وليه امر مكتئبة من الامتحانات.....صف سابع لا تخلوني!!!

[لميس]

احس بانقباض وضييييقه عشان امتحانات عيالي قربت..

ولدي في سابع ومدرسينه لا اوراق مراجعه لا ملاحظات مهمه ولا اي شي يريحني والله اني ادرس ولدي ودمعتي على وشك تنزل قدامه..

المنهج طويل ودسم..وانا مو عارفة شنو المهم وشنو غير المهم..وفكره المدرسين الخصوصييين ما اثق فيها..!!

شنو اسوي شنو الدبرة؟؟؟؟!!

لا تخلوني معلمات الصف السابع ترى ان صار لي شي ذنبي برقبتكم!!!!!

تكفووووووووووووووون ابي اوراق عمل للمواد العلميه والادبيه..انا داخله على الله ثم عليكم!!!:eh_s(16):

 

[ورود الفرح]

انتي باي منطقه ؟
انا مدرسه سابع علوم

بالخدمه اشبغيتتي

 

[لميس]

رد : وليه امر مكتئبة من الامتحانات.....صف سابع لا تخلوني!!!

عسى عمرك طويل..ويرزقك ربي من حيث لا تحتسبين !!

العلوم وما ادراك مالعلوم؟؟

اولا ما عليك امر..

من وين لي وين امتحان العلوم؟؟


ثانيا ابي اوراق عمل اذا عندك لماده العلوم!!

ثالثا :على ايش نركز في هالماده؟؟بلييييز لا تطنشييين!!

 

[ورود الفرح]

حياتي مارديتي علي باي منطقه انتي ؟

وبعدين ولدج بمدرسه خاصه او حكومه ؟


والامتحان من صفحه 17 الى صفحه 73
ودرس استكشاف العلم مو داخل بالامتحان

وصفحه 27 مو داخله بالامتحان وصفحه 39 مو داخله بالامتحان

طبعا انا بمدرسه خاصه

والامتحان من مدرستهم مومن الوزاره

عندي كم درس مسويتهم ملخصات بجداول مريحه الكل انبسط منهم
بس شلون انزلهم هنا مو عارفه لانهم بالوورد

واوراق العمل عندي بس ماعندي منهم نسخه على الجهاز

.
.

اشتري كتاب جمعيه المعلمين الكويتين فيه نماذج امتحانات كل المدرسين ياخذون منه

 

[سبائك]

رد : وليه امر مكتئبة من الامتحانات.....صف سابع لا تخلوني!!!

اخذي كتب مراجعه ملوت جمعية المعلمين ممتازين وفيهم نماذج امتحانات

وعندج منتدى مدرستي ممتاز فيه نماذج امتحانات حق جميع المواد

موفقين ان شاءالله

 

[جروح خالده]

رد : وليه امر مكتئبة من الامتحانات.....صف سابع لا تخلوني!!!

لاكتب المراجعه لجمعيه المعلمين نصهم غلط

ان شاءالله المدرسات مايقصرون

 

[ورود الفرح]

^
^

بصراحه انا العام شفت منهج سادس وكانت كتب جمعيه المعلمين حلوين مه العلم مو كل المنهج قريته
فماادري صراحه اذا غلط او لآ؟

 

[لطووووفه]

منتدى مدرستي الكويتية رووووعة كل شيء في تلاخيص امتحانات
http://q8classroom.net/vb/

 

[Turquoiseya]

الله يعينج حبيبتي
شنو اتوقعين من وزارة هدم القيم
الناس تبي تفرح بالعيد وهالوزارة ماتستانس الا لما ينغصون عالعالم عيشتهم وفرحتهم
عمى ابعينهم صج
وزارة تقودها شياطين

 

[لميس]

رد : وليه امر مكتئبة من الامتحانات.....صف سابع لا تخلوني!!!

الله يعطيكم العافية..

ومازال الاكتئاب مستمرا..

 

[##سبحان الله##]

الله يعينا وياج صراحة مأساة

 

[مسك وطيب]

رد : وليه امر مكتئبة من الامتحانات.....صف سابع لا تخلوني!!!

الله يكون بعونج ,, وماعندي فكره بس حبيت ادعيلج
عسى الله يوفق عيالج وعيالنا يارب

 

[الفنانة لؤلؤة]

الله يعينج حبيبتي