ولدي يخاف من الماي والسباحه

[سكرة هانم]

السلام عليكم

بنات ولدي اسمله عليه عمره سنه من كان بالاربعين من احطه تحت الماي يصررررررخ
ما يحب الماي

واستمرت معاناه السباحه لين 6 اشهر
بديت ادخل العاب واسولف معاه واخليه يمسك الاسفنجه طبعا بدووووون ابوه ابعدها يخاف وويها ينعفس بس عادي ما يبجي

ورد انتكس عال9 اشهر صراخ وبجي ولووويه افكر مليون مره قبل لا اسبحه وما اسبحه الا كل 3 اسابيع مره

طريقتي الحين احطله حوض فيه العاب واترسه ماي واخليه يحبي بروحه ويشوفني العب بالماي عشان اشوقه واهو ايي

ماكو فايده من افصخه يبدي الصراخ واخر شي اسبحه غصبن عنه

شريت السياره اللي تطلع ببلز ماكو فايده

اخر شي امس لبست مايوه وطبيت معاه واصب على نفسي ماي واسوي نفسي مستانسه :eh_s(16)::eh_s(16): حسبي الله على بليس اللي خدامتي حاكره الضحكه

ولا اكو فايده تعببببببببببببببببببببببت

امي وخالتي جربو وهم صرااااااخ خدامتي هم نفس الشي

ابي حل ياجماعه شسوي فييه

حته حمام السباحه بالصيف يبجي بس لي شاف اليهال يسكت ويرفع ريله عشان مايحوشها ماي

ولما اغسله تكرمون ساعات هم يعصلق
الحين كبر لازم اسبحه عقب اللعب


تهقون اسبحه كل يوم لما يتعود ؟؟؟؟

 

[M!SS.LOBY]

حطي له ماى دافئ وانت بايدج صبي الماى في حوض اصغير حق اليهال اشتري له واحد مع العاب وفي سفنجه بالارضيه خليه يقعد عليها شوي مرتفعه وسوي حقه رغوووه عشان يطبش بأيده الله يحفظه لج .

 

[Winter Q8]

بالضبط بالضبط نفس حالتي ولدي عمره سنه و 4 شهور .. و مالقيت حل تتعب نفسيتي يوم اسبحهلما كان صغير كنت اخاف يزلق من ايدي من كثر ما يعافر و الحين احس قلبه يوقف و الله اني حريصه و ما اصب الماي على ويه شاريه سطل مذركير و لا يكون الماي بارد و لا حار حلو دافي .. ألعاب فقاقيع ماكو فايدة .. و امي تخاف تسبحه تقول اخاف يموت بايدي .. اذا لقيتي حل قوليلي

و انا زيادة عليج مايحب يبدل هدومه من الاربعين من انوي اغير هدومه يصارخ الناس تظن اني امصعته و لا مسويه له شي .. و الحين اقعد نص ساعه بس ابدله .. انا البس و اهو يفصخ

:eh_s(16):

 

[ام يسووفي]

صج اليهاال معانااة
انا ولدي عمره سنة ونص كان چذي بس بعدين بروحه بروحه قام يحب الماي ومن كثر ماقام يحبه اول ما يشوف حماام علطوول يروح يفتح المااي ويبلل ملاابسه حتى البرادات يفتح الماي وبطل الماي عرف شلون يفتحه ويكبه على ملابسه مشكلة. وانا كل شوي مغيره ملاابسه

الله يعيينا على تربيتهم

 

[دلال و غلا]

الله يكون بالعووون

 

[Ms Zara]

نفس معاناتي مع بنتي تخاف من السباحه والشاور شلحل

ساعدونا حاولت وماتركت اي شي وبدون نتيجه؟

لكن انا لمن كنت صغيره كنت كذا

احس مو لاقيه هواء اتنفسه وباموت .. مالوم بنتي ولا اعصب عليها

لاني مجربه هههههههههههههههههاي

 

[PuPa^^SWeeT]

بنتي بتكمل اربع سنين


وللحين اتخاف

 

["دلوعة حبيبي"]

انا عيالي نفس الشي عمرهم سنتين ويخافون من المويه اذا رشيته عليهم عادي لعبون ويفسون الدنيا بالماي
لكن من اجي اغسل شعرهم وافرك جسمهم بصابون وشابو وارش المويه يبتدوا صراخ وصياح ..

بس حرام كل 3 اسابيع مره انا عيالي على حالتهم كل يوم النضافه والعنايه نص العمر ياختي
بالطقاق يصيح مسيره يتعود بس المهم صحته

 

[فـراوله]

انا عيالي نفس الشي عمرهم سنتين ويخافون من المويه اذا رشيته عليهم عادي لعبون ويفسون الدنيا بالماي
لكن من اجي اغسل شعرهم وافرك جسمهم بصابون وشابو وارش المويه يبتدوا صراخ وصياح ..

بس حرام كل 3 اسابيع مره انا عيالي على حالتهم كل يوم النضافه والعنايه نص العمر ياختي
بالطقاق يصيح مسيره يتعود بس المهم صحته

نفس الحاله بالضبط

بس عندي السبوح يوميا لازم حتى لو يصرخ ويبجي ساعات ينام على الارض ويبي يفتح الباب وينحاش وأروح أمسكه بسررعه هههههههههه شيء يضحك وشيء يبجي الله يعين بس



​

 

[روح مووود]

نفس عيالى الله يعين

 

[نـعـومـه]

بنتي جذي من الاربعين لي ٣ شهور جذب صراخ وعقبها عادي ماقامت تبجي ردت مره ثانيه لما كملت ١٠ شهور تصرخ صراخ لما اسبحها والحين عمرها سنه وهم صراخ قمت اتنرفز وماسبحها وايد

 

[GaLbI t7aWaL]

جربي تحطينه بالمغسله بحيث يكون قده بالضيط

وترسيه ماي وصابون

يمكن باليالله يحوش خاصرته

ما ادري شقولج بس ابدي جذي

 

[سكرة هانم]

بنات والله ماتشوفونه شلون يتشنج ورفيجتي حذرتي اذا تعود على قلة السباحه ماراااح يتسبح
فقررت اسبحه يوم وترك واقولكم النتيجة


مشكورين عالردود :*

 

[M!SS.LOBY]

الله يحفظ عيالنا قولو ( أأأمين )

 

[انصاريه قمره]

كلهم جذي اليهال انا اسبحهم غصب بعد شسوي مردهم راح يتعودون

 

[M!SS.LOBY]

الله يعين