ولدي والحمام

[سنفوره 2]

شلونكم بنات انشالله بخير انا اول مره اكتب موضوع بالقسم
موضوعي الله يسلمكم ولدي عمره سنتين و3 اشهر ماني عارفه اشلون تكرمون يبول بالحمام كله يسويها بسرواله
فماني عارفه اتصرف وياه فالي عندها خبره بالموضوع اتفيدني وأكون شاكرتلكم

 

[om_3azoz]

انا ولدي شهر 4 يكمل 3 وقاعده اعلمه بس تعب
كنت اوديه كل عشر دقايق الحمام تكرمين ,, وبعدين كل نص ساعه وبعدين كل ساعه

بس على اذا فيه على مايقول الا على مايوصل الحمام يسويها على نفسه ,,

تعب لاني دوام الصبح وارد الظهر بس خدامتي ماتلبسه وتوديه بالغصب ولمن انا ارد اوديه الحمام بليل البسه بامبرز

شويشوي يالله يتعود لازم يسويها في نفسه جم مره لين يتعلم

 

[دنيا جديدة]

يبيله وقت !

 

[سنفوره 2]

مشكورين ماقصرتو على ردودكم
اي انا جذي ولدي بعد يقول فيني بس على مانوصل الحمام تكرمون الا مسويها وخالص
بس مااقول الا الله يعينا وصبرنا

 

[وصايف4]

انتهبي له يعني اذا شفتيه كثر ماي عصاير حليب لا تنطرينه يقول ابي الحمام لا وديه غصب كل نص ساعه
لان حراام مو قادر يمسك نفسه

 

[دانه الكوويت]

انتي ولدج شجعي مثلاا قولي فلان يوروح الحمام شاطر ومايسوي على سرواله ومثلا اذ

 

[دانه الكوويت]

راح الحمام عطيه حلاو كاكاو يعني هشغلات

 

[عيالي ذيابه]

والله ٲٍنٍـٍّ☝ـٍْٱ طريقتي قطيتها
وكل نص ساعه اوديه
وشريت له ملابس داخليه تشوق علي ببايات يحبهم
فصار حريص انه مايوسخهم
بس اللحين مشكلتي الليل ساعات يسويها علي نفسه
وساعات لا يقوم ويروح

 

[om deaj]

من تجربة
الصبي يفضل تبلشين معاه بالسنتين ونص
لاتعلمونهم بالشتا صعبة برد ومايتحمل

تقطين الحفاظة وكل شوي تودينه الحمام اذا وصخ لاتعصبين عليه ولاتصارخين

بليل حاولو من عقب ال٦ تمنعين السوائل ودفوهم لايبردون ويسونها
وبعض الامهات تلبسه بالليل جذي يتخربط مخه مايستوعب انتي شنو تبين بالضبط
اكو قيصرية لليهال اشكال حلوة تساعدج بالموضوع
قعديه بالحمام وسولفي معاه
حتى لو ماقال ولاتنطرينه يقول دخليه وسولفي باي شي وعقب علموه انه لازم يغسل ويغسل ايده وينشف ويطلع

التشجيع والمدح والهدايا التحفيزية اكبر مساعد لج من عقب الله

نسيت لاتعلمونهم انه عادي احد يشوف عورته حتى لو شغالة
علموهم على الخصوصية وانه يحافظ على هالمنطقة من الاقتراب
هالشغلة تفيدكم مستقبلا

انا ولدي اول مايت شغالتي كان٤ سنين طلع اول مرة جدامها بجدية خذيته الغرفة وقلتله عيب ومالازم تشوفك ومحد يشوف ولا يجيسك ورانا مدارس الله يحفظ عيالنا بس

 

[om deaj]

صبرو اسبوعين الثالث راح تشوفون نتاسج حلوة

وانتيهي الي ولدها يستمر بالتبول الارادي الليلي ترتجع فيه المستوصف عشان تحلون المشكلة مبجر