وين أروح في سلطنة عمان ؟

[Ms.LoL]

السلام عليكم ..

صباحكم خير و طاعه (=

مثل ما تدرون عطلة العيد قربت ..

و إن شاء الله ناويين نسافر .. عندنا 5 أيام نقدر نسافر فيها ..

بغيت أعرف عن الأماكن السياحية بعمان .. ؟

وين تنصحوني أروح ب 5 أيام .. و هل ال 5 وايد أو مناسبه ؟

لو في منتجعات حلوة .. تعلموني عليها .. ؟

و هل ملل لو نقعد بس بمنتجع .؟

و في منتجع يكون بمنطقه فيها أماكن سياحية نروح لها ؟

بروح أنا و اختي الصغيره و أبوي ..

نبي شي يناسبنا كلنا ..

أبوي يبي قعدة و استرخاء .. أنا أبي مناظر و طلعات .. و اختي تبي وناسه ..

إن شاء الله ألقى أحد عنده فكره عن المكان .. و يساعدني (=

و يزاكم الله خير ..

 

[حلا وغلا]

رد : وين أروح في سلطنة عمان ؟

شوفي موقع العرب المسافرون

تروحين وترجعين بالسلامه

 

[الأميرة جوري]

رد : وين أروح في سلطنة عمان ؟

صلاله ...حيل يمدحونها

 

[عاشقة صلاله]

الطبيعه والطلعه والاسترخاء في صلاله والتسوق والماركات العالميه والمجمعات مسقط ومناسب 5 ايام نتمنالكم رحله سعيده وعمان تستاهل الزياره

 

[MiSs SaLsA]

حبوبة أنا عمانية
و 5 أيام كثيييييييييير مناسبة

و البنات قالوا صلالة
صلالة حلوة واااايد بس ألحين هالوقت مو براااد فهمتي
يعني الناس تروح في الصيف لأن خضرة و براد
بس ألحين هالوقت في خضرة و براد خفيييييييييييييف

هذا لنك موضوعي رحلتي إلى صور في عمان
http://www.q8yat.net/showthread.php?t=694152

اطلعي على هذا و لي باك متكامل بإذن الله
بعرضلج كل شي تبينه بإذن الله

و تنورين حبيبتي

 

[MiSs SaLsA]

حبوبة إذا تبون تعسشون في مسقط
هاذي فنادق 5 ستار
فندق الشيراتون
و هذا موقعهم (http://www.starwoodhotels.com/sheraton/search/hotel_detail.html?propertyID=167)
و شوفي الصور
-----------------------------------------------.
جراند حياة
و هذا موقعهم
(http://muscat.grand.hyatt.com/hyatt/hotels/index.jsp?null)
و هني شوفي بعض الصور (http://www.travelerpedia.net/forums/showthread.php?t=2710)

----------------------------------------------------------------.
و هاذي المنتجعات هم 5 ستار
منتج بر الجصة (شانجريلا )
و هذا موقعهم http://www.shangri-la.com/en/property/muscat/barraljissahresort
و هني شوفي بعض الصور للمنتجع (http://www.booking.com/hotel/om/sha..._*******=images&utm_term=hotel-183000&lang=en
)
بصراحه هالمتجع روووووووووووووعه
-------------------------.
و هني فنادق و منتجعات الانتركونتيننتال
و هذا موقعهم (http://www.ichotelsgroup.com/intercontinental/en/gb/locations/overview/mscha
)
و تقدرين تشوفين فيه الصور
هالمنتجع هم رووووووووعه بمعنى الكلمة
------------------------------------.


و لي باااك

 

[MiSs SaLsA]

منتجع مسندم
هالمنتجع كلمة روعه شوووووووووية علييييييييييه
اسمه منتجع الحواس الخمس
و مسندم بعيدة وااايد عن مسقط
بس كرحلة بحرية روحولها من مسقط بالباخرة و بعدين جعدوا بهالمنتجع يوم يومين و بعدين رجعوا مسقط
المنتجع عجييييييييييييييييييييييييييييييييييب لا يطوفكم
و هذا موقعهم
http://www.sixsenses.com/SixSensesZighyBay/

و تبين تشوفين الصور كتبي في صور جوجل منتجع مسندم عمان
حبوبة المنتجع روعه روعه يعني يمزج الطراز القديم بالطراز الحديث بشكل راااااقي جدا جدا
و أتوقع أكثر من 5 ستار و الله أعلم

 

[MiSs SaLsA]

ألحين بعطيج الأماكن السياحيه

عندج
كهف الهوته
رووووووعه رووووعه هالكهف تدخلينه ,,,, فيه مخلوقاات بحرية عجيييييبة غرييييييبة سبحان الله

و عندج
مارينا بندر روضة
هذا الميناء يكون قريب من شانجريلا وااايد
تروحون هالميناء تاخذكم سفينة تاخذكم بجولة في البحر لمدة ساعه ,,, و طبعا المناظر لا تطوفج ,,,, هاذي السفينه بعد ساعه تنزلكم في غواصة ,,, طبعا الغواصة تنزلون تحت الماي و تشوفون الحياة البحرية ,,,, روووووووووعه ,,, من اسماك و سلاحف و غيرها شي شي روووعه
(http://www.google.com.om/imgres?img...%A9&um=1&hl=ar&rlz=1R2SHCN_enOM376&tbs=isch:1)

و هني تقرير شوفي الصور رووووووووعه

 

[MiSs SaLsA]

حبوبة إذا بغيتي أماكن زيادة ما يردج إلا لسانج
و حياج بين أهلج و ناسج

 

[Ms.LoL]

أهلييييين مشكوورين كلكم ^.^

مس
مشكووورة خووش معلوومااات
و الله انا محتاره بين صلالة و مسقط ..
قالوا لي في مناطق حلوة بمواسم معينه بس ..
الحين صلاله قصدج بارده برد شتوي .؟ و لا يعني حلوة نلبس كم طويل و بس ؟

احترت بين المنتجعات ..

ومنتجع شنغريلا
مادحينه لي بيت خالتي رايحين له ..
بس هم راحوله هو بروحه قعدوا فيه ما طلعوا منه ..
إحنا نبي كل يوم شي ..
يعني ننام بالمنتجع بس نطلع نروح أماكن قريبة ..

فكرة الرحلة البحريه عجيبه ..
دورت بالنت لقيت إنه في رحلة دلافين .. هذي في وين ؟

أما فكرة الغواصه شششي .. تجربه يديده لازم ما نطووفهااا

بسئلج عن هالمكان :
http://travel.maktoob.com/vb/travel435234/

هالمكان وين .؟
نقدر نروحله هالفتره و بيكون بهالجمال ؟

 

[MiSs SaLsA]

حبوبة
صلالة ألحين جوها مو لهناك
يعني ما أنصج تروحين لها هالوقت

و الصور إلي انتي جايبتهم في صلالة
و مثل ما قلتلج هالوقت ما رح تشوفين هالمناظر ,, لأن هالمناظر لما احنا عندنا صيف هم عندهم ,,, يعني تقريبا من شهر 6 إلى شهر 9

و شانجريلا أنا أنصحج فيها لأنها رووووعه
حتى يوم كامل ما تطلعون من المنتجع رح تستمتعوا وايد ,,, لأن يكون ع الشاطيء و في أكتفتيز واااايد و المكان وااااااايد راااقي و حلوووو

و بالنسبة للبس ألحين عااادي يعني سواء في صلالة أو مسقط يعني تقريبا نفس جو الكويت

عطيني وييين حصلتي صور عرض الدلافين و أنا بخبرج المنطقة
بس أتوقع رح يكونوا في الرحلة البحرية إلى مسندم ,,,, أو في جزيرة مصيرة

شوفي مناظر طبيعية عمان تارسة بس كجو مثل جو الصور ألحين في هالفترة ما في

و نصييييييييييييييييييييييييييييحه لاااااااا يفوتكم منتجع مسندم
حتى تقعدون يومين في مسقط و الباقي في مسندم و بعدين ترجعوا مسقط عشان تردوا

بس مشكلة إن مسندم مو وااايد فيها سنترات و مولات و تسوق فهمتي شلون ؟؟؟؟

و في بعد مكان بعيد شوي عن مسقط ,, اسمه رمال بني وهيبة ,,,, هالمكان عجيييييب و بر طبعا و نفس الشي فيه منتجعات جذي



و حبوبة أمانة أمانه إذا بغيتي أي شي زيادة سألي

 

[كويتيه برونزيه]

انا زرت صلاله بالصيف رووووووووووووووووووووعه

بس يقولون الحين مو ذاك الززود
خلج بمسقط احلا شي لان فيها اسواق شعبيه وفيها وايد اماكن حلو

موفقه بالسفر

 

[@فطفوووطه@]

اب اب لعيووونج

 

[Ms.LoL]

مشكوورة فطفوطه على الرفع ^.^

====

MiSs SaLsA

تسلمين على الفنادق ..
بيفيدونا لأنه ما لقينا حجز لا بشنغريلا و لا مسندم ..
بس حجزنا تذاكر ..
شكلنا بنزور مسندم يوم كامل دام بروحه و بعيد ..

إن شاء الله تتسهل سالفة السكن ..

شنو أحسن محل يبيع حلوى عمانية .؟

و مشكوورة ما قصرتي ..

 

[Ms.LoL]

إيي و نبي نعرف مكتب تأجير سيارات .. ^.^