وين احصل علاقات السوار الصغار ،، اللي يتركبون على الاساور ؟؟

[( المـلاك )]

السلام عليكم​

بنات وين احصل هالعلاقات الصغيره اللي تتعلق عالسوار​

تقريبا مثل اساور جوسي ، اللي تكون حدايد ملفلفه و تعلقين عليها علاقات صغيره
بس تكون مثل لها كبسه تفتح وتصكر ، مو حلقات جاهزه ،
يعني مممممممممم جنها صكه القلاده فاهمين علي و فيها شي معلق صغير
عشان اركبها على السوار​

جذي نفس هالاشياء المتعلقه​

بس انا عندي اساور يديده توني شاريتهم
بس خام مو حدايد
و معجفين وحلوين حيل نعومين
فقلت بركب عليهم هالعلاقات عشان يطلع شكلهم حلو​

يعني اللي عندي مثل جذي تقريبا تقريبا بس ساده لون واحد

حبال متربطه وساده فبحط عليهم العلاقات​

،،​

ياليت بنات تذكرونلي اماكن اكيييده مو بس سمعتوا او يمكن مو متأكدين
لانه ماعندي وقت و تعبت من الروحه للمجمعات​

ومشكورين مقدما​

 

[Fashion Falls]

ينباعوون بجوسي كوتور 360

 

[زينانه]

ينباعون بمحل بالافنيوز
الوحده ب5 وفي ب 7 وفي ب10
تحت بالدور الارضي اسمه توماس
قريب من محل جناط جيمي شو

 

[( المـلاك )]

ينباعوون بجوسي كوتور 360

ادري حبيبتي بس انا مابي جوسي
عندي السواره مالت جوسي وعلاقاتها
بس اللي عندي خيوط و عاديه مو ماركة فابيلها علاقات حلوة مابي الماركة نفسها لانه عندي
عالعموم يعطيج العافيه

ينباعون بمحل بالافنيوز
الوحده ب5 وفي ب 7 وفي ب10
تحت بالدور الارضي اسمه توماس
قريب من محل جناط جيمي شو

يعطيج العافيه
انشالله هالاسبوع اروح واشوف
ما قصرتي :**

 

[<miss botamba>]

نفس ما قالوا توماس سابو

 

[PuPa^^SWeeT]

فيه بالافنيوز محل توماس هذا يبيعهم فضة


وفيه عندج بالمارينا جبال فولار فيه ستاند يبيعهم


حلوين بس اللي بالمارينا الوحدة على 13 و 20 دينار

 

[emiemi]

هاااااي انتي قصدج بتسووين سواااره؟؟؟ اذا قصدج جذيه روحي المباااركيه سرداااب الشااايع (سوق البشوووت)) هناااك محلات عندهم تركيبااات للاكسسوااار>>انا اصمم اكسسواااراات وكل شغلي منهم:eh_s(8):

 

[ام عفاف الكويت]

القطعه المدوره شفته بسرداب الشايع واحجام
تلقينه عند مال الالعاب حاط كله اكسسوارات

 

[yumyumi]

Up up