ولدي والاكل

[(سلام)]

السلام عليكم ورحمة الله وبركاته
ولدي باقي له يومين ويكمل الشهر الخامس كل ماشاف اخته او اخوه ياكلون يكسر خاطري عطيته سيرلاك على قمح احس لما ياكل يشبع وينام ورحت اليوم طعمته وقلت الى الممرضه عصبت علي وقال لا تعطيه خل يكمل 6 شهور
وعندي سؤال ثاني من سمع او صار عند ولدها توسع في الكليه لانه ولدي عنده هالتوسع وش قال لها الطبيب وهل يروح مع الوقت
لانه اقرا بالنت اقرى حاجات تشيب الراس ومشغول بالي على ولدي طمنوني جزاكم الله خير الجزاء

 

[نور دنياه]

هلا اختي
بالنسبه للاكل يفضل بعد مايكمل 6 شهور بس الحين لما تعطينه الحليب حطي فيه بسكوته فارليز نصها تقريبا ولما يدخل الشهر السادس ابدي وكليه

بالنسبه للتوسع والله مادري الله يشافيه ان شالله

 

[(سلام)]

هلا اختي
بالنسبه للاكل يفضل بعد مايكمل 6 شهور بس الحين لما تعطينه الحليب حطي فيه بسكوته فارليز نصها تقريبا ولما يدخل الشهر السادس ابدي وكليه

بالنسبه للتوسع والله مادري الله يشافيه ان شالله

مشكوره يانور الدنيا على المرور

 

[Cute mama]

مايشوف شر ولدج ان شالله ماعندي فكره حبيبتي عن التوسع

بالنسبه للاكل تبلشين معاه من ال 6 اشهر الحين اذا تبين تقدرين تلحسينه شغلات خفيفه مهروسه مثل الجزر المهروس او التفاح مجرد انه يذوق مو توكلينه ليمن يشبع

 

[أمـ مبارك]

هلا اختي

الله يحفظ وليدج وماسمعت عن هالشي


وبخصوص ولدج الحين ابدي لحسيه عشان ماتتحول عيونه فديته

واذا تم ٦ شهور عاد ابدي وكليه شغلات خفيفه

 

[M!SS.LOBY]

الله يحفظه ولا تشوفين فيه مكروه

 

[M!SS.LOBY]

بالنسبه للتغذيه ما تفرق5شهور ولا 6شهور ماكو الا العافية ان شاءالله

 

[همي رضى خالقي]

من ٤ شهور في ناس توكل الياهل

اهل زوجي جذي

رفيجتي ماتوكل الا ست شهور عشان الحساسية

 

[اناظرك وكلي حزن]

انة اكلت بنتي خمس شهور اذا الياهل حسيتيه يبي ياكل اكليه فهل عمر مايفرق غير شهر واحد

 

[Mrs Al-Nasser]

عادي وكليه
انا بنتي وكلتها من ٤ شهور

 

[Um Tuki]

الأكل من 6 شهور

روحي الجممعيات

بتجوفين السيريلاك والبستايق كلها مكتوب فيه ابتداءاً من الشهر السادس

 

[Bio_reem]

اذا المشكلة انه يشوف اخوانه ، لا ياكلون عنده هالشهر بسيطه
التوسع بالكلية ما اعرفه واللهةبس شوفي الدكتور شيقول

 

[بحور العنا]

عادي اكليها انا اعيالي على 4 شهور
وبالنسبه لتوسع ماعندي خلفيه عنها
عسى ربي يشفي اولدك ويخليه لكم يارب

 

[الغضى]

الله يشافيه ولدج ماعندي خبر
بس الاكل عادي خففي السريلاك مو ثقيل
واي شي يشتهيه من اخوانه ذوقيه
بس فيه شغلات تسبب حساسيه صدر اذا هو صغير لازم بعد 6 شهور

 

[M!SS.LOBY]

لا تحاتين اكليه