ولدي يقودني للانتحار

[om.7madiiin]

:eh_s(16):بسم الله الرحمن الرحيم

>>> انا جوري مو ام حمادين
انا ام عبادين:eh_s(16):


بنات اول شي انا بس عندي ولد واحد عبود توة كامل سنة و نص بنات

عنيد و لعين ماشاء لله و حنااااااااااااااااان رنااااااااااااااااااااااان لاعب نفسيتي لعب

كل شي مو عاجبة يبجي يحن يعني اروح زوارة مطلعني من نص الزوارة

اروح مخيم ما يأذن العصر الا رادة

أطلع بالسيارة انسى وين بروح مينني مادري شلون اتصرف معاه

بالبيت حليو أحطله تلفزيون و احطلة رسوم كرتون يقعد يسكت بس بالطلعه يتنحر يفصل

مينني طق طقيت عض عضيت بسسس تعبت تعبت مادري شسوي يعاند

افففف والله مرات ابجي بجي منة و امي تحرني تقولي انتي وين و اليهال وين يعني

تقط حجي ماله داعي بعد امهاتنا و حجيهم الحلو :eh_s(10):

يعني أبدلة حفاضة لازم انا امسكة و الشغالة و امي و ريلي و اخواني شدعوة عليه يعفررررر فينا

نبدلة ساعه . نسبحة ساعة . نبدل بامبرز ساعه شنو هذا :rgewrg:

وكله يبي يقعد بالمطبخ قطو المطابخ و كله يركض ورى شغالتي جنها اهيا امه مو انا

مع اني والله ما اخليه عندها الا الصبح و انا بالدوام يعني شسوي ارد العب معاه أغديه أنومة معاي العصر

يقوم يقعد يلعب بالصالة و احطله تلفزيون و جذ مرات اطلع مع رفيجاتي اخذه بس لازم يعفسني ي

مصخر ام طلعتي ويييييييييع ويييييييييييييع كرهت اليهال منة


خالي عنده توأم ماشاء الله شحليلهم يقعدون ما يتشيطنون اللي عندي اسمله علييه يحوس

رايح يمين رايح يسار بالمخيم مايبي يقعد بالخيمة يبي يركضضض برة و الخدامة بس تمللت مرة

انا اقعد برة مرة امي مره الشغالة و يحن يون يون مادري اشيبي ينقص علي كل شي شسوي و الله


بموت بجي تععععععععععععععععععععععععععبت


أدري نصكم بقولون تافهه و ماعندي سالفة بس والله وصلت لدرجة الجنون ترى صعبه تربية اليهال

واي شلون امهاتنا ربونا مادري الله يطول بعمر امهاتنا يارب:yaaaaaarb:

 

[MOOON&M]

الله يكون بعونج

والله ما ادري شقولج ماعندي خبره

بس ماحبيت اطلع بدون ما ارفعلج موضوعج

ان شالله يفيدونج البنات

 

[Melazlaza]

مريت بمرحلتج وقمت اشد شعري واشق هدومي واخليه بالبيت مع ابوه واطلع افتر مادري وين اروح وادعي الله ياخذ عمري

جان فجأة وبدون سابق انذار اكتشف ان انا الي مسوية بولدي وبروحي جذي!!!

قلتي طق طقيتيه عض عضيتيه تقرص تشمخ بعد شسويتي؟؟طبعا غير الصراخ الي يخلي صوتج يروح جم يوم،،،شنو تغير فيه؟؟؟ولا شي لا ويمكن زاد عناده عدل؟؟؟

الحل عندج انتي
حبيه عطيه حنان لميه بوسيه والاهم كلميه اي كلميه
مثلاً اذا بيقعد بالمطبخ طفي ليتات المطبخ وقوليله اذا طلعت من المطبخ بعطيك هدية او حلاوة اي شي اهوا يحبه وصج عطيه اول ما يطلع بسرعة كافئيه
لا تعاقبين اول العلاج لاتعاقبينه كافئيه والي يضايقج منه حقريه قوليله انا زعلانه ولاتطالعينه واذا سوا شي صح بوسيه وصفقي ولميه قولي احبك حبيبي انتا
عقب مدة بيفهمج وبيتسنع
يبيله صبر طولة بال
عقب بتشوفينه يهبل مؤدب ويسمع الكلام

 

[نـعـومـه]

ولدج وايد منه

وديه حضانه يمكن يطلع طاقته هناك بسمله عليه

ترا كل ياهل وطبعه يهال هادين يهال شطانه يهال عبث يعني كل وحده تتأقلم على عيالها

 

[ام الحلوااات]

نــــفــــس الـــمـــشــــكـــلـــه مــــع بـــنـــــااااتـــــي

اللــــه يــــكـــــون بـــعــــــونـــــج وعــــــونـــــي

 

[ليمون ونعناع]

الي فهمته ان يطالع تلفزيون ويسكت انزين شنو يحب وشنو الي يونسه

اول شي انتي تغيري حبيييييه حبي ولدج شوفيه احسن واحد بالدنيا ونعمه من ربج
ادعي له الله يهديه اذا عصبتي او تمللتي وبالتدريج راح تحبين كل شي فيه والمل حوالينج بيحبونه

اذا طلعتي خلي في بالج انج بتستانسين وراح تستانسين حطيله افلام بالسيارة بارني او سمسم ستريت الانجليزي بالايفون او دي في دي

لعبي معاه لا تخلينه يدام التلفزيون عطيه العاب وكره وتلوين بيتغير انشالله اذا بيتكم مافيه يهال وديه حضانه يتعلم ويشوف الدنيا احسن من بيت وخدامه

ترى اليهال نعمه وامانه وفي ناس وايد محرومه وتتمنى الضنا

الله يعينج ويساعدج التربيه يبيلها وساعه بال لا تعصبين ولا يضيق خلقج بسرعه انتي اشلون تبينه يتصرف انتي تصرفي وربيه يعني مايصير يبجي ويتعسر انتي تتعسرين وتردين البيت وتخربين الطلعه حقريه واستانسي ولعبي باالعاب مثلا او عطيه لعبه يلهى فيها وبيقلدج شوي شوي

انا ولدي كان عسر والحمدلله قمت دايما ادعي له والحين ماودي افارقه ولادقيقه ولا ابي اطلع الا معاه وين ماروح معاي او اقعد بالبيت اشوفه واحمد ربي على نعمته الله يخليهم لنا وانشوفهم احسن من عندنا يارب ويهديهم ويهدي سرهم ياااارب

ترى اذا الخدامه شافتج متملله منه اهي بتملل اكثر

 

[ليمون ونعناع]

على سالفه البامبرز
انتي غيري له لا تخلينه على الخدامه


وغني له اغنيه يحبها او عطيه لعبه يحبها او يدام التلفزيون اذا يحبه

شوفي شنو الي يضايقه مو معقوله عسر من ولا شي

 

[مواصله]

مريت بهالحاله واردى مع وحده من بناتي لا وكانت خطر ع الجهال تعض وتمجع خخخخ

الله يلوم اللي يلومج صراحه،،ماقدر افيدج لاني جربت كل الطرق

حتى رحت عند طبيب مختص لسلوك الاطفال وماستفدت شيئ

يوم كبرت طخت شوي

واختي الحين نفس حالتج مع ولدها وهو بنفس عمر ولدج بالضبط حتى شكيت انج اختي لووووول


الله يهدي ولدج حاولي تطولين بالج بعده بيبي صغير

حاولي تشغلينه بأشياء يحبهم يمكن تخف حنته

 

[كويتية زقرتيه]

والله مرت أخوي عانت مثلج وما نفعها إلا دكتور نفسي خاص للأطفال علمها أشلون تتعامل معاه ولا بالتلفون بعد وربي يهديه ويخليه لج​

 

[q8yah]

الله يخليه لج مثل كلام الاخت عطيه حنان اكثر وكوني هادية وياه ميخالف دوسي على روحج وبردي اعصابج لان الياهل ياخذ من طبع الام اذا كانت متوترة وحارة يصير نفس الشي واذا هاديه يصير هادي لان ماشاف الصراخ ابيته عرفتي
ولدج يتدلع يمكن يبي اهتمام اكثر ساعات اليهال مايعرفون يشرحون فما جدامه الا ان يبجي ... حمدي ربج على هالنعمة غيرج يتمنى حس ياهل بالبيت الله يحفظه لج ويسخره ان شاءالله

 

[M&Ms]

نفس حالة ولدي وزادت الحالة عنده لمن ولدت قام يغار ويطلع حرته باشياء ثانية وفوق كل هذا ما يحب ينام كنت اروح الدوام نايمة بس ساعتين وهالعمر مو مال طلعه يمل وديي الجمعية بس ولمن تطلعين لا تاخذينه وجربي دخليه حظانة انا الحين مودية ولدي حظانة بس مشكلته متعلق فيني وايد وما يبي يروح بس الحين ارتحت وسالفة تبديل حفاظته نفسج فكنت ابدله داخل سريره عشان لا ينحاش وقام يعرف ان ماراح يطلع الا لمن يبدل

 

[رو&الشقاوة&وح]

اه اه اه

نفس ولدي مت مت منه

حتى افكراني انحاش واهاجر بسبته :eh_s(16):

بس علاجه شي واحد طووووووووووووووله البال والاعصاب البارده اللي تخليج تكسبينه:eh_s(9):

بس شلون انا عصبيه وماعندي صبر:rgewrg::rgewrg::rgewrg::rgewrg::rgewrg:

الله يعينا

 

[shak!shoka]

عندنا و عندج خيييييييييير

انا حتى امي و خواتي ملو من ولدي

يبت ٣ خدامات نحشهم كلهم

يصكر البيبان بويهم و يطقهم و يتحلطم و صععععععععب صعععععب

كل شي قمت اقفله عنه الباب و الكبت و الثلاجه يبتلها قفل من ايكيا لانه عصبي و يكسر و عبثي

والحين توه والده و صارت عنده اخت ! يا حراااام مقروده لانها اخته
يطقها و يفلعها و يعضها و يشمخها
عمرها شهرين حياتي بس وراها الوييييييل


وفووق جذي الي عندي قام يسب و يغلط

و يناديني باسمي ما يقول ماما ! فشلني جدام الناس

وما يعترف بشي اسمه tv

الله يعينج
قمت اشتريله العاب و الخيمه الي فيها كور و اخليه يلعب بحديقة بيتنا لمن ينهد حيله و يتعب



الله يكون بعونج و عوني و يهدي الشباب المستهتر !!






*

 

[om.7madiiin]

فديتكم كلكم عالردود يعني مو بس انا تعبانة معاه بنات انا ينيت رسمي وراح اهج ههههه اليوم انا ماداومت رحت ادور عالحضانات لقيت وحدة بقرطبة والروضة و لقيت وحدة بكيفان مادري شبسوي عيزت وبالنسبة للاخت شكشوكة انا هذي رايع خدامة كلهم نحشهم وهذي بالطريج بس انا قررت انحاش منو تنحاش معاي?

 

[ريح قهوه]

سيم سيم بنتي لاتحاتين بس طولي بالج ولاتخلينه يمشي رايه عليج عطيه طاف وساحليه وبس

 

[om.7madiiin]

واااي تعبني والله مت منه قاعده احاول اكشت فيه و بشوف تاليها

 

[aseman]

حبيبتي اشتري له العاب تنفس عن طاقته نطاطية صغيره رافيجه لعبي معاه اقري له قصص خصوصا الي يكون فيها صور والوان اقري له قرآن بصوتج حطي بحضنج احتويه وماكو احد يتغير بيوم واحد لكن طولي بالج تنفسي لما تحسين انج معصبه ترا الطفل مثل العجين انتي تشكلينه مو اهو يستوي على كيفه شخصيتج معاه اهي الي راح تسوي له شخصية

 

[سوسو حبيبتى]

يووووة

نفس بنتي وهي بعمره

لدرجه كنت انهار واقول لررييلي خلاااااااص ابي اطلق وخدها حلال عليك ما ابيها هههههههههههه

الله يحفظهم لنا تري نعمه احنا مش حاسيين بيها

بس كبرت الحين والحمدلله عقلت شوي

واخدة بالك من كلمه شووي لووول يعني مو واايد

وكنت ماعندي خدامه ولا عند اهلي ..والله عمري ما اتهنيت ولامطعم ولا خروجه ولا زيارة ابدا ابدااا

انتي ع الاقل ابنك بيحب التلوين تقدري تاخدي له بكل مكان الوان ويلتهي فيهم

انا كانت بس تبيني احملها واهزها لما جابت لى هزه فى دماغي هههههههههههههههه

اماااااااااال الجنه تحت اقدام الامهااات

تري مو ببلاش لازم نتعب

والبنات كفو ووفوا بالنصايح

لوتبين تنحاشي انا ووياااكي لووول

 

[om.7madiiin]

فدييتكم بنات عالردود اللي تريح و ربي يرزقنا و يرزق كل محرومة

اليوم رحت الحضانة سجلته و رحت محل اسمه التعليم المبكر

شريت له العاب حلوة لعمرة وايد حبهم الله يهديه بسسسسسسسسسسس

انا مأدبته بس أمي و أبوي خراب مقوين راسة