ولـــــدي ولــــــدي يابنات تدمــــــــــــــــــــــــــــــــــر !!!!!!!

[~ ورد الجوري ~]

السلام عليكم:​

انا عندي ولد عمره 5سنوات من عمر السنتين كله عالتلفزيون من اول مايقوم الي ان ينام ومايروح عن الشاشه كلش اما اسبيس تون او ام بي سي3........كله متاثر بالتلفزيون ولا ياخذه ابوه وعنده اخوان اصغر منه مايلعب الا قليل معهم.....وعلي طول يلعب انه وحش ويهاجم البشر<<هذا كلامه ويكفخ خوانه والاغلب مع الكوشيات والباب واخر الليل يبجى ويصارخ ولمن امسكه واساله يقول وحش دخل بيتنا ومرات يقول يمه تشوفين عيونى عيون وحش انا شرررررررررررير واذا قلت لا انت مووحش يبجى ويصارخ وحالته حاله يعنى حيل متاثر بالتلفزيون وعظااااااااااااام ضعيف حده مايحب ياكل كله تغذيته سوائل حليب او عصير وكل ماقال جوعان اقول تبيخبز عيش صمون يبجى ابي حليب او عصير يفضل التلفزيون عالاكل ...اشلون انظف راسه من هالاشاء لان لو اشيل التلفزيون يصير مزعج ويصارخ عالخدامه وعلي خوانه وانا عندي دراسه ابي هدوء ...شنوتنصحونى فيه خصوصا المدرسه السنه الجايه بيكون باولي ابتدائي...وحتى مره خذيته لسوق وربي جنه طالع من غابه مستغرب هالعالم وكله يطيح يمشي لاشعوريا ولدرجه ضاع منى ولمن رجعت ادوره لقيته واقف ومتنح بهالاسواق نظرات استغراب لابجى ولا دورنى لاهى بالسوق هالعالم الغريب .....وابووووووووه مخربه اللي يبيه حاضر واذا قلت لا بجى وكلامه وسخ علي....شرايكم ابي حضانه او روضه ترفيهيه وتعليميه له خاصه..قريبه من القيروان والفردوس والاندلس والصليبيخات مو بعيد؟؟؟​

 

[Winter Q8]

الله يهديج الولد عمره 5 سنين و ما تطلعينه ..
نصيحتي لا تشيلين التلفزيون بس خربي الرسيفر بحيث ما تطلع القنوات قوليله اخترب .. و شيلي هالقنوات من الصالة ..
و اشتري له ألعاب تركيب و بزل امس شفت بمركز سلطان يهبلون و موجودين بكل محلات الالعاب و اشتري كراريس و الوان و خليه يشخبط يعبر عن اللي داخله .. و كل يوم طلعيه بعد الجو حلو لبسيه شي دافي يوم العاب يوم حديقة يوم جمعية خليه ينطلق بدال الحكره ..و سولفي معاه .. و على الاكل دخليه معاج المطبخ و خليه اهو يسوي صمونته و ياكلها ..

و كل ماصار عاجل انتي اشتري له ديفيديات خاصة و مناسبة لعمره لا وحوش و لا اشرار و خرابيط و خليه يطالع بس ها مو كل وقت علشان لا تتعود حلقة او حلقتين في اليوم .. و انصحج بمسرحية المدينة الثلجية توها نازلة ديفيدي تونس و كلها غناوي و يندمجون فيها اليهال

 

[صغيرة سن]

ياوو يعينج الله ولد رفيجتي ابلا منه وكل كلامه بالفصحئ مايتحجئ بالعامي
هذي حضانه سويت لج سيرج شوفي اجوؤها تالي دخلي ولدج لو عجبتج
حضانة القائد الصغير
بمنطعة القيروان
قطعة 2 شارع 215 منزل 22
بادارة :
عبد المنعم عبد الله مشعل
ومحمد النبهان

بس دام انه بيدخل المدرسه السه الجايه شوفي له ثنائية اللغه يستفيد منها
وبنفس الوقت عندهم رحلات ونشاطات ترفيهيه ويكون صداقات

واذا ع الاكل في بالصيدليات فاتح الشهيه ع شراب حطي له منه وفي ميني كروسان بالجمعيات بانواع كاكاو فروله جبن دامها صغيره يرقبون لها واذا جاع ومايبي غير العصير قولي له مافي عصير الا اذا اكلت هذي بينجبر ويمكن يحبها
او عطي منها لاخوانها يمكن يغار ويبي وزعي عليهم واخر شي اساليه اذا يبي ولا لا بس حاولي بهالوقت يكون مو ع التلفزيون افصلي الواير وقولي خربان باجر نصلحه اي شي اذا ابوه مايطلعه طلعيه انتي عند عيال خوانج عيال رفيجاتج المهم احد بسنه حتى لو تودينهم مره بالاسبوع للالعاب المهم يغير جو عن البيت وشوي شوي يبعد عن التلفزيون اطلبي منهم شي وقولي الي يسوويه له كذا او كذا اي شي هو يحبه غير التي في عشان يندمج ويحاول يسوويه ويلها بنفس الوقت عن التلفزيون وياخذ الي يبيه مثل مكافات

 

[يارب احفظ عيالي]

حبيبتي هذي مستقبل الولد ونفسيته بتتأثر وااااااااااايد اشلون قاعد في البيت شوفي له روضه ودخليه صدقيني بيلهى ويستانس والتلفزيون مثل ماقالت الاخت خربي تردد القنوات اللي يطالعها الله يهدي بعض الامهات تبي تفتك من حنت الياهل تهده ساعات جدام التلفزيون ولا تدري اشقاعد يطالع ويتعلم نفس رفيجتي تقولي ابي افتك منهم اقطهم جدام التلفزيون ولا ادري عنهم وحتى لما دخلتهم روضه تقول القلم مايعرفون يمسكونه وبالنسبه للأكل اتوقع لانه مايبي يخلي التلفزيون ويقوم ياكل فالتلفزيون اهو ساس البلا اذا تركه بيتفرغ حق روحه شوي والله يهدي ولدج

 

[حرم_الغلا]

...يــاحيــااتي اللــهـ يعيــنج,,,,

 

[سمو الغلآ]

نفس اخوي وعمره 5 سنوات

اذا عصب ع طول يقط فنيلته ويصصارع

اليوم عصب ع اخوي قاله يا احمق <<هههههههههههههههههههههههههه

بس اخوي ما نقدر نعصب عليه ولا نهاوشه لان فيه تشنجات

حتى ودنا نوديه روضه ولا حضانه او ناادي علشان يعرف يتكلم
ويلعب مع الناس بس نخاف يتشنج عليهم ..ويصير فيه شي بسم الله عليه


والله يهديهم ان شاء الله

 

[تبطي عظم!]

الله يعيينج

 

[ديانا سبنسر]

ههههههههههههههه انا ولدي سبايدرمان

 

[احساااااس انثى]

اذا درس بيتغير اكييد طيب خليه يطلع مع ابوه اخذيه معك بطلعاتك
وديه الالعاب صرفيه قولي التلفزيون اليوم خربان .....
عشان يحااول يتناسى ...

 

[G!RLooNa]

الله يهداج ليش من الاول تخلينه يجابل التلفزيون ٢٤ ساعه !! ماصار جدي الا من و اهوا صغير كل ما بجا ولا تعسر حطيتوه جدام التلفزيون

ترا ادمان التلفزيون التلفزيون و الاجهزه الالكترونيه عموما ممكن تسوي بالياهل توحد!!!

يعني السالفه اكبر من عصبيه و تعسر اذا انشال التلفزيون و مستغرب من الناس اللي برا لما طلع!!! ديري بالج!

 

[المكسيكيه]

الله بالعون

 

[جلكسيه اس 3]

الله يهداج ليش من الاول تخلينه يجابل التلفزيون ٢٤ ساعه !! ماصار جدي الا من و اهوا صغير كل ما بجا ولا تعسر حطيتوه جدام التلفزيون

ترا ادمان التلفزيون التلفزيون و الاجهزه الالكترونيه عموما ممكن تسوي بالياهل توحد!!!

يعني السالفه اكبر من عصبيه و تعسر اذا انشال التلفزيون و مستغرب من الناس اللي برا لما طلع!!! ديري بالج!

صح السانج
اما نصيحتي لصاحبة الموضوع
استغلي حبه للتلفزيون
قوليله اذا مااكلت ماكو تلفزيون اذا مالعبت مع الاطفال ماكو تلفزيون
و خليه يعصب من اليوم لي باجر
بس حراام طلعيه من جو التلفزيون و خليه يتعود على
اليمعات و مشاركة الاطفال اللعب
وعادي مافي مااانع يطالع البباي الي يحبه
بوقت الفراااغ :eh_s(7):

 

[جلكسيه اس 3]

الله يهديج الولد عمره 5 سنين و ما تطلعينه ..
نصيحتي لا تشيلين التلفزيون بس خربي الرسيفر بحيث ما تطلع القنوات قوليله اخترب .. و شيلي هالقنوات من الصالة ..
و اشتري له ألعاب تركيب و بزل امس شفت بمركز سلطان يهبلون و موجودين بكل محلات الالعاب و اشتري كراريس و الوان و خليه يشخبط يعبر عن اللي داخله .. و كل يوم طلعيه بعد الجو حلو لبسيه شي دافي يوم العاب يوم حديقة يوم جمعية خليه ينطلق بدال الحكره ..و سولفي معاه .. و على الاكل دخليه معاج المطبخ و خليه اهو يسوي صمونته و ياكلها ..

و كل ماصار عاجل انتي اشتري له ديفيديات خاصة و مناسبة لعمره لا وحوش و لا اشرار و خرابيط و خليه يطالع بس ها مو كل وقت علشان لا تتعود حلقة او حلقتين في اليوم .. و انصحج بمسرحية المدينة الثلجية توها نازلة ديفيدي تونس و كلها غناوي و يندمجون فيها اليهال

و هم حلوه فكرتج
انا اول اشتري ديفي ديات و اليهال ما يخلونهم كل شوي
قاطين و لا مضيعين شريط
قمت ما اشتري لهم انزل من الوقع وايد احسن و بلاش بعد
وهذا الموقع http://www.cartoonarabi.com

و بالتوفيق:eh_s(7):

 

[أو عبوش]

اختي 5 سنين ليش حضانه يعني اهوه اصلا بالروضه صح؟؟



عموما في شكثر نفس حالة ولدج


وفي اختيارين........


الاول :
انج تتحملينه فتره معينه .......غصبا عليه تطفين التلفزيون حزت الاكل وتقولين مافي نلفزيون الا لما تاكل.....وتخلين له اوقات معينه للتفلزيون
وتتحملين ضغط هالفتره مع ان عندج دراسه اختاري هالفتره بعطله عندج وتطلعينه يوميا ووديه حضانه برويّ بالافنيوز خل يلعب مع الجهال هناك اهي اصلا شكلها على وحش هههههه
وطلعيه على طول وخلي ابوه ياخذه معااااااااه ترى دور الابو مهم اذا عندكم جاخور يفضل يوديه




او الاختيار الثاني:
انج تخلينه هالمرحله هذي........... اذا دخل الابتدائيه بيتعدل مع اختلاطه بالطلاب





ولد حماتي نفسه كله يشوف نفسه بن تن اللي يقاتل الوحوش
وعنده ساعه تغير العالم واهو يتحول الى وحش ويقتل الوحوش الثانيه>> يعني عالم ثاني
بس هم الاختيار هذا لا تتركونه راقبيه ولا يكون حياته 24 ساعه تلفزيون ترى يتفزز بالليل

علميه كم سوره من القرآن الفاتحه الصمد واقري عليه الكرسي يوميا قبل لا ينام



وربي يحفظه لج

 

[بربيره]

والله ذلك اليوم حاطين الشيخ نبيل العوضي يتحجا عن برامج الاطفال

و سلبياتهم و كلامهم من يومها و انا اراقب البرامج الي يعرضونها والله تخرب تخرب تخرب اليهال

سب و كلام وصخو حركات قذره و هواش انا ابوي ماكان يخلينا ننطالع اي شي كان كل يوم يشتري افلام اطفال عن الاميرات شغلات تونس بدون سب

الحين والله احاتي بنتي و هي عمرها سنه و نص لان هم الياهل يمل من قعدة البيت لازم شي يشغله

امي الحين قامت تشتري اشرطه من الهندي تينن والله احنا شكبرنا نقعد نطالعهم تقدرين تحطين له ديفيدي و تختارين بنفسج الاشرطه مبوت دزني حلويييينننننن بس الي بالقنوات يخربون لان هم صعبه تمنعينه نهائيا من التفزيون و الياهل لازم تطلعينه و تورينه العالم و تعلمينه عالتفاعل مع الناس

 

[Winter Q8]

قريت لج موضوع مع بناتج و اسمحيلي انتي مجرمة ...
كل اللي أقدر أقوله استغفري ربج و ادعي ان الله يغفر لج ..
الله رزقج هالعيال من عقب حرمان و جذي تجازينهم ..
ماتدرين عنهم قاطتهم عند الخدم علشان لا يخربون عليج لحظات الصفاء و الهدوء ..

عقدتيـــهم الله يسامحج .. الله لا يبلانا و لا يخلينا نقصر بحق عيالناا

 

[ليمون ونعناع]

حبيبتي في وحدة من الاخوات حطت برنامج وايد حلو للاطفال اذا لقيت اللنك بحطه
كانت فكرتها انج تحطين برنامج للطفل كل يوم نشاط يو تلوين ويوم طلعه ويوم ترتيب الغرف ويوم لعب وسباحه وخلي التلفزيون بساعات معينه مو طول اليوم وقوليله ان الوحوش مو صج وان هذا بس جذيه كارتون رسمه مو صجي

و شوي شوي بيندمج مع الاطفال وقولي للخدامه اذا عندج ان ما يطالع تلفزيون الي من الساعه الفلانيه للساعه الفلانيه
انا ولدي عمره بالاشهر مرة حطته الخدامه يطالع تلفزيون ومستلتسه تقولي ساكت ماما قلت لها لاااااااا ما يطالع تلفزيون ولا دقيقه خليه يلعب عنده العاب وعلى الارض او ودي عند يدته يلعب مع اليهال ويشوف الناس او يتعلم يقلب و يمسك ويتكلم
ومن يومها وكل يوم يتعلم شي يديد

وشجعيه اذا سوا شي غير التلفزيون وانتي لعبي معاه

والحليب اذا يشرب حليب كبار ترى يغثه مثل kddوغيره هذا كلام دكتور واذا شرباه بعد مايبي اكل
غيري الحليب وعطيه بدياشور وراح ييوع وياكل والعصير قولي له بعد الاكل
لان عصير عالريج او بدون اكل بسوي حموضه بالمعدة مو زين

وشوي شوي بيتعدل اكله و نساطه بس انتي جابليه هذا ضناج وكافئي الخدامه اذا ساعدتج
وابوه لازم يساندج و اتفقي معاه على الطريقه الي بتربونه فيها

 

[~ ورد الجوري ~]

في ميزان حسناتكم انا وااااايد تغيرت تي في مسحت كل القنوات افتكيت الحين بالمدرسه تغير وايد صار يحس باللي حوله

 

[سكرة هانم]

وقولي للخدامه اذا عندج ان ما يطالع تلفزيون الي من الساعه الفلانيه للساعه الفلانيه

الله يجزاج خير ليمون نعناع على هالنصيحه موببالي اكلم خدامتي عن التلفزيون وانا بالدوام

 

[مشتطـه]

انا ولدي عمره 11 شهر اسم الله عليه تبارك الرحمن حركي وايد حتى التلفزيون مايبي يطالعه

ولما رحت لرفيجتي بنتها بنفس عمري ولدي تشوف طيور الجنه وترقص معاهم

عاد انا ظاق خلقي قلت شفي ولدي مايطالع التلفزيون

عقب البلاوي اللي قريتها منكم ومن باجي البنات

احسن شي وابرك له مايشوف التلفزيون