ولدي ما يحبني

[ام ميميتو]

مساء / صباح الخير يا حلوين​

ادري العنوان غريب شوي انا عندي ولد عمره 9 شهور انا احبه بجنون صج مينونه فيه و اكيد كلكم نفس الشي انا ولدي وااااااااااااااااااااايد يحب ابوه يعني صج متعلق بأبوه بطريقه خياليه حتى ام زوجي تقولي اخاف هو امه مو انتي لدرجة ان لو ابوه في يوم ما لعب معاه اضل طول اليوم يبجي مادري عيالكم نفس الشي و لا عادي

 

[توتاتوتا]

اذا زوجش من النوع الي يلعب ويطيره طبيعي بيتعلق فيه بس مو معناته مايحبش يعني قارني حبه لش بباقي الناس لاتصيرين حساسه

 

[بتبوتااا]

ههههه حياتي لا تقولين جذي بس انتي عاملي الولد مثل ما الابو يعامله وبيتقرب منج اكثر ان شاء الله

 

[سوسن1980]

عادي مو معناته مايحبك يمكن عشان ابوه يحب يفرفشه ويلاعبه

 

[جلكسيه اس 3]

مافي ولد او ياهل ما يحب امه

 

[Louboutin]

فدوه الله يخليه لج ولابوه بهالعمر مايحب ويكره البيبي بس يحب الي يلعب معاه ويونسه وبالعكس شي حلو يحب ابوه ومتعلق فيه عشان لا طلعتو لا ياذيج
خلي ابوكم يركض وراه ويشيله ومايحنحن علي راسج
مادري انا ودي ولدي جذي علي فكره ماعندي حامل لي اللحين ماولدت

 

[مولاي الفرج]

لاتغارين شفيج عادي يتعلق بابوه ولا يتعلق بالخدامه او احد ثاني بالعايله وتحاتينه

الله يخليه لج يحليله

والولد لي كبر شوي بتشوفينه يتعلق فيج اكثر

 

[حياتي الكويت]

والله نفس الحاله ولدي جذيه يحب أبوه يموت عليه لدرجة اذا شاف ملابس ولا ايشي له بس يقول بابا بابا بابا ودايمن اقول حق ابوه الظاهر اذا حضر الماء بطل التيمم وبالعكس هالشي مونسني

 

[مزاااج]

مساكين حنا الحريم نربي ونشقى ونتعب
والغلا والحب يروح لهم

الله يعينج
بس طبعا خليج طبيعيه ومع الايام كل شي راح يتغير

والله يخليله البابا والماما يارب

ويتربى بعزكم أن شاءالله

​

 

[خوخه حبيبة مشمش]

شوفي شيسوي له وانتي ما تسوينه له

 

[Reham 84]

والله العظيم نفسسس الحاله
وانا ولدي لسه صغيييير توه كمل 3 شهور والله اني استهبل معاه والعب واطلع اصوات واسولف معاه واشق وجهي بالابتسامه ولااافي فايده
واوووول مايجي ابوه من الدوام انواااع الضحك وبصوت عااالي بعد والله ماتتخيلين مع انه مايلعبه ولا يكلمه اترجاااه يقعد معاه
ابوه بس يبتسم له ويقعد الولد يكعكع

واذا كنت شايلته بحضني وابوه ع الكمبيوتر بس يقعد يطالع ابوه ويخزه وماتطيح عينه من عليه واذا التفت عليه على طووول يضحك

اكيد حلو يحب ابوه بس والله انقهر غصب عني ودي كذا يضحك لي

 

[ام ميميتو]

وااااااااااي هذا الموضوع كتبته من فتره بس الحمدلله الحين ولدي مدوخني ما يخليني اتحرك من مكاني حتى لو بقوم اصلي يفضحني ما يرضى اتحرك من مكاني و اخليه مشكورين على الردود و الله يخليلكم عيالكم انشاءالله و يحميهم من كل شر

 

[*ريما*]

بالعكس احسن لك يحب ابوة علشان تفتكين شوي منة

 

[لاتكابر غلطتي]

هههههههههههههههههههههه

عادي فتره وتعتدي
ولا كبر تقريبا سنه
وربي مايفارقجججج