وين أقدر اخذ دبلوم سنتين

[سيكلوجيه]

السلم عليكم

بنات شنو في معاهد وكليات غير التجاري والتطبيقي تكون مدت الدبلومه سنتين؟ انا كنت ماخذ عند نيوهورايزن 9 شهور بس عساس تعتبر سنتين بس انها مكثفه ويومية ومعتمدة من التجاري والتطبيقي بس طلع هالكلام لا مايفيد بالتوظيف، يني اذا مطلوب سنتين لازم سنتين .

ماادري منو عندها معلومات عند دبلومة الاستراليه ودي ادشها بس اخاف صعبه ​

 

[ابتسامه فورايفر]

حبوبه في دبلوم جامعة في ابوحليفه المنطقة العاشرة سنتين وكلها بنات انا ناويه اسجل فيها بداية عام دراسي استفسر عنها يمكن تنفعج

 

[شوق الولايف]

...

حبيبتي انا نفسج ودي احد يفيدني

بس سمعت ان نيوهورايزن تعطي دبلوم سنتين عن طريق التطبيقي

اللي عندها معلومه ياليت تفيدنا

...
...

 

[تبسم لمغليك]

اهلين سيكلوجيه عسك بخير انشاءالله لقيتي لك رفيجه بشرينا متابعه موضوعك المهم عندي لك اذا تبين معتمده وبسرعه يوظفونك سلمك الله عند بوزارة الاوقاف اترجه لتحفيظ القران يعني اول تشتركين معاهم رسمي طالبه بدون رسوم وتدرسين يونين بالاسبوع وساعتين باليوم المهم تبدين بمجتهد اسم القسم لانك راح تعلمين التجويد وسهل حده وتحفظين باليوم صفحه وحده طبعا تبدين بالفاتحه والبقره يعني بالسنه تاخذين بدايه ثلاث اجزاء البقره وال عمران والله خلصتي سنه وحفظتي الي عليك بس هاه شفتي نفسك تقدرين اكثر تحفظين تقدرين ينقلونك امرحله الي بعدها خل افهمك مع الممارسه صار عندك مقدره تحفظين باليوم اربع صفحات والله ماياخذ منك وقت اذا قسمتي عدل بايوم صفحتين بالاسبوع راح تحفظين12صففحه بدون يوم الجمعه راح تخلصين بسرعه وينقلونك للمرحله الي بعدها واحلى مافيها ان دراستك بيدك انت تحددين متى تخلصين بمقدرتك لحفظ القرآن كامل وتجويده يعني في ناس سنه وناس سنتين وناس اكثر المهم اذا حفظتي يعطونك شهاده مصدقه من الاوقاف ومنها تقدرين تصيرين عندهم محفظة قران وتجويد لاتقولين صعب ترا اسهل منه مافي ويكفي انك تكونين من اهل القران ولك اجر كل من تحفظين اي بعدين انت تختارين تبي تحفظين كبار او صغار كبار مركزهم اسمه اترجه وللصغار اسمه سرج المنير ******
في معهد ثاني اسمه معهد بن عثيمين تجيك شهادته من السعوديه معتمده ولك اجازه بالتدريس العلوم الشرعيه والفقهيه هذا المعهد بالعقيله موجود المهم تدرسين عندهم بعدها تاخذين شهادة دبلوم انت فكري اذا بغيتي اي سؤال انا باخدمه والله يوفقك

 

[تبسم لمغليك]

سؤال معاك اي شهاده علشان اقدر افيدك اي صف وصلتي وخذيتي شهادته الله ييسر لك الخير اختي

 

[Gala_3mri]

اب اب اب لعيونج

 

[سيكلوجيه]

اهلين سيكلوجيه عسك بخير انشاءالله لقيتي لك رفيجه بشرينا متابعه موضوعك المهم عندي لك اذا تبين معتمده وبسرعه يوظفونك سلمك الله عند بوزارة الاوقاف اترجه لتحفيظ القران يعني اول تشتركين معاهم رسمي طالبه بدون رسوم وتدرسين يونين بالاسبوع وساعتين باليوم المهم تبدين بمجتهد اسم القسم لانك راح تعلمين التجويد وسهل حده وتحفظين باليوم صفحه وحده طبعا تبدين بالفاتحه والبقره يعني بالسنه تاخذين بدايه ثلاث اجزاء البقره وال عمران والله خلصتي سنه وحفظتي الي عليك بس هاه شفتي نفسك تقدرين اكثر تحفظين تقدرين ينقلونك امرحله الي بعدها خل افهمك مع الممارسه صار عندك مقدره تحفظين باليوم اربع صفحات والله ماياخذ منك وقت اذا قسمتي عدل بايوم صفحتين بالاسبوع راح تحفظين12صففحه بدون يوم الجمعه راح تخلصين بسرعه وينقلونك للمرحله الي بعدها واحلى مافيها ان دراستك بيدك انت تحددين متى تخلصين بمقدرتك لحفظ القرآن كامل وتجويده يعني في ناس سنه وناس سنتين وناس اكثر المهم اذا حفظتي يعطونك شهاده مصدقه من الاوقاف ومنها تقدرين تصيرين عندهم محفظة قران وتجويد لاتقولين صعب ترا اسهل منه مافي ويكفي انك تكونين من اهل القران ولك اجر كل من تحفظين اي بعدين انت تختارين تبي تحفظين كبار او صغار كبار مركزهم اسمه اترجه وللصغار اسمه سرج المنير ******
في معهد ثاني اسمه معهد بن عثيمين تجيك شهادته من السعوديه معتمده ولك اجازه بالتدريس العلوم الشرعيه والفقهيه هذا المعهد بالعقيله موجود المهم تدرسين عندهم بعدها تاخذين شهادة دبلوم انت فكري اذا بغيتي اي سؤال انا باخدمه والله يوفقك

هلا والله ياقلبي مشكورة على المعلومات :eh_s(7):وشي حلو بصراحه جزاج الله خير، ودي ادخل عشان ابي اراجع حفظي، وزين نبهتي صراحه في بنات وايد مايدرون عن هالمراكز .

وعلى سؤوالج :$ الله كريم ان شاالله ادعيلي بس هههه

 

[سيكلوجيه]

شاكرة مروركم بنات :eh_s(7):

انا بس ماخذه دبلومة 9 شهور .


بنات بسألكم الي داشين دورات خاصة مثل نيوهورايزن وجذي، اهما قصو علينا قالوا عبارة عن سنتين ومعتمدة من التجاري والتطبيقي، بس انها مضغوطة ودوام يومي عشان جذب 9 شهور !! بس لمن رحت قدمت قالولي ماتعتبر كدبلومه سنتين :eh_s(10): :eh_s(2): بنات فيدوني انا كنت ماخذه عندهم دبلوم ادارة اعمال

بنات ماتدرون في معاهد تعطي شهادة بسنتين عن طريق النت مثلا ؟؟

 

[Ba6oo6a-Q8]

up
up

 

[سيكلوجيه]

اب اب

بنات فيدونا عفيه، انا اكمل بالجامعه العربيه بس المشكلة هالجامعه صعبه ودراستها كله بالنجليزي ، شسوي ياربي شنو تنصحوني في لازم اتوظف انا مو صغيره والمشكلة لازم يكون عندي دبلومه سنتين عشان اقدر اتوظف و الجامعه لو بخلصها يبيلي اقر شي 3 سنين، ففكرت اكمل معهد عادي سنتين وكمل جامعتي شرايييكم​

 

[جذابه بنت ذيابه]

اللي متوظفه تاخذ اجازة دراسيه و تاخذ دورات بالتطبيقي سنتين

 

[سيكلوجيه]

بنات ابي دبلوم سنتين، سمعت في شهادات معتمدة بس مولازم الحضور بس اروح امتحن ورجع بدولة ثانيه اقصد

 

[honey lust]

الاستراليه فيها دبلوم و تخصصاتها حلووة

 

[MayOumii~]

عندج هالثلآث كليآت :

-ack " الاسترالية " .. تخصصآتهآ حلوة ويقولون دبلومهآ سهل للي يتآبع ويدرس بس مآدية بشكل خيآلي يعني عندهم الفلوس فوق كل شي بس بالاخير دبلوم وكل الجآمعآت الخاصة مآدية لكن هاذي بزيآدة ( سآعآت احسها تهمهآ مصلحة الفلس اكثر من مصآلح الطلبة بسبة المشآكل الي تصير ) بس محد ينكر انها خرجت دفعآت قوية وكآهم متوظفين بأحسن الأمآكن

-BoxHill " بوكسهل " .. اهيا كلية استرآلية بعد وكلها بنآت يعني موخلط مثل البآجي بس عيوبها فضيعة دشي تجمع بوكسهل اخر واحد للبنآت وشوفي شمكتوب محد ينصح فيها ومآينفع تكملين عليها بكآلريوس .. بس بنفس الوقت وحدة تصيرلي متخرجة منهآ تخصص " جرآفيك " وكآهي تشتغل ببنك الخليج وعآدي .. انتي سالي نآس درسو فيها وسألي الي يدرسون فيها مو تسألين الي يشتغلون فيهآ لآنهم بيوصلونهآ لج السمآ

-acm "كلية الشرق الاوسط الامريكية"..لحد الحين هالكلية مآعليها كلآم لكن مشكلتهآ تخصصآتها شوية بس الاغلبية يمدحونهآ << مو على بو انه الكلية تآبعة لجآمعتي مدحتهآ لآ بس هذا الوآقع وتقدرين تسألين الي اهنآك بنفسج وبالاخير ك شوي له مسآوئ وعيوب ومميزآت


شفتي هالثلاث كليآت الي فآتو يقدمون لج دبلوم مدته سنتين بالتمآم والكمآل

لكن في حآلة انج مآعديتي تمهيدي الانجليزي رآح يصيرون 3 سنين او 3 سنين ونص او سنتين ونص على حسب اللفل الي تييبينه
واذا تبين تعدين التمهيدي ييبي بامتحآن الآيلتز البريطآني 5.5 او بالتوفل مآدري جم

بالنسبة لي جربت الايلتز وانا لغتي جيدة ومتوسطة يبت 5 واول مرة امتحن يعني اتوقع لو قدمته مرة ثآنية بآييب اكثر ان شاء الله
اذا لغتج زينة قدميه وافتكي من التمهيدي

 

[jomanaa]

شوفوا بنات روحوا معهد الاكاديمية مو معهد بل جامعة لان شهادتها معترفة من وزارة الخارجية الامريكية وانا ماخذه تخصص قانون اخلص من الدراسة بعد سنتين شوفوا روحوا ما راح تخسرون شي اما نيوهرايزن ترى غالي حتى جامعة الشرق الاوسط الامريكة هم غالية احسن مكان هو الاكاديمة الامريكة

 

[سيكلوجيه]

اختي MayOumii~

فديتج مشكورة تسلم ايدج، انا قاعدة افكر بكلية الشرق الاوسط لانها تعطي دبلوم وبكلريوس. ناوية اروح امرهم وشوف.

بس لازلت اطمع بجامعة انتساب امتحن بس او حت لو في دوام بس ابي دراسه بالعربي، او اسافر وقت الاختبار بس امتحن ورجع.

شاكرة مروركم

 

[سيكلوجيه]

شوفوا بنات روحوا معهد الاكاديمية مو معهد بل جامعة لان شهادتها معترفة من وزارة الخارجية الامريكية وانا ماخذه تخصص قانون اخلص من الدراسة بعد سنتين شوفوا روحوا ما راح تخسرون شي اما نيوهرايزن ترى غالي حتى جامعة الشرق الاوسط الامريكة هم غالية احسن مكان هو الاكاديمة الامريكة

اختي وين هذا المعهد اهو خاص ولا حكومي، راسلتج بالخاص ظروري ابي معلومات عنه.

والف شكر

 

[سيكلوجيه]

بناااااااااااااااااااااااااااااات ( معهد الاكاديمية ) وين تكفوووووووون احد يرد ، اهو حكومي ولا خاص ؟ والي تعرف رقمه تحطه لنا

الاخت jomanaa كاتبه عنه بس ماوضحت ياريت اختي توضحين

 

[سيكلوجيه]

اببببببببببب اب