وينكم يالخبيرات

[احلى عازميه]

هااااي لول مالي غيركم
قطوتي حبيبتي ماتشرب حليب ولا ماي بس تاكل يعني عادي او لا لازم تشرب واخاف عليها من البرد لما انام اخليها عندي بس مااشغل الدفايه اخاف تحترق شسوي او اهيا ادفي نفسها بليز ساعدوني

 

[AmOoNa-]

حبيبتي انتي حطيلها اكل القطاوه ويمه الماي واهي تعرف حق نفسها اكيد اذا عطشت راح تشرب يمكن تشرب بس انتي ماتشوفينها ويمكن ماتشرب ماي وايد لانه برد

عادي شغلي الدفايه تره القطوه عندها فطره وتعرف حق نفسها وماراح تحرق نفسها ولاشي لاتخافين)

 

[احلى عازميه]

اي ادري بس قطوتي شييطاانه ماشالله عليها تتعبث بكل شي واكثر من مره اصيدها واهيا متعلقه بالدفاايه والدفاايه حاره انزين القطوه تحس بالبرد او اهيا ادفي نفسها وشكرا على مرورج

 

[AmOoNa-]

حبيبتي اذا حست بالبرد اكييييد تدعفي نفسها اول شي شعرها يدفيها ثاني شي اهي بروحها تشوفينها تخشش باماكن ولاتتلزق فيج بس بشكل عام القطاوه يحبووووووووووون يقعدون يم الدفايه

 

[احلى عازميه]

مشكووره حبيبتي

 

[ياعشيري جعلك السلال]

انا احط لهم دفااايه لان تحت برد وفارشه لهم لحااف ينامووون ويتسدحوون عند الدفايه ما يصير فيهم شي لا تخافين
وبالنسبه للماي الي عندي ما يشربوون ولا ماي ولا حليب من الصيف !!!

 

[bent_3mema]

انا بعد قطوتي عمرها شهرين وانا اراقبها تشرب نتفه يمكن مغطه ماي صحه حليب بس ماتشرب ماي شنو الحل

 

[حلاها بلاها]

الحليب مو ضروري لها .. اما بالنسبة للماي اذا قطوتج مون فيس .. استهلاكها للماي اقل من البيكي فيس .. لان البيكي فيس وايد يفرز سوائل من عيونه على مدار اليوم و من الانف في البعض منهم.. عشان جذي يحتاجون للماي اكثر حتى يعوضون اللي انفقد

واذا كان اعتمادها على الاكل الرطب ( المعلبات ) ماراح تحتاج للماي بكثرة .. لان في نسبة سوائل كبيره.. بس انتي حرصي على ان يكون الماي متواجد يمها

والقطاوة عموما ما يحبون البرد .. بس احنا جونا يعتبر زين مو بارد وايد بشكل يضايق القطاوة.. واذا الدفايه اللي تستخدمينها نوعها زيتيه عادي مافيها خطورة .. احنا اللي عندنا زيتيه و القطاوة يحبون يتيمعون حواليها قريب حيل و ولا مره اذتهم

 

[بــدويه]

الحليب مو ضروري لها .. اما بالنسبة للماي اذا قطوتج مون فيس .. استهلاكها للماي اقل من البيكي فيس .. لان البيكي فيس وايد يفرز سوائل من عيونه على مدار اليوم و من الانف في البعض منهم.. عشان جذي يحتاجون للماي اكثر حتى يعوضون اللي انفقد

واذا كان اعتمادها على الاكل الرطب ( المعلبات ) ماراح تحتاج للماي بكثرة .. لان في نسبة سوائل كبيره.. بس انتي حرصي على ان يكون الماي متواجد يمها

والقطاوة عموما ما يحبون البرد .. بس احنا جونا يعتبر زين مو بارد وايد بشكل يضايق القطاوة.. واذا الدفايه اللي تستخدمينها نوعها زيتيه عادي مافيها خطورة .. احنا اللي عندنا زيتيه و القطاوة يحبون يتيمعون حواليها قريب حيل و ولا مره اذتهم

كفت ووفت الله يعطيها العافيه ..:tek:

 

[سكارف.فوشي]

البنات ماقصرو

 

[الكرزي]

ماقصرت حلاها بلاها وباجي البنات