ولدي مايحبي للحين

[aliah]

السلام عليكم حبايبي

عندي ولدي عمره 8 شهور بس للحين مايحبي :eh_s(11): والكل قاعد يقولي شفيه ولدج مايحبي
اليهال من 6 او 7 شهور يحبون

العاده متى الياهل يبلش يحبي؟؟ الطبيعي جم عمرع لازم يكون؟

وحتى ماسنن؟؟
بس لما يقعد مرات لي ضحك ولا يبي ياخذ لعبه يمه يطيح يعني مومتوازن ومتمكن للحينه هااا

وطبعا مايمشي

ويمكن صارله شهر من قام يتقلب

متى يسنن؟؟ ويحبي؟؟ الطبيعي​

 

[دلع86]

تري عادي انا اعرف يهال سييده مشوا ماحبو ولا قلبو
وولدي صار عمره سنه للحين مايمشي ولايوقف ولا حتى مسنن لووووول
عادي لاتحاتين ياهل عن ياهل يفرق وانشاء الله ماكو الا العافيه

 

[@ام يوسف@]

طفل عن الثاني يفرق انا البنات يمشون قبل السنه والصبيان سنه و3 اشهر

 

[ملكه الحطب]

اختي انا ولدي بعد اسبوعين يدش 11 شهر ومايحبي ولا سنن للحين ههههههههههه
وهذا طبيعي لاتخافين بس حنا مستعجلين
بس تو الحين بدى يزحف شوي بس من زمان يتقلب ويقعد عدل بس ساعات يميل

 

[aliah]

وااى ريحتوني تسلمون

 

[فاقده ابوهاااا]

عادي انا ولد اخوي بيدش سنه وتوه بلش يحبي عادي مو مشكله كبيره

 

[بيتي بوب بس كويتيه]

عادي ياهل عن ياهل يفرق
انا ولدي تأخر بكل شي بس لما بدا انطلق وسمله عليه الحين نبيه يقعد مكان واحد ما يقعد

 

[AVE.NJ]

لاتحاتين

 

[ScarletteO'Hara]

مو شرط الياهل يحبي
انا بنت اختي خطت قبل ما تحبي

 

[aliah]

مشكورين

 

[أميرة طفولتي]

لا تحاتين حبيبتي

طبيعي

 

[الذوق]

عادي انا ولدي ما قلب الا على سبع شهور وتسع شهور قعد وحبى وبنت اختي عمرها ٨ شهور بس تقعد ولا حبت ولا سننت عادي لا تحاتين ..؟

 

[ملكه الحطب]

انا توه الحين هاليومين بدى يحبي هههههههههه

باركوووووولييييييييي

 

[غنوة ستايل]

انا ولدي للتاسع ما حبى
يحبي لورا
وفجأه قام وصار يمشي بس يمسك
والحين سنه وشهر توه تثبت ريله بس يحبي وما يحب الوقفه عااادي

هذا يتدخل فيه وزن البيبي . انا ولدي متبتب اسم الله عليه عشان جذي تأخر
وابشرج تو يصير عنده سنين , الثالث توه بدايته

 

[om MaRyooM]

لاتحاتين

طبيعة ياهل عن الثاني تفرق

اتوقع انشالله لي الشهر الياي او اللي عقبه يحبي

اما المشي تو الناس عليه لاتحاتين
انا بنتي مشت يوم كملت السنة و3اشهر