ووبر فرنسي

[دانه البحر]

السلام خواتي شريت حق بنتي ووبر فرنسي طبعا من سوق الحمام يقولي انه نوع من القوارض بس ما اعرف اشلون نهتم فيه ونربيه والاماكن اللي يبيعون فيها بيوت والعاب حق هالفصيلة اللي عندها فكرة تشاركني الله يعافيكم مشكورين

 

[ديمة الحلوة]

و الله ما عندي فكرة خلي البنات يفيدونج ... و يتربى بعزجم

 

[@ستروبيري@]

حبيبتي اهو صح من القوارض وياكل فواكه وخضروات والاكل الخاص فيه بس حاولي ماتكثري له من الخس لان كثرته ممكن تجيب له الاسهال يعني مرتين في الاسبوع وجزر وقرنبيط وفلفل رومي وفواكه تقريبا معظمها يعني زي الهامستر تقريباوالمويه يفضل تطينها له بمشربه خاصه لان الوبر مايشرب من المويه اذا تلوثت!

وحطي له نشاره تحته عشان الريحه تخف!وبعد ممكن تحممينه كل اسبوع مره بس لايتجي المويه او الشامبو على وجهه واذونه!ووو

مدري هاذا اللي اذكره الحين واي سؤال نا حاضره!

وايه بالنسبه للمستلزمات ماادري لاني من السعوديه مااعرف اماكن بيعها عندكم!

والله يخليلك بنتك اميين!​

 

[Qـويتية]

حبوبة روحي سوق الحمام قولي لهم أبي أكل أو علف أرانب جذي يكون شكله

أو قوليله مخلوط يعطيج جذي

وعادي اشتري له نشارة خشب علشان تفرشينها تحته في القفص وحطيله الأكل والماي والخضار في صحونه والقفص يكون مناسب له مو صغير لإن حرام يبيله مكان يمشي ويحرك نفسه فيه واشتري له مثل جحر أو كوخ صغير ينام فيه مثل جذي

واشتري له لعبة خشبية ملوت الكاسكوات علشان يعضض فيها لازم حبيبتي واشتري له كرة أملاح اسمها كلس تعلقينها في القفص .. وشكرا ^_^ هذي أهم الأشياء أي شي أنا حاضرة​

 

[دانه البحر]

مشكورين حبيباتي بس بسوق الحمام القى هالكوخ ونشارة الخشب ؟ وودي اشتري همسترات جوز اقدر احط الهمسترات مع بعض ؟ لاني شاكة بالوبر انهم مرضى من سوق الحمام لما اخذتهم ماشفتهم :lkmnkl:

 

[Qـويتية]

اي حبوبة بسوق الحمام فيه كل شي مشالله .... اما الهامسترات ما أنصحج عن تجربة، يعني ما يفهمون مثل الوبر ولا يتعودون عليج بسرعة وأقل شي يموتون يعني حساسين وايد ولازم تنظيف كل شوي لإن يطلعون ريحة إذا كانو سوريين الوبر أرحم بوايد .. بس انتي شوفي شيكي على الوبر شوفيه نشيط ولالا ؟

 

[قوتشي بنت LV]

إممم الهامستر يغث يعني إذآ بتمسكينه يعض
وخآصة إذآ يهال إكييد رآح يطلعونه له قروون
وبنات بغيت إسآلكم الوبر يعض ولآ لآ لإن ناويه إشتري وبجم سعره بسوق الحمام وإذآ شريته وين إحطه ؟؟
ويووصخ وايد < ?​

 

[tota-elktkota]

ويييييييع انا ماحبه لوووووووول كنت كل مااشتري واحد خواف وينحاش عندي الارنب احسن بوايد لوول بس كلهم يطلعون ريحه ووووووووع الله يعينج لوول

 

[Qـويتية]

اختي قوتشي بنت lv الوبر ما يعض إلا إذا معصتيه وفقصتيه حيل يالله يعض علشان يدافع عن نفسه اما الحيوان حبوب وما يعض 100% مربية شكثررررررر وعندي خبرة فيهم ... وسعره تلاقينه بـ 5 أو 3 أو دينار ونص يعني جذي ما يطلع فوق الـ5 دنانير إلا إذا كان الوبر أصلي 100% مو مهجن أو نوعه أي شي .. وبس ... أحسن شي صراحة تحطينه بغرفتج علشان محد يكون له شغل فيه إلا انتي داخل قفص على قده مع باجي أغراضه وبالاسبوع مرة تنظفين له ^__^

 

[دانه البحر]

عدل كلامج كويتية اهوا مايعض الا اذا اذوه اليهال وانا ماخذة زوج حق عيالي مستانسين عليهم بس ماخذتلهم قفص عادي مافي شي . ابي اشتريلهم المسكر اللي ينحط داخله نشارة خشب والدوارة وهالسوالف والا اليفين 100 بالمية مافيهم شي ومافيهم ريحة وايد اذا نظفتيهم واهتميتي فيهم اخذتهم مع القفص والاكل كلهم ب 6 دنانير بس . عند واحد بسوق الحمام بالصدفة احب ادور الشي الغريب بس مو قطوة لان قبل لا اولد كان عندنا ومسكين مرض فهدينا بالشارع .:0bee2e8d89:

 

[دانه البحر]

اختي كويتية اذذا عندج خبرة فيهم ومربيتهم في عندج للبيع شي نظيف لاني شاكة باللي اخذتهم مرضى .يعني عند خشمه مافي شعر بقعة والثاني بعد بس بمكان ثاني هذا مو يعني فيه شي ؟

 

[جلاديلياس]

انشالله البنات يفيدونج حبوبه

 

[Qـويتية]

اختي دانه البحر حبوبة أكو قفاصة حلوة حقهم أحسن شي اخذي لهم القفاصة الي يكون لها قاعدة مرتفعة شوي علشان لا تطشر النشارة برا القفص اما الدوارة ترى ما يحتاجونها ^___^ أوه ببلاش والله 6 أنا كنت أشتري الحبة بـ5 :eh_s(16): جزاج الله خير وحلو تعودين الياهال عليهم هم تحسسينهم بالمسؤولية خليهم اهم يعطونهم أكل وماي ويغيرون لهم :eh_s(15): ...... مممممم لا والله حبوبة ما عندي كان عندي شكثر بس بعتهم الحين كلهم لو اعرفج من قبل جان عطيتج ملوتي حيل حيل حيل نظاف ومهتمة فيهم عدل T__T ... أما وبراتج ترى فيهم فطريات شي طبيعي أنا كل ما أشتري وبر من سوق الحمام يطلع فيه فطريات ... شوفي روحي لأي صيدلية (( مو مالت حيوانات )) واشتري هالدوا هذا

وحطي على مكان الي مافيه شعر وقولي لعيالج يغسلون ايدهم عدل لي امسكوهم بس لا يمسكونهم من الصوب الي مافيه شعر عادي أنا شكثر صار عندهم فطريات وراحو :eh_s(20):​

 

[دانه البحر]

تسلمين حبيبتي مشكورة وايد عالمعلومة انشاء الله باجر على خير اشتري الكريم لان عيالي وايد يطلعون ويلمسون فيهم . وبالنسبة للقفص بشوف بروح سوق الحمام مكان القفاص وبيع الاغراض يمكن احصل لهم قفص ونشارة خشب بعد وقطارة ماي . اذا تعرفين احد عنده ووبرات نظيفة ووده يبيعهم بس عطيني خبر لالان صراحة ودي اشتري شي نظيف .:e3:

 

[al39laa]

يتربى بعزكم ,, اول مره اسمع عنه !!

 

[tnkora]

اي تلقين وبايتي حجم تبين حيا

 

[tnkora]

اي تلقين باي حجم وشكل ويمكن لون تبين حلوين دخلي على مزاد الكويت اهناك حلو بعد

 

[bitter-sweetness]

اب
اب

 

[&'الذآهبـھ'&]

رد : ووبر فرنسي

>>>مبروووك بس بستفسر منج >>>>شلووونهم بالبيت تحسين لهم جو ولا مالهم شغل يعني مو موااالفينكم؟!
>>>انا متردده بين الارنب والوبر؟!

 

[Qـويتية]

البيت أكيد، الجو احسن من برا حياتي جوجو ^___^ وخصوصا أصواتهم فديتهم ليم ينادونج ويص ويص ويص ويص ويص ههههه