ولدي والتهاب الاذان

[شوكلاتة سويسرية]

السلام عليكم ورحمة الله وبركاتة

ولدي بيكمل ال 9 شهور ومن يوم ماكان عمره ثلاث شهور وهو يعاني من التهاب الاذان
طبعا مسكنات ومضادات حيوية
واحيانا اقول ماراح اعطية مضاد واقعد فتره بس يتالم ومايطيب
الولد ابد مايطيب لامع مضاد ولا من غيرة
وبرغم اني ارضعه وانا رافعه راسة بس مافيه فايدة
وش تنصحوني باشياء شعبيه.؟
قالولي زيت الزيتون الدافي اقطر لة شوي
بس مافاد
احد عنده تجارب الله يعطيكم العافية

 

[طيبة83]

اللي اعرفه انه لازم يرضع وراسه مرتفع

ووقت السبوح لا يصيد اذنه ماي

واذا صاده زكام لازم تسحبين الوصخ من خشمه

اذا التهبت اذونه لازم مضاد لان الالتهاب ما يروح بسهوله

حاولي دايما تغطين اذونه من البرد لازم تلبسينه قبعه بعد السبوح او اذا بيطلع

الله يحفظ عيالنا من كل سوء

 

[ام الحلوااات]

اللــــه يــشــفــيـــه ويــعــيــنـــج عــلـيــه
انــا بــنــتــي مــن عــمــرهــا 4اشــهــر ومــعــاهـــا الــتــهــاااب بــاالاذن
ويــزيــد اذا تــعـــبـــت او حـــااشــهــا بــرد ولاااازم مــضــادااات وادوويــه
والــحــيــن بــســم اللــه عــلــيــهــا عــمــرهــا 6 ســنــيــن ومـــا لــقــيـــت حــــل

اااااااااااااااااااااب​

 

[ام رينـاد]

الله يشافيه انشالله

حبيبتي ادويه المستشفى مامنها فايده كلش

بس المهم لما ترضعينه الحليب رفعي راسه

حطي تحت راسه مخدتين

عشان لا يرجع الحليب على إذنه

يمكن يكون الالتهاب منه

ونقطيله زيت زيتون على اذنه مره وحده

وترى التهاب الاذن شائع عند الاطفال لا تخافين

منتشر وايد بعايلتنا وبنتي كان فيها جذي والحمدالله تحسنت

ونصيحه لاتعطين مضادات واذا الحاله شي بسيط​

 

[M!SS.LOBY]

معاج حق زيت الزيتون يمدحون للالتهاب الاذان

 

[شوكلاتة سويسرية]

الله يعطيكم العافيه
نبي تجارب بعد

 

[zaina alotibi]

شيكي علي خشمه لانه اذا عنده لحمية بالانف بتسير عنده التهابات اذن متكررة

 

[شوكلاتة سويسرية]

خشمة مافية شي
بس يقول الدكتور اذا زكم تتعب اذانة
جربت زيت الزيتون مافاد
وحده قالت لي قطري باذانة مرة ينشف الماي اللي تاعبه
مانفع بعد
مين يقولي تجارب بعد

 

[ناتشوو]

التزمي بالمضاد
خاصة اذا معاه حرارة
والتزمي بايام تناول المضاد
يعني لاتوقفينه اذا وقفت الحرارة ع طول
لا
استمري عليه

ونشفي اذنه بعد السبوح
من برة التنظيف
اذا طلعتي غطيها

احيانا كثرة الدفا والكبابيس خاصة
وفجأة تخففين ملابسه
سبب للمرض
لانه يعرق من الحر

ومايشوف شر يارب