ولدي مبرمج يقوم 9 ونص عطوني حل

[شوكلاتة سويسرية]

السلام عليكم



ولدي عمرة سنة وثلاث شهور من جبتة الى اليوم ماشبعت نوم :eh_s(*):
يقوم كثير واعطية رضعته ويرجع ينام
يقوم ثلاث مرات احيانا
وهالاسبوع يقوم كثير وعطيتة مسكن مافية فايدة قلت يمكن من التسنين حاولت اقطع الرضعة وفشلت لانة متعود مايرجع ينام الا بحليب حتى لوجغمة.
تعبت منه مو قادرة اتحمل
مبرمج يقوم بدري مهمها حاولت اسهرة انا مو موظفة ومابي اقعد من صباح الله خير من 9 ونص
حاولت انومه 12 و 12 ونص بعد يقوم 9ونص او 10 بالكثير
حاولت اخلية ينام بالنهار مرة وحدة ساعة فقط ونفس الشي لانة اصلا ينام مرتين ساعة في كل قيلولة
ورمضان جاي انا ابيه يقوم 12 زين
شسوي والله اللي بتعطيني حل لا ادعي لها :yaaaaaarb:

 

[لذه السكر]

خليه يتعشا عشا ثقييل يمكن ينام

 

[M!SS.LOBY]

الله يحفظه لج

 

[شوكلاتة سويسرية]

خليه يتعشا عشا ثقييل يمكن ينام

حاولت والله:eh_s(16):مافاد

 

[شوكلاتة سويسرية]

الله يحفظه لج

الله يسلمك

 

[M!SS.LOBY]

بس ممكن يقوم يبي رضعه

 

[جذابه بنت ذيابه]

شوفي بتتعبين يوم واحد بس قعديه الساعه٧ الصبح بضبط واقعدي معاه

ونوميه العصر ساعتين و بعدهاربيسهر لل١٢ويقوم ١١ عالاقل

 

[شوكلاتة سويسرية]

شوفي بتتعبين يوم واحد بس قعديه الساعه7 الصبح بضبط واقعدي معاه

ونوميه العصر ساعتين و بعدهاربيسهر لل12ويقوم 11 عالاقل

بجرب ان شاء الله

 

[english muffin]

12 الى 9 كفاية
شكثر تبينه ينام

 

[مشتطـه]

عدلي نومج نامي معاه

وثاني شي امبيه ليلحين يرضع واهو نايم ؟؟؟؟؟؟؟؟


غلط


كبر ولدي بالضبط ولدج

المفروض رضعه الصبح ورضعة بليل قبل لا ينام


انا ولدي ينام 11 ويقعد 9 ونص اعطيه الخدامة وانام لما 12 حتى انا بطالية


نومه مقطع شوي من يقعد اعطيه المصاصه ومن يغفى اشيلها منه ما اخليها بحلجة كلش

 

[بحور العنا]

انا اشوف ان توقيته وبرمجته صحيحه وحلوه مافيها شي حبيبتي
اذا تبينه يطول بالنومه سهريه بالليل يعني لاتهيين له الغرفه للنوم وخليه يلعب ويشوف الي في والله يخليه لك يارب

 

[M!SS.LOBY]

الاكل الثقيل يخليه يطول بالنوم

 

[M!SS.LOBY]

خليه يسهر بالليل لا ينام مبجر

 

[cute_mama83]

لا تنومينه مبجر خليه يسهر لين الوحده

 

[@أم يوســـف@]

الله يخليه لج

 

[Emanii]

شنو اكل ثقيل ! شبيصير فيه
يوقف على جبده
اخوي عمره سنتين الف مره يقوم بالليل ماينااااااااام جنه بالاربعين اسم الله عليه
عادي كل اليهال جذي
و نومته زينه الحمدلله

 

[أإلع ـشق دلع ـهـأإ]

ولدج نومته زينه لا تخربينها

انتي بس ناقصج خداامه لا قعد تعطينه الخدامه وتنامين انتي

اما اذا بتظلين جذي ماراح تنامين وتشبعيين نوم

وعطي ولدج حليب الساعه ٢ ونامي انتي بعدها

يمكن يطول بالنومه

 

[شوكلاتة سويسرية]

ولدج نومته زينه لا تخربينها

انتي بس ناقصج خداامه لا قعد تعطينه الخدامه وتنامين انتي

اما اذا بتظلين جذي ماراح تنامين وتشبعيين نوم

وعطي ولدج حليب الساعه * ونامي انتي بعدها

يمكن يطول بالنومه

فعلا الخدامو هي الحل




ومشتطة بحال اقطع الحليب عنهمن اليوم ان شاء الله

 

[eman12]

الله يعينج في يهال يكونون متعبين بهالموضوع
بس سالفه الرضعه لو جغمه هذ اللي يخليه يقعد
قبل النوم بساعه خليه يلعب وايد علشان يدوخ وينام

 

[attoosh]

روحي المستوصف واخذي ماي غريب انوم ويهدي الياهل