وين احصل كل معاشات الكويت

[نادية_]

هاي بنات

ابي اعرف كل معاشات الكويت ؟؟ في كتاب ؟؟ او شي

يعني ابي اعرف بكل الجهات الوزرات والشركات الحكوميه والهيئات

ياريت اللي تعرف تساعدني

 

[Q8Buying]

اكو موضوع بهالقسم يتناقشون فيهم البنات جزاهم الله كل خير
عن معاشات الموظفين وهالسوالف

 

[نادية_]

لا ابي كتاب في المعاشات

 

[نادية_]

ااااااااااااااااااااااب

 

[frawlah_83]

ماعمري سمعت عن كتاب في كل المعاشات انا ملاحظتج تسالين عن معاش الباحثه القانونيه ترى المعاش واااحد في كل الوزارات ماعدا الماليه لانه الوزاره لها كادر راتب الجامعي بحدود ال 950 او 980.. وكل سنه ازيد المعاش 10 وفي بونص قوي

كل الجامعيين ياخذون اول تعين راتب اساسي 260 + 190 علاوه اجتماعيه + 120 غلاء معيشي + 50 دعم مالي + 50 دعم اذا الراتب اقل من ال 1000 وزيدي عليهم الكادر ال 100 حق الي مايخذون كادر.... بس الي اعرفه الحقوقين ياخذون نفس كادر المحاسبين 160

اعلى رواتب حق الحقوقيين في ديوان المحاسبه الي بحدود 1500 والفتوى والتشريع مادري جم والبلديه والتحقيقات هالاماكن معروفه كل الحقوقيين يبونها لانه اعلى رواتب والحقوقين فيها لهم كادر خاص ...

بالنسبه حق البترول كل الجامعييين ياخذون 997 ماعدا المهندسييين ياخذون اكثر ومادري اذا اقروا الزياده الاخيره اذا اقروها زيدي عليها بحدود ال 300 طبعا ميزه النفط انه الزياده السنويه عباره عن نسبه من الراتب على حسب الاداء مو نفس الحكومه 10 دنانير وفي بونص ومشاركه نجاح وغيره وغيره ...

بالنسبه حق الموؤسات والهيئات .. لايغرج الاسم انهم موؤسسه يعني راتب عالي ترى مو كل الموؤسسات لهم كادر خاص الاغلبيه راتبهم حاله حال اي وزاره بس الي يفرق معاهم انه في شغل وفي تطور .. الهيئات الي لها كادر خاص الاغلبيه الراتب بين ال 900 وتحت ال 1000 ليلحين ماسمعت عن هيئه راتبها فوق ال 1000 حق اول تعيين .. عندج المووسسه العامه للتامينات الاجتماعيه نفس الشي مايفرق وايد عن الوزارت بس انه مكان راقي وفي شغل ... يمكن الفرق الوحيد بين الوزارات والهيئات انه في بونصات ..

هممممممم بعد وييين في اماكن !! البنك المركزي نفس الشي بين ال 900 وال 1000 وخرده ... الهيئه العامه للاستثمار الي كل من يسمع اسمها احسب شي !! رواتبهم نفس وزاره الماليه ..

صندوق التنيمه ياخذون نفس الوزارت ماكو فرق بس انه الفرق بالشغل ... الهيئه العامه للصناعه فوق ال 900 وتحت ال 1000 واتوقه الهيئه العامه للاسكان وديوان الخدمه والهيئه العامه للمعلومات المدنيه كلهم نفس 900 وشي...

عندج الامانه العامه للاوقاف يمدحون مكانهم بس لازم تكونين متحجبه راتبهم نفس الحكومه بالضبط الفرق الوحيد انه بعد سنه من التوظيف راتبج ازيد فوق ال 170 واسمونه هذا فارق وقفي وينزلج شهريا طبعا يعتمد على تقييمج وشغلج واجتهادج اتوقع لازم تيبين تقدير او تقييم معيين عشان يمشيلج الفارق وبطعا ازييد مع سنوات الخبره هذا الي فهمته .. الميزه الي فيهم انه الفارق الوقفي مايعتبر كادر فعادي تاخذين كادر التخصص والفارق الوقفي...

سمعت انه مجلس الامه هم رواتبهم قويه حق الحقوقين فوق ال 1000 رواتبهم جني مرقه قرييت اهني بواحد من المواضيع بحدود ال 1200

وبس سلامتج وموفقه ان شاءالله ....

 

[نادية_]

حبيبتي فراوله مشكوره وماقصرتي

ما شالله كفيتي ووفيتي

بس همبعد في اماكن ما اتكلمتي عنها .............ومهمه وسمعت انه راوتبها قويه مثل

1- المشروعات السياحيه

2- شركه المطاحن

3- بورصه الكويت

4- الامانه العامه للتخطيط -

5- اداره الجمارك - الموانىء

6- اتحاد الجمعيات التعاونيه

وخصوصا شركه المشروعات + المطاحن لاني سمعت رواتب الشركات عاليه جدااااااااااااااااااا


وبخصوص الامانه العامه للاوقاف جم بدايه الراتب مثل باقي الوزارات 770 ؟؟ وكل سنه زياده عالراتب 170

على جذيه بعد 10 سنين الراتب 3000 !!

ومنو ماسك التوظيف فيها ؟؟

وشاكرلتج وانا ودي الكل يستفيد والكل فينا يعرف الرواتب

 

[frawlah_83]

اي الامانه العامه نفس الوزارات بالضبط انا اعرف وحده اهناك بس تخصصها محاسبه فيمشي لها كادر المحاسبه .. لا مو كل سنه 170 .. الفارق الوقفي كل سنه ازييد شوي مادري اشلون حسبته بس مو كل سنه 170 لووووول ونااسه لو جذي .. كل سنه ازيدون 10 الحكوومه عاادي والفارق الوقفي اهو فرق بين الميزانيه الوقفيه والميزانيه الحكوميه في ناس تاخذ 170 في ناس 200 في ناس اكثر بس الي فهمته منه انها على التقيم والدرجه الوظيفيه والمسمى .. ماعندي فكره منو ماسك التوظيف شوفي دشي ساييتهم .. اهم التوظيف عندهم عن طريق ترشيح من الديوان او تقديم عندهم مباشره بس ترى الي اعرفه ماياخذون اي ناس مايبون اي احد حتى الي ايون ترشيح من الديوان مرات اردونهم اذا ماعجبوهم ...


الامانه العامه للتخطيط اهي وزاره التخطييط الي اعرفه انهم مالهم كادر مادري اذا لهم كادر اللحين بس اذا تخصصج له كادر ماتقدرين تجمعين بين اثنين .. الجمارك ماعندي فكره بس اتوقع نفس الطقه ..

المشروعات السياحيه والمطاحن ماعندي فكره ماعندي فكره .. بس توقع نفس المستوى مادري يعتبرون خاص ولاحكومه اذا خاص لهم دعم عماله معناته هم نفس الشي الراتب بكون ال 900 وال 1000 ...

البورصه ماعندي فكره بس تقدرين ادقيين عليهم وتشوفييين .. اذا لج معارف اهناااك سالي عن هيئه اسواق الماليه المكان توه يديد وله مستقبل وشغل انا عيزت وادور عنهم ماني قادره احصل ويين مكانهم ولا رقم تلفونهم ....

تقدرين ادقيين على باجي الامكان وبالتلفون اتسالييين جم الرواتب تكلمين اداره شؤون الموظفين ....

شوفي لاتخلين الراتب شغلج الشاغل الاول والاخير ولاتحكميين على المكان من الراتب... ترى الراتب مو حييل مهم والراتب شي طبيعي يكون بالبدايه ضعييف صدقيني ترى اهم شي المكان وسمعته وطبيعه شغله والقروب الي معاااج اهم شي تكونين مرتااحه وحابه شغلج وقاعده تستفيدين وتطورين شفايده الراتب العالي وانتي في مكااان مو مرتااحه فييي..

 

[نادية_]

مشكوره حبيبتي فراوله

المشروعات والمطاحن تابعين للحكومه وسمعت معاشاتهم قويه يعني يقولون الف وفي ناس 1400 وما اندري وين الصج

بخصوص الراحه اكيد مهمه بس هذا شي بعلم الغيب ما ادري وين المكان المريح والمكان المتعب

الا لما اتوظف واجرب

 

[Om_Ksha]

ولا مره سمعت انه في كتاب للرواتب

بس استفدنا منج يا فراوله مشكوووره

 

[نادية_]

مشكوره حبيبتي فراوله

المشروعات والمطاحن تابعين للحكومه وسمعت معاشاتهم قويه يعني يقولون الف وفي ناس 1400 وما اندري وين الصج

بخصوص الراحه اكيد مهمه بس هذا شي بعلم الغيب ما ادري وين المكان المريح والمكان المتعب

الا لما اتوظف واجرب

 

[frawlah_83]

العفو شووشووو :**

معقووله 1400 !!!! ماتوقع وااايد مبالغ فيها !! لو صج 1400 جان شفتي الناس طق اعصي على المكااان وكل من ايب سيرته ...

 

[bint_q8]

عساكم ع القوه

وماقصرتي اختي ع هالشرح الله يجزاج خير

ماعليكم امر ممكن اعرف معاشات الدبلوم وافضل الاماكن ؟ وخاصه كادر الفني وين الوزارات او الموسسات اللي عندهم كوادر للفني ؟

لان توه متخرجه من التطبيقي وموعارفه وين اقدم وبسال قبل لا اروح اقدم


مشكورين :eh_s(7):​

 

[سميره مملوحه]

انا دبلوم محاسبه
جم معاشي بوزاره الماليه

نبي تفااااعل بنااااااات لا نبخل على بعض