ولدي يكسر الخاطر تعالو انصحوني ياامهات

[متفائله بلا حظ]

السلام عليكم
ويسعدلي صباحكم ومساكم ياحنونات
انا عندي ولدي عمره سنه و8 شهور اسم الله عليه وماعندي غيره وانا ساكنه بشقه بروحي وزوجي طبعا مايقعد يقوم يتغدا ويطلع من البيت المشكله مو هنا المشكله ولدي حبيبي يقعد طول اليوم بروحه يحوس بهالشقه ويزهق ويبكي محد يلعب معاه انا العب شوي وعنده خدامته تلعب معاه بس هم يكسر الخاطر ماعنده جهال قبل كنت كل مااطلع زوجي قلت له ودني بيت اهلي عشان ولدي يستانس هناك بس تعبت وانا كل يوم رايحه وراده ماني حاسه باستقرار
ومادري شسوي فيدووني يابنات :eh_s(16):

 

[##سبحان الله##]

اسم الله عليه ليش يكسر الخاطر؟؟ ان شا الله تيبين له اخوان ويستانس

 

[dandooosh]

حبيبتي في اشياء وايد تقدرين تشغلينه فيها
اهم شي ان انتي تلعبين معاه اكثر من الخدامة ،،، خليه يقضي اطول وقت معاج علشان يتعلم الصفات الحسنة ويتعلم الكلام صح
اقري له قصص ترا القصص تنمي عندهم الذكاء وشغلات كثيرة،، بتقولين لي صغير ،،، اشتري له الكتيبات اللي تصير من خام او ورق مقوى علشان ما ينجرح من الورق وعلميه الكلمات يعني مثلا كرة ،،، قلم ،، وعلميه الالون،،،
وحاولي قد ما تقدرين انج تودينه عند اطفال يلعب معاهم ،، جيران ،، أهل ،، صديقاتج اذا عندهم اطفال

 

[نفـــائس]

دخليه حضانه

 

[mafio98]

اختي بالعكس والله اريح لج جذي تقدرين تتحكمين فيه انا ولدي وحيد عمره سنه و١١ شهر وكنت متحكمه فيه عدل الحين صار يلعب مع عيال يرانا كبره ماصرت اقدر اتحكم فيه صاروا من ايون البيت طق وتكسر ولما امنعه منهم يعاند يكسر الباب ابيهم واهم نفس الطريقه بالعكس خليه تحت عينج وحاولي كل يوم تعلمينه شغله يديده اشتري له سيديات بارني او سيديات تعليميه بين كل فتره وفتره وديه العاب يغير جو ليم يكمل سنتين وشوي وديه حضانه افيد له *

 

[رضاهم جنه]

دخليه حضانه خليه يختلط بالعالم راح يروح نص يومه وهو بالحضانه منها يستفيد ومنها ترتاحين من الروحه لاهلج كل يوم

 

[متفائله بلا حظ]

ياحبيباتي انتو مشكورين ع ردودكم وعسي الله يفرحنا بعيالنا ولايحرمنا منهم

وبشتري له سيديات وقصص ان شالله
والحضانه والله فيه وحده بشارعنا بس ماادري احس صغييرر عليها و واخاف عليه لانه صعب يتاقلم مع الغرب واصلا ابووه ماظنتي بيوافق عليها

والله كريم واترس البيت عيال ولدي هذا وجا عقب طلعة الروح والله يرزقنا وييسر لنا كل خير
شكرا ياحنونات *

 

[إستبرق]

الله يحفظه لكم من كل شر بنتي كانت جذي بس كنت العب معاها واييب لها سيديات واحط لها شغلات حلوه وتعليمه عالابتوب بس بعد بيت اختي قريب وكنت يا اوديها وخدامتها وتلعب وتستانس واردها او اخلي اختي تييب بنتها عندي لانهم كبر بعض وطبعا نطلعها كل جم يوم
وربي يرزقج باخوان له يارب

 

[dandooosh]

نصيحة لا يتعود على قعدة التلفزيون .. يعني ساعة باليوم تكفي ،، خليه يلعب ويسوي نشاطات حركية

 

[أم نواف غير]

انا مع الخوات الي قالو دخلي حظانه احسلج اصلا

 

[متواضعة]

الله يرزقج بالذرية الصالحه

 

[nurse m]

اذا كنتي موظفه .وديه حضانه هذا أحسن حل .آنا وحده ما أحب كثرة قعدة الياهل مع الخدم ,شيستفيد غير كلام مكسر واذا سافرت الخدامه مرض وراها,الصبح أوديهم حضانه منها يستانس الياهل ويستفيد ويكون علاقات وحتى النطق عنده يتحسن ويرد البيت مهدود اهوه ينام وانتي ترتاحين تاخذين قيلوله معاه وتقومين فاضيه له تلاعبينه واذا يمج جيران تعرفي عليهم وخليه يلعب هالساعتين وبعدين تعشينه وينام وتتفضين لنفسج ........