ولدي وجدول الضرب :(

[بشتخته]

السلام عليكم ورحمة الله وبركاته

اشلونكم حبايبي.. أول مرة اشارك بقسمك

تكفووووون ساعدوني ولدي الصغير بالصف الخامس وتبارك الرحمن شاطر
ومعدله دوم امتياز ومن أولى ابتدائ يحب الرياضيات
بس من دخل الخامس واهو مينني مو راضي يحفظ جدول الضرب
حافظة بالترتيب ..

اخوانه الأكبر منه تعلموا وحفظوه بسرعه
بس هالجعده فديت قلبه :krkrkr: ما خليت طريقة ما سويتها معاه .. وماكو فايدة

شوروا علي خواتي مدرسات الرياضيات اشلون اخليه يحفظ

تسلمون خواتي
:tek:




​

 

[(كويتيه عسل)]

كل اسبوع فهميه وحفظيه جدول واحد

بالتدريج من السهل لي الصعف وحببيه بجدول الضرب على شكل العاب

وسوالف لاتقولينله تعال احفظك وادرسك جدول الضرب

جنج تسولفين معاه وقوليله شرايك نلعب وقصي عليه وحفظيه جنه مايدري

في بالنت متروس العاب عن جداول الضرب وعندج محلات الكمبيوتر يبيعون سيديات

العاب في جدول الضرب وعندج في المكتبات وجمعية المعلمين اشرطة فيديو عن جدول الضرب

حطيله الفيديو على الغدا والعشا ولا تقولينله انا حاطته حقك بالذات ولا تحسسينه انه موحافظ

لانه بحس بالاحباط وبينكسر خاطره وبشوف نفسه كسلان

قولي انا شاريه فيديو شحلاته يهبل نبي نشوفه ويمدحونه

وفهميه على شكل سوالف انه مهم وقوليله ترى جدول الضرب وايد مهم راح تاخذه من الحين لحد

لما تكون طالب كلية الهندسه مثلا في الجامعه

اذا كان يحب الهندسه ونسيه وبوسيه وقوليله يارب اشوفك مهندس جذي

وسألي اخوانه جدامه بس لاتحسسينه انج تتعمدين تسمعينه سألي اخوانه

تاخذون دروس تتعلق بجداول الضرب ؟ واللي موحافظ جدول الضرب شمسوي؟؟

خلي اخوانه يجاوبون وانتي لا تعلقين ولا تطالعينه خليه يسمع علشان يحس

وكل يوم راجعيله علشان ماينسى وكثري من التمارين

و قوليله ترى سهل وكلا شجعيه معنويا اكثر شي

ولا تبالغين بالتشجيع خصوصا المادي مثل الهدايا وهالسوالف

لان الصبيان اذكيا اذا كثرتي بيقول امي تساحلني

وراح يتمنن عليج ولا يحفظه ويعاندج واذا تضايق بيقولج ماراح احفظ جدول الضرب

بدزلج ملف على الخاص فيه طريقة شرح انا مسويته عن جدول الضرب بشكل مبسط انشالله يفيدج

وفي لعبة جدول الضرب بالعربي مره حطيتها في القسم

ماادري الموضوع وينه