ولدي والاكل المهرووووس

[زوجة الفنان]

السلام عليكم بنات

انقذوني بنات ولدي ربي يحفظه عمره 9 شهور
والله بنات مايرضى ياكل الاكل الا بالخلاط
يعني يبيه مهروووووووس عدل
حاولت اوكله واهرس الاكل بشوكه هرررررس والله
مايبقى شي علي عداله موراضي يتفل بويهي
ويصرخ وتاليتها ترجيييييع
ونفس الوجبه ارد احاول اوكله نفس الحاله
الا لمن احطه بالخلاط وينهرس عدل ياكله
شسوي بنات
اللي بعمره ماشالله ياكلون بدون خلاط وانا وين مارحت
خلاطي معاي واسمع تعليقات الحريم انه كبر خلاص
ليمتى خلاط عوديييييييه وانا بقلبي ضايق خلقي
بس ارد عليهم واقول لازم مهروس احسن لمعدته
واقنع نفسي انه دام يحبه وياكل خله ياخذ الفايده

انقذوني بنات عادي جذي؟؟؟ والا اهرسه واذا كبر بياكل

 

[زوجة الفنان]

بنات بليز بانتظار ردودكم

 

[hooryah q8]

دام ماياكل الا مهروس اشعليج من كلام الناس
اهم شي ولدج يتغذى و يتعافى
عطيه مهروس ولي كبر شوي
سويله الاكل نص مهروس و عطيه ليين يتعود

لا تضيقين خلقج عشان كلام الناس و تخلين ولدج يكره الاكل
عطيه مهروس و توكلي عالله

الله يخليه لج

 

[~ كرز ~]

اممم توني ادري بهالمعلومة بنتي عمرها ثمان شهور و اكلها كله بالخلاط

 

[KOKO_284I]

عادي خليه مهروس شويو شوي يتعود لا تحاتين

 

[المها الابيض]

انا ولدي اكبر من ولدج
وللحين اعطيه بالخلاط

 

[فتون777]

وانا بعد ولدي مثل ولدك ما عليك من الناس
اكليه قبل لايكره الاكل

 

[فديت سالم]

شلوون بالخلاط يعني شنوو تحطوون بتلخلاط وتهرسوون العيش مثلا والا البطاط
فيدوني يا اهل الخبره انا بناتي تطيح ايدي ليماا اهرسه بالشوكه والا القفشه

 

[~ كرز ~]

اي بالخلاط وايد اسهل

 

[ام رينـاد]

عادي اهم شي تغذية ولدج

 

[زوجة الفنان]

بنات فديتكم عالردود اللي تبرد القلب

خلاص بوكله مهروس دام يحبه واسهل له

الله يوفقكم بنات مشكورين

 

[أميرة طفولتي]

دامه قاعد ياكل الاكل وحابه مهروس صبري عليه
انا ولدي اكبر وللحين بالخلاط وعلى قولتج وين ما اروح
خلاطي معاي واذا طلعت اجهز اكله المهروس في بايركس زجاج
صغير الي له غطه واخذ معاي واقعد في اي كافيه واوكله

شوفي في دكتوره مره قالتلي ان عيالها لي سنتين ونص اكلهم
مهروس على قولتها دام شي مفيد يدش بطنهم وحابينه
لا تكرهينهم بالاكل وتغصبينهم خليهم ياكلونه مثل مايحبون
مردهم يكبرون وبياكلون عدل*

مالج شغل بحجي احدالمهم صحة الياهل ياكل ويتغذا عدل

 

[أم حيدر]

لحظة بنات ... عشان القاعدة لا تصير عامة عندكم لأن ردودكم كلها تصب بمكان واحد

المهروس مو أحسن !!

انا شخصيا عانيت من هالمشكلة مع واحد من عيالي ... لان تعود عالمهروس وعلى البلع بدون مضغ .. والنتيجة اني قعدت فترة طويلة أحاول مع أعلى درجات الصبر لحد ما غيرت هالشي ..

الأكل المهروس يسبب كسل بالمضغ عند الطفل ..لان اللقمة تكون مهروسه وجاهزة وتتحول مع تقدم العمر الى عادة .. وما يتقبل الا الأطعمة ال soft المهروسة .. انا اكلمكم وانا اللي مريت بهالتجربة اللي ما تقدرين تغيرينه بالوقت الحالي كوني على علم ان مستقبلا بيصير الوضع أصعب

نيي حق شلون عالجت الموضوع؟

1. الصبر ثم الصبر ثم الصبر
2. خلي الطفل يجرب ياكل بروحه توست ، بسكوت ، موزة ، أنواع الأكل اللي ما فيها خطر اختناق ونص صلبة ، عيش مشخول الخ ...
3. لا تضعفين جدام رفضه وصراخه وتفاله ... حاولي 1 2 3 4 مرات النتيجه تحتاج وقت
4. شكلي بأنواع الأكل اللي موجودة بنفس الصحن .. ييبي الصحن المقسم فيه منه بسنتر بوينت وسيتي سنتر ... قسم حطي عيش وقسم خضره مسلوقة وقسم ايدام مثلا وخليه ياكل بايده ، وحطيلج صحن نفسه وقعدي جابليه ، وبهدوء اكلي خليشوفج 1 2 3 4 بالنهاية بيجرب يقلدج

يا ما ولدي زوع .. وا ذكر اني بجيت جم مره لاني حسيت اني مذنبة ،، بالنهاية الحمد لله صار اكله طبيعي.

اتمنى اني فدتكم .. وفي امور الطفل يحتاج الام مباشرة تقوم فيها لانها تحتاج صبر .. لا خادمة تنفع ولا أي شخص ثاني

 

[om deaj]

لحظة بنات ... عشان القاعدة لا تصير عامة عندكم لأن ردودكم كلها تصب بمكان واحد

المهروس مو أحسن !!

انا شخصيا عانيت من هالمشكلة مع واحد من عيالي ... لان تعود عالمهروس وعلى البلع بدون مضغ .. والنتيجة اني قعدت فترة طويلة أحاول مع أعلى درجات الصبر لحد ما غيرت هالشي ..

الأكل المهروس يسبب كسل بالمضغ عند الطفل ..لان اللقمة تكون مهروسه وجاهزة وتتحول مع تقدم العمر الى عادة .. وما يتقبل الا الأطعمة ال soft المهروسة .. انا اكلمكم وانا اللي مريت بهالتجربة اللي ما تقدرين تغيرينه بالوقت الحالي كوني على علم ان مستقبلا بيصير الوضع أصعب

نيي حق شلون عالجت الموضوع؟

1. الصبر ثم الصبر ثم الصبر
2. خلي الطفل يجرب ياكل بروحه توست ، بسكوت ، موزة ، أنواع الأكل اللي ما فيها خطر اختناق ونص صلبة ، عيش مشخول الخ ...
3. لا تضعفين جدام رفضه وصراخه وتفاله ... حاولي 1 2 3 4 مرات النتيجه تحتاج وقت
4. شكلي بأنواع الأكل اللي موجودة بنفس الصحن .. ييبي الصحن المقسم فيه منه بسنتر بوينت وسيتي سنتر ... قسم حطي عيش وقسم خضره مسلوقة وقسم ايدام مثلا وخليه ياكل بايده ، وحطيلج صحن نفسه وقعدي جابليه ، وبهدوء اكلي خليشوفج 1 2 3 4 بالنهاية بيجرب يقلدج

يا ما ولدي زوع .. وا ذكر اني بجيت جم مره لاني حسيت اني مذنبة ،، بالنهاية الحمد لله صار اكله طبيعي.

اتمنى اني فدتكم .. وفي امور الطفل يحتاج الام مباشرة تقوم فيها لانها تحتاج صبر .. لا خادمة تنفع ولا أي شخص ثاني

:ggdw::ggdw:
حتى انا استغربت الكل يقول عادي ولي متى

والي استغربتله 9 شهور مايبي شي يحك ضروسه لما سنن عطيه بسكونه اطفال طعمها حلو
وكليه برتقال ولا تفاح خل يستطعم الحلاة الي فيها

الله يعينج

 

[jawaa]

بالضبط نفس مشكلتي مع ولدي بعد يومين يكمل سنه وليلحين خلاااااط قلت حق الدكتور قالي عادي نطري عليه لين تطلع ضروسه راح ياكل عادي وكاني ناطره لان بس اربع ضروس طالعين بارد ولدي رفيجتي ولدها اكبر من ولدي اسم الله عليه طالعيله ٩ وبلش ياكل بس هذا موضوعي دام قاعده اغير الاكل الحمدالله ننطر

 

[om MaRyooM]

لووول حلاته والله


ذكرتيني في مريوم بنتي انت جذي دلوعه بالاكل والمشكلة ماتاكل اي شي اسويلها ياه لازم اشياء محددة

صراحة ماحاولت معاها دام هذي رغبتها .. كبرت وشوي شوي تغيرت

تيك ات ايزيييييييييي
لووول


وكانو اهل ريلي يطنزون ويعلقون .. وانا : طــااااااااف

 

[أم الليالي]

بنتي لعمر السنتين واهي تاكل مهروس ،،، وللحين عمرها سنتين ونص بالغصب تاكل اكل عادي ،،، حاولي بالتدريج معاه لانه بيعتاد عالمهروس وصعب تخلصي منه

 

[q.u.e.e.n]

اهم شي تغذيه ولدج

 

[PinkLulu]

لحظة بنات ... عشان القاعدة لا تصير عامة عندكم لأن ردودكم كلها تصب بمكان واحد

المهروس مو أحسن !!

انا شخصيا عانيت من هالمشكلة مع واحد من عيالي ... لان تعود عالمهروس وعلى البلع بدون مضغ .. والنتيجة اني قعدت فترة طويلة أحاول مع أعلى درجات الصبر لحد ما غيرت هالشي ..

الأكل المهروس يسبب كسل بالمضغ عند الطفل ..لان اللقمة تكون مهروسه وجاهزة وتتحول مع تقدم العمر الى عادة .. وما يتقبل الا الأطعمة ال soft المهروسة .. انا اكلمكم وانا اللي مريت بهالتجربة اللي ما تقدرين تغيرينه بالوقت الحالي كوني على علم ان مستقبلا بيصير الوضع أصعب

نيي حق شلون عالجت الموضوع؟

1. الصبر ثم الصبر ثم الصبر
2. خلي الطفل يجرب ياكل بروحه توست ، بسكوت ، موزة ، أنواع الأكل اللي ما فيها خطر اختناق ونص صلبة ، عيش مشخول الخ ...
3. لا تضعفين جدام رفضه وصراخه وتفاله ... حاولي 1 2 3 4 مرات النتيجه تحتاج وقت
4. شكلي بأنواع الأكل اللي موجودة بنفس الصحن .. ييبي الصحن المقسم فيه منه بسنتر بوينت وسيتي سنتر ... قسم حطي عيش وقسم خضره مسلوقة وقسم ايدام مثلا وخليه ياكل بايده ، وحطيلج صحن نفسه وقعدي جابليه ، وبهدوء اكلي خليشوفج 1 2 3 4 بالنهاية بيجرب يقلدج

يا ما ولدي زوع .. وا ذكر اني بجيت جم مره لاني حسيت اني مذنبة ،، بالنهاية الحمد لله صار اكله طبيعي.

اتمنى اني فدتكم .. وفي امور الطفل يحتاج الام مباشرة تقوم فيها لانها تحتاج صبر .. لا خادمة تنفع ولا أي شخص ثاني

صح كلامج

حتى الأكل يمرن عضلات الفك عشان يسرع عملية النطق الصحيح حق الطفل

الموضوع يبيله صبر...وشوي شوي راح يتعود

 

[قمري]

خليه على المهروس المهم يتغذى لاتجبرينه وشوي شوي لين يتعود حبيبتي