ولدي والمصاصه

[Om 3zo0oz_2011]

أمهااات شلوونكم
انا عندي مشكله مع المصاصه

ولدي عمره 3 شهوور بالضبط تعود عليها خلاص ماينام الا بحلجه بس لمن يخدر اشيلها منه يقعد نص الليل يدورها وارد احطها يرد ينام وهكذاااا

واذا قعد من النوم طول الوقت همن يبيهاا اذا طااحت يقعد يحوس يحووس بحلجها لمن يلقطها ويمصها هههههههههههههه
واذا بعدت عنه يبجي يبيها
مو هذي المشكله
المشكله ان مصاصااته كبيره عليه واذا رحت مذركير ابي اسأل عن المصاصه الي مناسبه لعمره دايما يعطووني كبيره لان كلا تطيح من حلجه مومعقوله لي الحين ماتعلم شلون يمصها لان من عمره يوم عطيته هو صج اريح لي بس تحسفت توبه الولد الثاني ماني معطيته مصاصه
هو ماشالله عليه هادي بالمصاصه بس يتعبني اذا طاحت يبجي يبيها ويااكثر مايطيحهااا وانا كل دقيقه ياوااقفه وياقااعده لووول صرت طاش ماطااش

الي تعطي بنتها او ولدها مصاصه شلون يكون مقااسهااا؟
جم ارقاامهم ؟ انا سمعت في حق عمره وفيه اكبر
ولدي تعود علي مالت مذركير مايبي يمص الا ماركتهم
شريتله من سنتربوينت علي ميكي يهبلوون الخيووس مايبيهااا

 

[mariam_q8]

مذكركير ماركه ايفيينت مكتوب العمر عليها اول شي تلقينه ما يعرف مرده يتعود ولازم تعطينه ياها بنووم انا جذي ولدي الحين سنه و ٨ اشهر للحين وقت النوم يبيها و يدورها لي طاحت و مرتاحه مع الوقت لي طاحت اهو يدورها لوول و بقطعها الحين والمصاااصه معروف تهدي الياهل

 

[Ms.Roon]

انا ريلي ما يرضا اعطي بنتي مصاصه يقول مو زينه تيب امراض
وبعد اهي تلوع جبدها منها ما تحبها

بس مشكله اذا تعلق البيبي بالمصاصه
الله يعينج يا ام عزوز*

 

[جذابه بنت ذيابه]

ياحياتي هو ..


حبيبتي اشتري ماركة ايفينت من مذركير في مقاسات انا مره توهقت ببنوتي ..
لان ضاعت مالتها جان اروح اشتري لها من الجمعيه مقاس 1 وحبتها حيل : )

 

[كتكوته22]

احسن شي ماركه bibi موجوده بالجمعيات اخذيله على عمره في من 0 لي 6 وفي من 6 لي 12 وشكلها مفقوصه وليش ضايق خلقت من المصاصه بالعكس احسلج تهدي الياهل انا بنتي كانت تحبها وما تنام الا بحلجها بالشهر السادس بروحها كرهتها كل ما احطها تطلعها وانا ضاق خلقي كان ودي اقطعها بالسنه بس اهى بروحها كرهتها ووااااايد تهدي الياهل

 

[مدمنة ككاو]

هلا ام عزوز سلون عزوز شخباره؟

انا نفس كلام كتكوته بطل عيالي استخدمت هالماركه وما اقدر استغنى عنها

 

[<<لمار>>]

انا ولدي نفس وليدج مدمن مصاصة لووول وكرهني فيها بس خلاص مااقدر الحين اسوي شي وانا استخدمت ايفنت اهو مرتاح عليها بس خالتي تقولي انها كبيرة علية واخاف تعور بلعومةومحتارة ماادري شعطية انا حبيتها لان فيها غطا اسكرهاوماتظل مكشفة

 

[Om 3zo0oz_2011]

مذكركير ماركه ايفيينت مكتوب العمر عليها اول شي تلقينه ما يعرف مرده يتعود ولازم تعطينه ياها بنووم انا جذي ولدي الحين سنه و ٨ اشهر للحين وقت النوم يبيها و يدورها لي طاحت و مرتاحه مع الوقت لي طاحت اهو يدورها لوول و بقطعها الحين والمصاااصه معروف تهدي الياهل

الله يخليه لج يارب

 

[Om 3zo0oz_2011]

انا ريلي ما يرضا اعطي بنتي مصاصه يقول مو زينه تيب امراض
وبعد اهي تلوع جبدها منها ما تحبها

بس مشكله اذا تعلق البيبي بالمصاصه
الله يعينج يا ام عزوز*

يمه امراض مثل شنو يعني

 

[Om 3zo0oz_2011]

ياحياتي هو ..


حبيبتي اشتري ماركة ايفينت من مذركير في مقاسات انا مره توهقت ببنوتي ..
لان ضاعت مالتها جان اروح اشتري لها من الجمعيه مقاس 1 وحبتها حيل : )

نورتي موضووعي شلوون بنووتج الحين ان شاالله احسن:eh_s(7):

 

[Om 3zo0oz_2011]

احسن شي ماركه bibi موجوده بالجمعيات اخذيله على عمره في من 0 لي 6 وفي من 6 لي 12 وشكلها مفقوصه وليش ضايق خلقت من المصاصه بالعكس احسلج تهدي الياهل انا بنتي كانت تحبها وما تنام الا بحلجها بالشهر السادس بروحها كرهتها كل ما احطها تطلعها وانا ضاق خلقي كان ودي اقطعها بالسنه بس اهى بروحها كرهتها ووااااايد تهدي الياهل

ان شالله بشوف هالمره ان شالله ياخذها
انا ضايق خلقي لان يموت عليها انا مرات افكر اقول فرضا ضاعت المصاصه بنص الليل شسوي بعمري لووول
فاليوم شريت جم وحده احتيااك

والله يخلي بنوتج يارب

 

[Om 3zo0oz_2011]

هلا ام عزوز سلون عزوز شخباره؟

انا نفس كلام كتكوته بطل عيالي استخدمت هالماركه وما اقدر استغنى عنها

ان شالله بشتريها شوقتوني عليهااا

 

[Om 3zo0oz_2011]

انا ولدي نفس وليدج مدمن مصاصة لووول وكرهني فيها بس خلاص مااقدر الحين اسوي شي وانا استخدمت ايفنت اهو مرتاح عليها بس خالتي تقولي انها كبيرة علية واخاف تعور بلعومةومحتارة ماادري شعطية انا حبيتها لان فيها غطا اسكرهاوماتظل مكشفة

اي صح الحلو فيها ان لها غطاااا

 

[فـراوله]

المصاصه تسبب غازات


أنا أول الايام عطيتها ولدي بعدين قطعتها عنه يوم سمعت عن الغازات

وصج يوم قطعتها خفت عنه الغازات


​

 

[om Firas]

انا استخدم حق ولدي ماركةbibiوايد مرتاح عليها مايحب الا اهي وفي حق الاعمار
يازين المصاصه تهدئ اليهال وانتي بعد ترتاحين

 

[A7bny =)]

بالعكس احسن لج انه تعبت ابي اعودها عليها لانها حنانه ماترضى تاخذها تقطها وتتلوع منها او تقعد تمصصها بالقوة وتطيح وترى احسن ماركة nuk تحصلينها في سنتر بوينت وفي منها مقاسات وغطى تغطينها بكبرها مو بس الحلمة

 

[رنيم q8]

انا بنتي عمرها 10 شهور للحين ما قطعت المصاصه عنها
ان شاء الله بقطعها عن قريب
بس الماركه هي ماركةbibi من الجمعيه اشتريها
وفي مقاسات من 0-6 اشهر
ومن 6-12 شهر
مكتوب عليها

 

[غير كل الناس]

نفس الحاله

حطي له علاقه برقبته

 

[ranooo]

شلونكم بنات
الصراحة المصاصة حدها تريح
انا عطيتها حق بنتي لغاية الثلاث شهور وقطعتها بس صراحة خذت مني اسبوع وطلعت عيني
اول شي قطي المصاصة تكرمين بالزبالة
واول يومين يمكن يبجي وايد الياهل بس انت حظنيه وامشي فيه شوي بالغرفة والله واخر شي بس وخرت عنها المصاصة
في مرت حماي شسوت نطرت بنتها تكبر لسنة وشهرين يعني تفهم وراحت قصت راس المصاصة وعطتها اول ما حطتها بحلجتهة جان تشيلها ومن يومها كرهتها
او تقدرين تحطين عليها مادة الصبره هذي تاخذينها من الصيدلية وراح تكره طعمها

 

["GloRia"]

انا بنتي تحب مصاصه ماركة "bibi" موجوده بالجمعيات اخذتلها من 0-6 والحلو فيها كل مصاصه لها غطااها ​