وين اجمل واحلى الاماكن في دبي ؟؟فزعتكم كويتيات لاتفشلوني قدام زوجي ...

[الجوري2008]

السلام عليكم ورحمة الله وبركاته
خواتي الكويتيات الاسبوع الجاي راح نسافر دبي وقلت لزوجي راح تشوف خواتي الكويتيات كيف راح يعطوني برنامج كامل مو بس اماكن:yaaaaaarb:
لاحلى واجمل الاماكن في دبي
والاسواق اهم شيء والمطاعم اللي تنصحوني فيها
وشيء في الامارات مو موجود بالسعودية واقدر اسوية او اشترية من هناك
ونصايحكم بعد :eh_s(15)::eh_s(15):
:eh_s(7)::eh_s(17):لاتردوني وردة ريحتها حلوة لكل وحدة ترد علي
:eh_s(11)::eh_s(16):للي مايرد علي ههههه
خلوني اثبت وجودي واني قد المسؤلية قدام زوجي تكفون​

 

[ياعيون مغليك]

يسعدني اكون اول من يرد عليج
دبي كل مافيها حلوو
فيها سكاي دبي اللي هي مدينة الثلج موجوده بالامارات مول
وفيها الاكواريوم وهي مدينة مائيه تشوفين كل الاحيا المائيه وموجوده بدبي مول
فيها محل كاكاوات وحلاااو شكله عجيييب مقابل الاكواريوم شكله رهييب
فيه النافوره الراقصه القعده عندها بليل خياال وموجوده بدبي مول
اممم فيها فندق القصر وانصحج نصيحه اسكني فيه لو ليله ماراح تندمين وهو موجوده في مدينة الجميرا نظامه عربي زخارف اسلاميه وهو نفس المنتجع فيه انهار واشجار تحسين قاااعده باوروبا وانا لما سكنت فيه كان اخر يناير يعني الجو بديع وكله قوارب والريوق فيه شي ثاااني

فيه رحلة سفاري بالبر تروحون على همر بس الجو الحين مايساعد

الاشيا اللي موجوده بس بدبي
اكيد عطور انفاسك دخون شي خيال وخاصه عطر 29 يناير وشي شي
ملافع حناين والاختيار الاول بس لاتروحين فرع الستي سنتر اسعاره دبل وهو نفس البضاعه فنصيحه رووحي لفرع الامارات مول
اخذي اكسسوارات كأنها الماس من الوشيعه بالامارات مول

هذا اللي يحضرني الحين
بس دبي كلها على بعضها تعجبني احس اجواءها غربيه

 

[سلة ورد]

سفرة سعيدة حبيبتي .. وان شااء الله البنات ما يقصرون بس يا ريت تذكرين عدد الايام عشان البرنامج

 

[الجوري2008]

يعطيكم العافية حبايبي بيضتوا الوجه ماقصرتوا
تقريبا اختي من 5 الى 6 ايام
وين اهل الاماراااااااااات
والكويتيات بعد وينكم ؟؟؟

 

[*-*Lo0o0Raaa*-*]

انا رحت دبي 4 ايام

بصراحه ما رحت كل اسواقه

ولكن قبل لا رووح سويت خووش سيرج

وراح اقوولج

اولا : السوووق

عندج ابو الهيل هذا كلله اعبي ودستايل اعبي الامارات غريبه ويونيك غير عن شويه فاا حابه تشوفين بس على ما اعتقد ترووحيله اول شي اذا بنيتج تاخذين اعبي عشان التفصيل ياخذ وقت

الامارات مول - دبي مول - مردف سيتي سنتر البرجمان

هذوله السوقه المعروفه وكلهام فيهم الماركات العالميه :rerrerek:

مرشد نفس نظام المباركيه عندنا بس المباركيه ارتب وعندهم خوووش زعفران :rerrerek:

طبعا حلو تروحين ابوظبي يوم تزورين فراري وتردين انا رحتله بس ما دخلت الألعاب بصراحه كان حر وغير جذي ماكان يمدي الوقت كنا بنرد دبي نكمل اسوااق بس عندهم ملابس فراري وشوزات يعني نوعا ما سبورتي بس كان عندهم تي شيرت فراري اينن حق بنتي عمرها سنه بس مالقيت قياسها عورني قلبي :eh_s(2): بس خذيت لاخواني :ggdw:

بن بطوووطه ما رحتله بس ستايله حلووو وديكوريشن ماله حلوو في واحد اسمه ميركانو ميركاتو ديزانه ايطالي بس مارحتله
وكان ودي ارووح السوق الصيني بس مامدانا :eh_s(2):

بس انا ماراح اتكلم وايد عن الاسواق لانه اذا سويتي سيرج عن اسواق دبي بتلقين اشياء وايد

بس انا رحت دبي مول وامارات مول ومرشد

واصلا دبي مول يبيلج يومين وامارات مول يبيلج هم يومين

الاماكن السياحيه

اللي عجبني وحتى ريلي استانس عليه

اهوا

الجي بي ار وووك

اهوا نفس ستايل الشانز يمينج البحر ويسارج مطاعم وكفيهات يونننس وخصوصا بالشتا قعداته روعه بس احنا قعدنا داخل لانه حر :eh_s(2):

http://www.uaeconnectors.com/arabic/thumbnail.php?file=4_654219879.jpg&size=article_medium

وعندج بعد مرسى دبي عند احلى من جي بي ار ووك

مادري نوعا ما الجي بي ار ووك كله زحمه بس مرسى دبي كان هادي وراقي

يعني هذوله بالشتا روووووعه :rerrerek:



مرسى دبس

وعندج اتلانتس خصوصا اذا معاكم اعيالكم بيستانسون وايد


وسكاي دبي في امارات موول



دبي تونس وحق الشوبنق حلوووه

 

[فواصل]

البنات كفوا و وفوا

وعندج القرية التراثية (يا الشندغة او ملتقى العائلات مب متذكرة الاسم بالضبط) بس الجو ما يساعد و القهوة الشعبية في الشارقة

ودبي مول هاي يكفيج عن كل المولات من تجربتي كل شيء فيه

ولليهال وديهم كيدزينيا بيستانسون فيها

 

[صغيرة لكن خطيرة]

يسلمو ياعسل