ويتشره بعد

[هوازن العتيبي]

زوجي الله يهديه سافر ولاعطاني مصروف ولا اي شي
صحيح موظفه بس على الخيبه كله خصم وغير خصم القرض وغير هدايا اهله اللي نفاس واللي ساكنه بيت جديد ويالله كله علي من قهوه وحلوه واهو ,,, مثل الثوب لوقت الرزه نرزه,,
ماعلينا يتشره ليش مادقين على وانا مسافر اقوله ماعندي رصيد حدي مفلسه ومستحيه اخذ من امي فلوس
من سافر واحنا على المنوال ليش مادقين ماني غالي
واخرتها بطيتها قلتله سافرت ولا حتى دنيار عطتني احتاج شي يصير شي لازم يكون عندي فلوس
وانت ولا على بالك ,,, بنات اللي يحرني كل مادق قال محتاجه شي ناقصكم فلوس
ابفهم اذا قلت ايه يعني بيرجع ويعطني فلوس :ada:
شي يبط الجبد
والحين حاط اللوم علي ليش مارحتي الشقه واخذتي فلوس من ,,,, الحصاله اللي يموت عليه ويعدها كل يوم
تخيلوا بنات اقول لامي محتاجه فلوس وباخذ من الحصاله يافشله
بدال مايعايدني مثل اللي اشوفهم من اهلي من ساعه ..عطر .. طقم
وانا روحي اخذي من الحصاله
والله لواموت ماروح واخذ

 

[! بــدويه وآآيــد !]

،


فيه امل زوجج ينصلح


دقي عليه قولي امبييه يـ الفشله حتى اخووي حس ان مآعندي رصيد لأن لمآ احتآجه ادق من البيت وانت مو حآس فيني !

ترى انا بوجهك مو بوجه اهلي الحين

وفهميه انج محتآجه فلوس وقولي وين مكآن الحصآله ؟ مآفيهآ شي ليش لو تموتين ؟ مو فلوس زوجج والا تقعدين جذي هويتفنسق ويستآنس برآ وانتي رصيد مآتعبين !

وقولي له مآتبي تجيب لي شي تذكرني فيه من هنآك خآطري بشي احطه على التسريحه والا البسه يذكرني فيك واستآآنس لأنه منك


يمكن يجي بـ الطيب رجآل هـ الوقت جعلهم المآآآحي

 

[فوفو22]

رد : ويتشره بعد

ابفهم اذا قلت ايه يعني بيرجع ويعطني فلوس

يا حياتي فيه اختراع اسمه تحويل بالنت من حساب الى حساب بنفس البنك خلال ثواني

واذا هو ما يعرف للنت

يقدر يروح اي بنك بالديره اللي هو فيها

ويسوي تحويل الى حسابج ويوصل بنفس الدقيقه

÷÷÷÷÷÷÷÷÷÷÷÷÷÷÷


انا شايفه المشكله فيج مو فيه


يعني زوجج بسافر

ابسط الامور اقوله عطني مصروف البيت قبل سفرتك

مو يسافر وتلعبون مع بعض توم وجيري ونغزات وحركات يهال

المصروف من الامور الاساسيه اللي مافيها مزاح

حط المصروف وتوكل على الله

مو يسافر واقوله نبي مصروف طال عمرك!!!!!!!!!!!!

فوفو

 

[جروح خالده]

رد : ويتشره بعد

واختراع ثاني يقول لواحد من اهله اخوه اخته ودي لمراتي مصروف ولمما ارد اعطيكم تصير باحسن العائلات ؟؟؟؟؟؟

يمكن قصده جذي ...

 

[هوازن العتيبي]

رد : ويتشره بعد

حبيتي فوفو اهو يدري اني ماعندي مصروف وقلتله دنيار ماعندي
يرد على بابسط الامور يعين ربج وهذا الغايب اللي تغيبنه وانا لما اغيب اغيب من تعبي من الحمال الدكتور مانعني من الدرج والحركه المسمتره
واللي يحر عنده والله عنده بس مايندي وعلى نفس مايحرم نفسه من شي
بس متفشل علشاني بيت اهلي يقول امج لاتدري ماعندج رصيد

 

[كويتيه مذهله 87]

اشدعوه موظفه ماعندج دينار ليش ماتخشين لج جم مبلغ للأحتياط مدام تعرفين زوجج مايصرف عليج ؟؟

 

[@البتووول@]

أمبيه إنتي شكلج توج متزوجه ورافعه خشمج ماتبين تطلبين منه على أبو إنه عندي مصروفي ياقلبي سوها قبلج ناس وتحسفوا دام الريال عنده إستعداد يصرف طلبي وتدلعي خلي يتعود إنه يدفع لج إذا تميتي جذي باجر بيصر المصرف كله عليج من بيت وعيال وخدامه أقول تلاحقي عمرج حبيبتي وقوليله وين الحصاله وروحي إخذي المصرف اللي يكفيج وزود لاتعودينه إنج شايله نفسج باجر يروح يدور وحده يصرف عليها ياماما
وماحبيت منج هالجمله كلش

والله لواموت ماروح واخذ

ليش يمه بايقتهم مو ريلج وقالج روحي إخذي !!!

امبيه والله تذكريني بوحده الحين متحسفه قد شعر راسها عاللي سوته ماكانت تطلب منه مصرف على أساس موظفه وفلوسي عندي الحين مع العشره والعيال والله ماتت ماياب لها خدامه وراحت إهي ويابت لنفسها مع إنها ماقصرت معاه شايله نفسها وعيالها وأخرتها مارضى يدفع للخدامه لأنها ماعودته على هالشي حبيبتي إنتي الحين براسج باجر بيصير عندج عيال والله طيعيني روحي إخذي وعوديه تطلبين منه مصروفج بس عاد لاتهبين بالريال مره وحده شوي شوي عوديه وترى الغلط منج مو منه إهو قاعد يقول محتاجين فلوس يعني الريال فيه خير لي الحين بس إنتي وشطارتج ياحلوه

 

[طواري لـ((العنقا))ـيل]

زين انتي اهون مني


انا يوم سافر وقلت ماعندي فلوس قال اخذي من امج


انتي اشوا فيه الخير اللي مستحي ان امج تدري ان ماعندج رصيد


لا هذا يجي منه


انا اقولج اخذي ولايهمج مادام عنده استعداد خلي الحيا لاشيا ثانيه وهذا حلالج عادي لاتصرين حساسه

 

[يعني أني]

رد : ويتشره بعد

الله يعنيج عليه


ياربي شفيهم الحين الرجاجيل مافيهم شهامه ولا مروه شدعوه يبا

ياربي مابي اتزوج كلهم ماكو احساس

 

[محبوبه25]

رد : ويتشره بعد

حبيبتي دام ريلج قالج اخذي من الحصاله
خلاص اخذي وحتى لو اعد الفلوس كل يوم عادي
المهم انه سمح لج تاخذين

 

[إشتقت له]

الله يعينج ومافيها شي قولي له بالوجه ما عندي فلوووووس وابيك تحول لي الحين طلعي لج عذر شي تبين تشترينه لا تستحين من شي وتقولين فشله وعيب انتي صج محتاجه

 

[هوازن العتيبي]

رد : ويتشره بعد

بنات والله بس جذي يقول متحاجه شي بس لما يكون مسافر يتجمل
و بالكويت ماعمره سالني هالسوال بالعكس يتذمر
وغير كذا من تزوجته اقوله عطني والله كني طراره اللي بالسوق
تخيلي يعطيني بس شنو ينقلب لونه تقولين خلاص بيموت من الحره
ويفتح تلفونه ويحسب بالحاسبه
لووووووووووووووع جبدي

 

[>>روضـة الحسـن<<]

احسن من غيره
روحي شقتج واخذي اللي تبينه
لاتعودينه انج ماتاخذين شئ
بالعكس عوديه من البدايه عشان يصرف عليج

 

[الشهد كله]

اشدعوه موظفه ماعندج دينار ليش ماتخشين لج جم مبلغ للأحتياط مدام تعرفين زوجج مايصرف عليج ؟؟

ليش أكو موظفة متزوجة كويتي عندها فلوس :lkmnkl::lkmnkl::lkmnkl:​

 

[حبيبه بدر]

لو انا منج اخذ اللي ابيه وزياده

الحصاله ما انحطت الى لوقت الازمه وانتي الحين ما عندج ترى الريايل عندهم كل شي عادي بس احنا حساسات

اخذي ودقي عليه واذا رجع بعد قوليله تسلفت فوقهم افلوس واخذيهم وحطيهم بحسابج واستانسي فيهم بدل الهدايا اللي شريتيهم

 

[سيدة الذوق]

عادي شوي شوي رجال يتحول من بخيل الي كريم

بالهداوه وتفاهم .. وعادي بطيها في وجهه

 

[*صَبا*]

احس انتي فاهمه المصروف غلط


اول شي الزوج غير ملزوم بالهدايا اللي تودينها حتى لو كانت لهله

وبعدين هو قالج روحي اخذي ليش ماتبين !!

الحين لين يرجع قوليله يحولج كل شهر مبلغ في حسابج
مبلغ بسيط يسد احتياجاتج ويكون مناسب لدخله الشهري مب تكسرين ظهره

 

[فوفو22]

رد : رد: ويتشره بعد

عادي شوي شوي رجال يتحول من بخيل الي كريم

بالهداوه وتفاهم .. وعادي بطيها في وجهه

البخيل صفه وليست سلوك والصفات لا تتغير

اما السلوك ممكن تغييره

وفي حالتنا هنا

ليس بخل

هو اناني
مستمتع بحياته

اما زوجته مقصُر فيها ....ولو اني شايفه ان هي تتحمل جزء من تقصيره

فوفو

 

[يا حبنـي له..}]

رد : ويتشره بعد

ما فيها شي روحي واخذي الحصاله بكبرها

واذا انقصج خليه يحولج

ولا تتهااااونين هاذا حقج

ومرة عن مرة بيتعود وما يعيدها

 

[فاقده الغالي]

رد : ويتشره بعد

هلا فيج فوفو مافهمت شلون تتحمل جزء من تقصيره
اذا انتي تقولين البخل صفو وليست سلووووووووووووك
اسمحيلي الا البخل والله صعبه
بعدين ماخذت من الحصاله ليش انها حساسه بس اتوقع لوانا مكانها
هذا قدري الحصاله وخرده
والله فشششله