ولدي مو راضيه تنزل حرارته ...

[ملامح سما]

تكفون بنات

ولدي عنده التهاب لوز حاد

عمره 9 شهور والحراره مو راضيه تنززززل


كمادات وسبحته مرتين ماكو فايده

تنزل شوي وترد ترتفع وماني عارفه شسوي

الدكتور كتب له مضاد وتحاميل وشراب

ورحت له مره ثانيه قال خلاص نكمده لج بالمستشفى

بس انا رفضت وقلت اكمده بالبيت

ولما يرضع حليبه اول ما يخلص على طوووووووول يررجعه كله

وبس يبي ينام




يا ربي مدري شسوي


ادعوا له الله يشفيه ويخليه لي

 

[ملامح سما]

:eh_s(2)::eh_s(2)::eh_s(2)::eh_s(2):

 

[العز انا]

الله يشافيه ان شاءالله عليك بالفكس عجيب انا مجربته لاعيالي

 

[barbie girl]

الله يخليه لج

انا ولدي من اسبوع وشوي حرارته صكت 41 تخيلي 4 ايان على هالحال

المستشفى عطوه klacid ما قدر يشربه من كثر ما البلاعيم ملتهبه عنده حتى حلجه من داخل كله حبوب بيضا

وتحاميل ما نفعت

ورحت دار الشفا الفجر قالي الدكتور نعطيه ابر قلت لا عطوني مضاد ثاني وهم ما قدر يشربه

اسبحه 4 مرات باليوم ماكو فايده

عقب وديته الدكتور خالد السعيد بالجابريه بدار البراء كلينك عاد انا دايم اودي عيالي له خوش دكتور

عطاه ابرتين مدة يومين لا دوا ولا شراب ولا بطيخ طبعا اهي الابره مضاد والدوا يدش جسم الولد يستفيد

واسم الله من اول ابره تحسن

انتي روحي له هو بيشوف حالة ولدج ويشوف اللي يناسبه بس الحراره مو زينه وصج الوحده لا مرضوا عيالها مرضت وياهم كلش ولا الحراره ما كنت اقدر انام كله قاعده اقيس حرارته و خايفه


بس كل الدكاتره يقولون اذا الطفل فيه بلاعيم راح ترتفع حرارته بس انتي عطيه مخفض حراره انصحج ب شراب أدفيل احسن خافض حراره احسن من الادول والبنادول بس ترى له طريقة بالاستعمال ومادري اذا يناسب عمر ولدج بس تأكدي من استعماله

وهم في شراب بروفين وصفوه لولدي بدار الشفا بعد يخفض الحراره

 

[barbie girl]

ترى الابره مضاد مو خافض حراره

انا سمعت ان مو زين الابر اللي تنزل الحراره بسرعه ديري بالج قلت يمكن ما تنتبهين


اهو اذا اخذ المضاد بيتحسن ان شاءالله والحراره بترتفع اكيد بس ياخذ خافض الحراره

 

[بدوية بملامح كشميرية 86]

ياحياااتي.


شوفي. حطي فكس. برجوله من تحت ولبسيه دلاغ

ساعه. وقطي االدلاغ. وربي. سحرررر.

انا مجربته لولدي

 

[روحي82]

الله يشاافيه ياارب وخليه لج اخلطي مع الماي كلونياا وجمديه فيهم وحطي من وري الركب وبالااباط كمادات تسحب الحراره واذا ولدج يرجع

لازم تودينه الطبيب عشان يعطونه ابره ومغذي عشاان ماايصير فيه جفاااف

والله يشااافيه وخليه لج ياارب

 

[الأميرة جوري]

الله يشافيه شوفي المضاد اذا مانفع معاه سوي تحليل بول الله يكرمج...اخاف لاسمح الله التهاب.<<يسبب حراره

 

[mrs.perfect]

ادفيل للحراره العاليه
بس الدكتور احسن يعرف اذا فايروس ولا بكتيريا ويختلف كل واحد

 

[خوخه حبيبة مشمش]

هذي فيها استشاره وديه لدكتور ثاني وثالث

لا تسكتين حرام عليج هذا ياهل

 

[ام زهقانه]

الله يشافيه حبيبتي لاتعطيين حليب الجهال فيه حراره وبعدين كل اربع ساعات عطيه بندول ومضاد ابو 12 ساعه واقري عليه

 

[حشمه]

اول شي ترا زين ان الحراره تنزل وترتفع

يعني مو ثابته الخطير انها تكون ثابته ماتنزل كلش

وبعدين انا مانفع ولدي غير ابر مضاد صراحه

صج اخذ جم يوم لين خفت الحراره بس هذا الحال

اللي نفع معاه خاصه ان ولدج يرجع الحليب

شلون تعطينه مضاد على معده خاليه

 

[ريم لبنان]

اختي المضاد بدو 48 ساعة لحتى الحرارة تبلش تنزل عليه
جيبيلو تحاميل فيبريكتول لخفض الحرارة وعمليلو كمادات تحت باطو وبين اجريه
او خلي الدكتور يعطيه ابر مضاد حيوي مفعولا اقوى من المضاد الشرب
الله يشفيليك هو يا رب ويعافيه

 

[موجة ~ بحر]

اكيد فيه احتقان بالبلاعيم حاولي تقمزينه بقشر الرمان المطحون

انا ولدي كان حرارته 38 ماتنزل بس قمزناه صار واايد زين الحمد لله