتري حق ولدي بس تو الناس اخاف ينزلون موديلات احلا

 

[فبراير]

فيه بالنصر الرياضى منزلين نفانيف معها ليقنز حلوين على خمسه وشى خذيت منه حق بنتى
بس انا كنت ادور لها شورتات بناتيه حق الروضه بعد بس ماحصلت ..ومادري وين احصلهم؟أفيدونااااااا

 

[ام وليد hamood]

حبيبتي بيت اولادنا موديلاتهم حلوه واسعارهم زينه وكد ومد

 

[mun mun]

اتحصلين عند مؤيد المير وعند بيت البصير الى بالعديليه

 

[اخت الغالي الغائب]

وانا والله بعد ابي لبس روضه الصيفي والشتوي ابي اللي عندهم خبره يساعدونا وابي جايتات روضه دافيه اللي من داخل فرو صج تو اشتا بس ودي اعرف من وين تشترون لبس الشتا مال الروضه

 

[miss_ant]

مجمع الأوقاف اللي في شرق ... بس أعتقد ألحين مايبعون لأن لي ألحين ما صار موسم المدارس ..
تحياتي ..

 

[غنوة ستايل]

ما شاء الله البنات ما قصرواا

 

[جكورة]

والله أخذ لعيالي من الأيوب موديلاتهم حلوة وكد ومـــد وسعرهم رخيص بحدود 6-7 دنانير...

 

[كسرة عود]

مجمع الأيوب طبي وتخيري والأوقاف حلوة وموديلات مميزة

 

[F.A]

الايوب أحسن شى بس أنا سمعت ان احتمال يغيرون الملابس ويضيفون شعار الكويت ؟؟؟للروضه وباقى المراحل صج؟؟

 

[أم^تركي]

يعطيكم العافيه والله انا خايفة يغيرون اللبس انشالله بروح الايوب انشالله

 

[bintmishref]

قبل جم يوم شفت نفانيف الروضه في النصر اللي بجمعيه بيان اليديده تكون لازقه يعني مو قطعتين
البلوزه او القميص الابيض لازق بالتنوره او بالشورت الازرق.. وايد حلو شكله ومرتب ولا تطلع فنيله داخليه من تحت ولا ترتفع البلوزه

 

[عطر الشوق]

الأيوب وفي حتى حق الابتدائي بعد
وحلوين غسيل ولبس

 

[سارة_kw]

جمعية العديليه منزلين موديلات اتشوووووووق للبنات


فوق قبل المكتبه


حتى مؤيد المير بالجمعيه نفسها طقي فره على الجمعيه وصعدي فوق عند المحل اللي يبيع ملابس مدرسه ومري بطريجج يم الحلاق مؤيد المير

 

[toyo]

حبيبتي فاملي كير شغلهم كد و مد وبنفس الوقت اسعارهم زينه يعني يطلع النفنوف مع القميص 7 تقريبا

 

[خاشووقه]

ب اج اس

عندهم موديلات حلوة

 

[أساور]

بنت مشرف وين صاير النصر ببيان؟

 

[النهج الاسمى]

ياحليلج مستعجله على المدارس

شكلها بكرج!

يالغاليه نطري لنص 8

وبعدين ياحلوه روحي حق مجمع الايوب اللي بحولي وعنج محلين واحد عند البوابه اول ماتخلين نسيت اسمه والثاني اسمه
ميديلوس فوق بالطابق الثاني

دايم آخذ منهم حييييل كشخه واناقه واسعارها ماتتعدى ال15