ولدي يتأتأء

[بسكوتا كتكوتا]

بنات انا ولدي ب 2 روضة
عمره 5 سنوات و8 شهور

وايد يتأتأ بالحجي وتزيد لما يتحجى بسرعه
الكل ملاحظه
واخوانه يعلقون عليه
وانا قلبي ينحرق عليه

شنو ممكن اسوي معاه
في دكتور شاطر يشخصلي حالته عدل

دلوني بنات حدي تعبانه

 

[جنى]

وديه الصباح مركز سالم العلي للسمع و النطق (يم مستشفى زين)

 

[أم حورية]

الاخت جنى كفت ووفت

بس الله يهداج اختي شلون تسمحين حق اخوانه يعلقون عليه؟؟؟

كلميهم وفهميهم ان هالشي ما يصير والله نهى عن السخرية

حرام بعدين خوفج يصير خجول وماراح يسولف حتى مع القراب

 

[hooryah q8]

التاتأه اتصير من كثرت ما اتصارخون على الطفل و ماتخلونه يكمل كلامه لي تكلم
و اذا يبي يبدا بالكلام تسكتونه او تكلمونه بصراخ و صوت عالي
من هالاشياء اتصير التأتأه .. و لا تخلين احد يعيب عليه مثل ما قالت ام حورية
راح يصير خجول ومايتكلم مع الغرب ومافي ثقه ابنفسه و اذا دخل المدرسة اتلاقينه مايرفع ايده ولا يجاوب مع الابله و يشارك بالصف

عالجيه من الحين احسن و حتى انتو الكبار غيروا معاملتكم معاه بالبيت

 

[مظلومة حيل]

يمكن متخرع انا بنتي تتكلم عادي و مرت عليها فترة تتاتأ بس فترة و عدت انتي اعرضية على دكاتر ساعات التاتاة تصير من مشاكل بالبلاعيم انتي اعرضية لا تخلينة و حاولي تشجعينة و تعلمينة ينطق عدل و قولي اجيب لك هدية اذا نطقت هالكلمة

 

[A7bny =)]

الله يشفيه ان شاء الله ماعليه شر فترة وتعدي بس شوفي اخصائي فهالمجال احسن من احين لا تسكتين عليه لا تكبر المشكله واهيه صغيرة

 

[بسكوتا كتكوتا]

فديتكم والله يا احلا منتدي
والله عورتولي قلبي ما ادري ليش انا ساكته عن الولد
كل يوم اقول راح يتحسن يتحسن وكل ماله يخربط بالحجي

المشكله انه الولد ياخذ القلب اسم الله عليه
وماشاء الله اجتماعي والكل يحبه والله العضيم انه كل مدرساته اللي بالروضة يحبونه واهوا اللي يشيلهم بحفلات الروضه وفي كل شي في رقص وفرفشه حطوه اسم الله عليه

وبعد الحفله اغلب الامهات يقولولي يحليله واللي تقولي اقري عليه
وحتى اهلي واهل ريلي دايم بسيرته
وحتى مره مدرسته القديمه اللي كانت تدرسه باولي روضه طرشتلي على الوت سب تقول ابي صورته ماخذ قلبي :eh_s(22): عاد اهني خف وما طرشتها

وكان قبل لما كان عمره 3 ا يتكلم عدل بس من بعد من صار 4 ونص واهوا يتأتأ
ويقولي الحين ماما انا انسي كلا انسا

 

[بسكوتا كتكوتا]

وديه الصباح مركز سالم العلي للسمع و النطق (يم مستشفى زين)

لازم تحويل ولا اوديه سيدا يستقبلوني ولا موعد وتحويل واطواله

واذا في مكان له بالخاص وين اوديه ومشكوووره على الرد والاهتمام

 

[بسكوتا كتكوتا]

الاخت جنى كفت ووفت

بس الله يهداج اختي شلون تسمحين حق اخوانه يعلقون عليه؟؟؟

كلميهم وفهميهم ان هالشي ما يصير والله نهى عن السخرية

حرام بعدين خوفج يصير خجول وماراح يسولف حتى مع القراب

لا والله ما اخليهم يتطنزون عليه
انا قلبي يعورني عليه
ودايم اجعمهم قبل كنت اغمز لهم علشان اهوا ما يحس اني قاعده اسكتهم
بعدها قمت اقرصهم
الحين والله اصرخ عليه جدامه واجعم فيهم
بس هم هم يهال مو مدركين اللي قاعد يسوونه

 

[بسكوتا كتكوتا]

التاتأه اتصير من كثرت ما اتصارخون على الطفل و ماتخلونه يكمل كلامه لي تكلم
و اذا يبي يبدا بالكلام تسكتونه او تكلمونه بصراخ و صوت عالي
من هالاشياء اتصير التأتأه .. و لا تخلين احد يعيب عليه مثل ما قالت ام حورية
راح يصير خجول ومايتكلم مع الغرب ومافي ثقه ابنفسه و اذا دخل المدرسة اتلاقينه مايرفع ايده ولا يجاوب مع الابله و يشارك بالصف

عالجيه من الحين احسن و حتى انتو الكبار غيروا معاملتكم معاه بالبيت

ايهه والله صاجه اننا كل شغلي صراخ عصبيه وضغط الشغل ولويه اليهال
بس ما اصرخ عليه الا اذا اهوا مسوي شي وبعدها اتحسف وتأسف
وادري انه غلط بس شسوي :eh_s(11)::yaaaaaarb:
الله يستر عليه يا رب

 

[بسكوتا كتكوتا]

يمكن متخرع انا بنتي تتكلم عادي و مرت عليها فترة تتاتأ بس فترة و عدت انتي اعرضية على دكاتر ساعات التاتاة تصير من مشاكل بالبلاعيم انتي اعرضية لا تخلينة و حاولي تشجعينة و تعلمينة ينطق عدل و قولي اجيب لك هدية اذا نطقت هالكلمة

راح اجيك علي بلاعيمه ما طرت علي هالسالفه
والله وايد وايد وايد مشكوووووووره
والله من فترة طلب بلستيشن وجبتله والحين يقولي ابي قاري
وقلتله لا تتكلم بسرعه واخذ نفس قبل الكلام واذا تبي تتكلم اول شي تذكر الكلام وبعدين تكلم وراح اجيبلك قاري واستانس وايد

 

[ديانا سبنسر]

ولدي جذي بس انا شسوي اكلمه اسولف معاه واعطيه كلمات يرددها معاي ويتحسن الحمدلله انا ولدي خرعة اخترع وصار يتاتي موايد خفيف

 

[ام الحلوااات]

اللــــه يـــشـــفــــيـــــه

 

[بسكوتا كتكوتا]

ولدي جذي بس انا شسوي اكلمه اسولف معاه واعطيه كلمات يرددها معاي ويتحسن الحمدلله انا ولدي خرعة اخترع وصار يتاتي موايد خفيف

جم عمره الله يخليه

 

[بسكوتا كتكوتا]

اللــــه يـــشـــفــــيـــــه

امين والله يجزاج الف خير

 

[بسكوتا كتكوتا]

اب اب

 

[om deaj]

وديه الصباح مركز سالم العلي للسمع و النطق (يم مستشفى زين)

روحي من غير تحويل واهمه راح يقومون بالواجب واذا في مشكة في بلاعيمه يحولونج مستشفى الاتصالات

 

[ميس:)]

اختي التأتأة تصير اغلبها من العين والحسد اعرف كذا شخص صارفيه بسبة العين والحسد عالجيه بالرقية حتي اذا ماكان عين وحسد بيتعالج بالقران ان شالله والله يشافيه يارب

 

[*caramel macchiato*]

انا اعرف وحده ولدها في مشكلة بالنطق...سبحانه الله بالصدفة شافته الدكتورة جان اتقول حق الام ان السان ولدج مربوط !!! مع ان يتكلم بس مايتكلم عدل وجنه يتأتأ ...سوتله عملية بسيطة والحمدالله مافيه الا العافيه....تشيكي عليه احسن ...

 

[بسكوتا كتكوتا]

اختي التأتأة تصير اغلبها من العين والحسد اعرف كذا شخص صارفيه بسبة العين والحسد عالجيه بالرقية حتي اذا ماكان عين وحسد بيتعالج بالقران ان شالله والله يشافيه يارب

وين اوديه تعرفين احد معين تدليني عليه