ولدي متعبني معاه

[ام كحيلان 77]

السلام عليكم ورحمة الله وبركاته


بنات انا حيل متضايقه من طبع ولدي
الله يجزاهاا خير اللي تفيدني بهالموضوع لانه جد جد متعبني
ولدي الله يسلمكم عمره 6 سنوات ومشكلته انه عنده لا مبالاه لاغراضه و العابه وكل شي
يعني عادي يخلي الايباد ماله عند بيت جيرانا ويرد بدونه
وعادي يعطي عيال عمه اللي كبره العابه وهو يقعد بدون شي
وعادي يطلب ابوه فلوس عشان يشتري من البقاله حلاو او كاكاو وشيبس وعصاير وهالسوالف وياخذ حبه ويقط الباقي بالشارع ...... اما السالفه اللي خلتني اكتب هالموضوع انه اليوم محصل عيادي حاطتهم بالبوك
والحين مافيهم الا كم ربع والباقي حذفهم هالصوب وهالصوب.. وباقي العيال اللي كبره واللي اصغر منه مهتمين بالعيادي

عنده اهمال ولا مبالاه بشكل مو طبيعي......... مو حريص على اغراضه مع انه في اطفال اصغر منه بالعمر وحريصين على اللي عندهم.... من ضمنهم اخوه اللي اصغر منه بسنتين... لو احد اخذ لعبته يعصب ويبجي واقل شي يسويه يبلغني


شلون اخليه يهتم باغراضه وافهمه ان هالشي خاص فيك واذا عطيت احد لازم ترد وتاخذ شغلك بعد مايخلص
لاتنسون انه هالسنه بيدخل اولى ابتدائي يعني لو ظل على هالطريقه يمكن يرد لي بدون جنطه وبدون كتب واقلام
بنات عفيه عطوني طريقه بالتعامل معاه عشان يحس بالمسؤليه وبقيمة الاشياء اللي عنده​

 

[PuPa^^SWeeT]

جربي مرة خشييه ايبووده


واذا طلبه قوليله انته دوره


وخلييه يدوره ليين يتعب و خليييه يصيح يقووول ابي ايبودي



بعدها بفترة عاد طلعييه


جذي سويت ببنتي


اذا نفعت زين اذا مانفعت

لاتخلين شي بايده

ومنعييه اشكره لانه مهمل

 

[ام كحيلان 77]

مشكوره حبيبتي عالرد
بس المشكله مايهتم حتى لمن يترك اغراضه مايفقدهم
​

 

[ام كحيلان 77]

شدعوه بنات بس وحده ردت؟؟؟
الله يجزاها خير اللي بتعطيني طريقه للتعامل معاه
لانه عن جد مضايقني هالطبع​

 

[KOKO_284I]

جربتي تكلمينه وما فاد

وجربتي اتعاقبينه وما فاد ؟

شوفي نفس ما قالت الاخت حرميه من هالاشياادء مو يوم ويومين لا خلاص هالشي مو لك احنا ندفع فلوس وانت غير مبالي قوليها بويهه بصريح العباره

بقاله مافي بعد لانك مهمل وما اتعرف قيمة الفلوس

وفهميه بطريقه ادش بمخه ان تره الله بعدين يعاقبك راويه صور للاطفال محرومين جربي كل الطرق

واياج تمدحين اخوه جدامه لانج ما راح اتحصلين منه غير العناد

 

[-فلانة-]

حبيبتي جربي أسلوب الثواب و العقاب..
يعني مثلا..
اشتريله خزانة بأرفف و تكون لأغراضه المهمة مثل الآيباد وقوليله حبيبي كل ليلة قبل لا تنام بشوف أغراضك في مكانهم أو لأ في الخزانة..إذا لقيتك مرتبهم راح أحطلك نجمة و كل ما يصير عندك 7 نجوم راح أطلعك المكان اللي تحبه وتختاره..و حطي لوحة كبيرة و علقيها و كل ما نفذ طلباتج حطيله نجمة..
و حاولي تدخلين أخوه الصغير بهالنشاط..قوليله إذا حافظت على أغراضك و أغراض أخوك بعد راح أعطيك بدال النجمة نجمتين..خليه يحس بالمسؤولية و الحرص..
حاولي تخصصين يوم في الأسبوع تنظفين إنتي معاه مكانه أو غرفته أو ألعابه ..
الأغراض اللي يضيعها لا تشترينها مرة ثانية..لازم ما يحس إنه كل شي يبيه يحصله..
جربي حبيبتي مرة على مرة يتعلم إن شاء الله..و جربي تغيرين الحوافز كل مرة غير..بس لا تكون حوافز مادية..يعني لا يكون الثواب عبارة عن فلوس أو ألعاب يديدة..لأ..خليها دايما حوافز معنوية..
كان ودي أساعدج أكثر حبيبتي بس ما عندي خبرة باليهال كلش..
الله يخليلج عيالج و يبلغج فيهم إن شاء الله.
​

 

[mafio98]

ولدي صغير كان جذي بس الحمدالله تعلم اول شي سالفه الايباد خشيه واذا سال قولي له ضاع وماعندنا فلوس نشتري لك وهم اذا ماسال مسكي ايباد اخوه او ووريه ايباد يرانكم ومدحيةالالعاب اللي فيه وقولي له وناسه ومن هالحجي خلي شوي تتحرك عنده مشاعر الغيره انا هلاسلوب اتبعته مع ولدي


بالنسبه لالعابه فهميه ان اذا ضاعوا ماراح نشتري لك غيرهم وفعلا اذا ضيع شي لاتشترين له اشتري لاخووبس اهو لا وقولي له ربعك بيصير عندهم العاب اكثر منك وانت لا بيلعبون ويستانسون فيهم وانت بتقعد من غير شي وفهميه ام الناس مو قاعده تعطيك اغراضها ليش انتي تعطيهم اذا تبي تعطيهم خلهم يلعبون ورجعهم

في وايد حلول بش انا هذا اللي اذكره لان ولدي كان نفسج ولدج لامبالي بس لما نبهته على عيال يرانا وشلون يحافظون على اغراضهم شوي تادب بس هم لاتعلمينه عالنحاسه يعني اضتري اغراض وخلي يوزع عليهم بس بالتساوي وان شاء الله يفيد معاه

 

[Tom ♥ Jerry]

,


حبيبتي المفروض انتي تقعدين وياه لمآ حصل العيادي ..
و تفهمينه انه هذول فلوسه و ماراح يشوف غيرهم بالعيد و فعلا اذا ضيعهم
مآ تعطينآ و لا فلس عشان يشتري العاب ،
لآزم يتعلم عشان مره ثانيه يحافظ على الشي

و مثل الشي بالنسبه للآلعاب .. علميه اذا ضيع شي مآ تشترين له لعبه ثانيه

 

[a7la_7b]

حبيبتي جربي أسلوب الثواب و العقاب..
يعني مثلا..
اشتريله خزانة بأرفف و تكون لأغراضه المهمة مثل الآيباد وقوليله حبيبي كل ليلة قبل لا تنام بشوف أغراضك في مكانهم أو لأ في الخزانة..إذا لقيتك مرتبهم راح أحطلك نجمة و كل ما يصير عندك 7 نجوم راح أطلعك المكان اللي تحبه وتختاره..و حطي لوحة كبيرة و علقيها و كل ما نفذ طلباتج حطيله نجمة..
و حاولي تدخلين أخوه الصغير بهالنشاط..قوليله إذا حافظت على أغراضك و أغراض أخوك بعد راح أعطيك بدال النجمة نجمتين..خليه يحس بالمسؤولية و الحرص..
حاولي تخصصين يوم في الأسبوع تنظفين إنتي معاه مكانه أو غرفته أو ألعابه ..
الأغراض اللي يضيعها لا تشترينها مرة ثانية..لازم ما يحس إنه كل شي يبيه يحصله..
جربي حبيبتي مرة على مرة يتعلم إن شاء الله..و جربي تغيرين الحوافز كل مرة غير..بس لا تكون حوافز مادية..يعني لا يكون الثواب عبارة عن فلوس أو ألعاب يديدة..لأ..خليها دايما حوافز معنوية..
كان ودي أساعدج أكثر حبيبتي بس ما عندي خبرة باليهال كلش..
الله يخليلج عيالج و يبلغج فيهم إن شاء الله.
​

انا مع اختي فلانه بكل كلمه قالتها
لازم تعلمينه من الحين عشان ماتصير عاده ليمن يكبر