ولدي قام من النوم مغشى عليه

[مطرها يسبق رعدها]

السلام عليكم

ولدي دايم يقوم من النوم متروع << مخترع

يعني يبكي بصياح فجاه

بس قبل شوي قام يبكي بصراخ حاااد عقب اغشى عليه وشفايفه صارت بنفسجيه وانقطع النفس عليه حتا عيونه صار لونها ابيض

ومافيه حيل حتا يرفع راسه او يتحرك قعد تقريبا خمس دقايق علا هالحال

وعقب رقد مره ثانيه

حد صارله مثل هالشي ووش تتوقعون يعني متحلم بكابوس مثلا او شي يوجعه

ولدي بسم الله عليه دبدوب اخاف تكون فيه عين ولا شي

وتصيرله هالحاله دايم اذا طلعته من البيت

طمنوني قاعده ابكي منهاره ماتخيلون الشي اللي شفته

ولدي بغا يموت بين يدي

وادعولي تكفون انا ماحب اسمع البكا العادي يضيق خلقي عليه فما بالكم بهالحاله تعبببببت نفسيتي

 

[احلى ديما]

والله حبيبتي مادري يمكن حلمان مسكين انتي دايم حطي مصحف صغير تحت مخدته او شغلي قران يم راسه واهوا نايم وان شاءالله ماكو الا العافيه

 

[اغانيج]

جوفي حبيبتي انا ولدي عمرررة سنه احيان تييه حاله وهو نايم يشاااهق ويرد راااسه على وراى ومغمض عيوووونه وفاتح فمه يخخخخخخرررررع شكله انا لاشفته جذي اجلس ابجي واطق اي شي حولي ليين يصحى وريجه ناشف اخترع لاشفته جذي وخايفه اوديه مستشفى ..ولدج جذي بس انا مايزرقن شفيايفه ...واالله خايفه عليييه احد ينصحنا ...الله يخليهم لنا يارب ويرزقنا برهم

 

[S & H]

آرقيه دايما بالرقيه الشرعيه وآقري عليه آيات السكينه اذا نام ** سوي بحث بقوقل وتطلعلك كامله ايات السكينه
وروشيه كل يوم بسدر مخلوط بماء اي كميه مافي مقدار معين بس لمدة سبع آيام اذا فيه عين ان شاء الله تطفي
واذا بتطلعينه من البيت حطي ايدك على راسه وقولي ثلاث مرات
( آعيذك بكلمات الله التامه من كل شيطان وهامه ومن كل عين لامه)
حديث صحيح عن الرسول اللهم صلي وسلم عليه

طبقي اللي قلتلك عنه ورديلي خبر على الخاص اذا حسيتي بفرق او لا بحالته

سبحان الله وبحمده سبحان الله العظيم

 

[fofo90]

اسما الله عليه
سوي نفس ماقالوا البنات
وانشاءالله مافيه الا العافية

 

[شيخة الحلوة]

اسم الله عليه انا بنتي ساعات تبجي وتصرخ واهيا نايمة احيانايكون صوتها حااد
وترفس وجنها تتهاوش واشيلها من فراشها واقرا المعوذات والمها وانومها عندي

بس لاحظت انهااذا كانت باااجيه واايد طول اليوم يصير فيها جذي


اسم الله عليه ولدج اذا لاحظتي عقب الطلعه جذي لا تطلعينه وايد واقري عليه قبل لاتطلعون واقولج ع شي جربته وشفت نتيجته

وراح تدعيلي


نصيييحه اخت


لااا تطوووف ٣ ايام الا انتي قاريه البقرة كااامله واذا عليج الدورة شغليها بالايفون او اي جهاز عندج



واذا ع سالفه ان صار ازرق ع بنفسجي يمكن يكووون فاااحط الولد يعني بجاا وايد ليمن راح النفس

بس اذا تكرر وايد روحي فحصيه احسن

والله يحفظه لج من كل شر حياتي

 

[@ام يوسف@]

اسم الله عليه والله يحفظه واقري عليه الرقيه

 

[عنووشه]

انا بنتي تبجي حيييل وقت النوم

وكله متقطع نومها. والسبب غير معروف


احاول اقرا عليها اول سورة البقرة واخرها بعد


والمعوذات وسورة الكرسي

 

[ام علي الصراف]

السلام عليكم
اختي الاحسن تعرضينه على دكتور مخ واعصاب بس علشان تتطمنين عليه واشرحي له الحاله واهو يقول لج اذا محتاجه تسوين له تخطيط مخ او لا لان ساعات اطفال يعانون من شحنات كهربا ويحتاجون علاج واحنا ماندري عنهم بس انا قريت وايد عن حالات فقدان الوعي او عن حالات الرعشة او ساعات العين تقلب وكل حاله من هل الحالات ممكن تشير لشي اذا تقدرين الاحسن اعرضيه وتأكدي وان شاء الله ما فيه الا العافية. ترى بالمنتدى كاتبين عن دكتور هشام الخياط بدار الشفا يمدحونه انا ما رحت له ولا اعرفه بس مستشفى ابن سينا بعد عندهم وايد اطباء ممتازين متخصصين لمخ واعصاب الاطفال. والحين ياي لهم بروفسور مادري شوفي موقعهم بالنت يمكن من 17 لغاية 22 بس قبلها اخذو موعد.
وربي يطرح فيهم العافية والبركة يارب.

 

[ملاك ^ الحب]

لا تستكتين خصوصا ان الشفايف تصير بنفسجيه يعني الاوكسجين مايوصل له لاتسكتين حبيبتي

وديه الطبيب وقولي حالته بالضبط وانشالله ماعليه الا العافيه

لاتنسين اقري عليه على طول المعوذات وايه الكرسي

 

[مطرها يسبق رعدها]

مشكوريييييييييييييين بنااات ماقصرتو فديتكم والله يوفق كل وحده ردت علي

ام علي الصراف مشكوووره نبهتيني بس انا من قطر وبدور دكتور شاطر وجزاش الله اللف خير

ودي ارد عليكم وحده وحده بس انا داخله من الايفون اسمحولي

ويعطيكم العافيه

 

[أم عمر]

اسم الله على قلبه

الله يحفظه من كل شـر

وخطاه السوو ان شاء الله

حبيبتي لااااااااااااازم تودينه الطبييب اذا الولد اغمى عليه وقلب لونه شلون ماوديتيه طبيب لازم يسوي فحص وتطمنين عليه

بعدين لاتنسيــن تشغلين سورة البقره كل ثلاث ايام او انتي اقريهـآ في البيت ووولدج اقري عليه المعوذات اذا بتطلعون بــرى

وألف ســـــــــلامه عليـــــــــه

 

[بيادر أمل]

.
.
حيااتي ما تشوفون شر
انا بنتي مراات اذا طلعتها البيت ونسيت ما ارقيتها تفز علي بالليل وتجي بجي يخرع كانها شاايفة شي او انها مخترعة سبحاان الله تطلع نفس فاازة فيها وما اذكرت الله ..
بس ولدج يغشى عليه وشفايفها ينقلب لونهم يمكن فيه شي روحي لدكتور وخل يفحصونه وما تشوفون شر ^^
.
.

 

[مطرها يسبق رعدها]

تسلموووووون فديتكم

والحين اقرا عليه وبستمر

مشكورين

 

[نسيانك صعب]

الله يشفيه ويحفظه لج يارب
اهم شي اعرضي حالته للدكتور
انا ولدي كان كلا يبجي ويحن ونومه مقطع ماينام متواصل مسكين
اخر شي طلع البلاء من اذنه ملتهبه التهاب قووووي يحتاج عمليه
لان كانت الاذن تسبب له ضغط علي راسه والحمدلله سويت العمليه وارتاح
واهم شي لاتنسين الرقيه الشرعيه لازم تحافظين عليها
في رقيه مطوله وفي قصيره اقري القصيره
واقري عليه البقره وشغلي قرآن في بيتج


والله يشفيه يارب ويخليه لج

 

[om MaRyooM]

انتي من صجج يصير كل هذا ولا وديتيه الطبيب ؟؟؟؟؟؟؟؟؟ظ


سويله تحاليل دم شامله ووديه دكتور شاطر
مو كل شي بالعين والحسد
صح ان العين حق .. وظروري الرقية كل يوم

بس لازم لكل شي تفسير طبي بعد

 

[مطرها يسبق رعدها]

حبيبتي وديته من اول يوم مافيه شي الحمدلله

مشكوره