ولدي قاعد يسوي حركه غريبه بليز فيدوني

[زهور المحبة]

السلام عليكم


بنات انا تعبانه من ولدي

ولدي عمره 3 سنين حنااان وبجاااااي

24 ساعه يبجي عاللي يسوى واللي مايسوى

يخليني غصب اطقه من هالتصرفات

الحين املاحظه عليه يرمش بعيونه بشكل غريب

و متكرر يسكر عيونه بقوه ويرمش

هل هذا دليل على ان في خلل بنفسيته

وتكفون إذا في دكتور اطفال نفساني للسلوك بليز فيدوني

 

[ريتاج_90]

مااادري ..!!

بِــ̯͡سّ ان ششششاااءالله مافيه شي
يمكن عباله شي

والله يخليه ڵــچ ويحفظه

 

[Aloe Vera]

وزيه دكتور اطفال اول و خليه يقترح عليج طريقة العلاج او طبيب نفسي

 

[زهور المحبة]

مثل منو

 

[منار123]

اختي ابحثي في النت عن ) متلازمة التوريت سايندروم
واسأل الله مايكون فيه الا العافية

دربالج لا تعاقبينه ممكن تكون الحركات لا ارادية
ولابد من متابعة طبيب
الافضل طبيب أعصاب

وبالتوفيق يارب

 

[لوولوو_88]

يمكن جفاف .. ولد بنت خالتي جذي .. ما يشوف شر و انشالله شي بسيط

ودي دكتور عيون

 

[طيبة83]

وديه دكتور عيون

 

[M!SS.LOBY]

الله يحفظه لج ولا تشوفين فيه مكروه

 

[M!SS.LOBY]

ههههههههه رمشة العيون لها مغزه ومقصد
ممكن يبي يخوفج يعطيج هالنظرات الصعبة عشان تبتعدين عنه يعني دربالج لاتطقين تحذير لج مثل ولدي فهمت عليه عالطول

بس في طريقة قولي اذا قعدت ساكت اعطيك كاكاو او لعبة او مكافأة ولا تعاندينه طقيه خفيف على ايده عشان يحس انه اللي يسويه غلط
توه صغير طولي بالج عليه

 

[زهور المحبة]

جزاكم الله خير
اثلجتوا قلبي بدعاويكم الحلوة
بس ياليت تعطوني دكاتره لتعديل السلوك للأطفال شطار

رحت بجم مركز استشارات ودخلت دوره بس مامنهم فود كلوا فلوسي وبس

 

[زهور المحبة]

لا أختي الحمدلله ان شاء الله مو أهي

هالشي يكون بحركه مستمره متلازمه

بس اللي بولدي توه طلع

وانا احس أني السبب فيه لاني تعاملي معاه

قمة الغلط بس مو بكيفي

الله يهديهم ويحفظهم

 

[# غنوجة بيبي #]

هذا بسبة الخوف يمكن

حاشت اخوي لما كان صغير بالمدرسه

كانت امي تخوفه يسقط

من نجح رد طبيعي