ولدي عور قلبي وانا السبب الحقوني ياخبيرات

[فتون777]

بنات ساعدوني انا مره خايفه على ولدي
اخاف يروح مني بسبت غبائي
ولي عمره عشر شهور
ومن صار عمره ست شهور وانا اوكله خضاو وفواكه مهروسه
وصارت صحته شحلاتها
ولمن صار عمره سبع شهور عطيته كليوم لحمه ع قد قيضه ايده
اسويها له مع شوربه جزر او سبانخ
او قرع
كنت اعطيه وجبه لحوم وخظار
ووجبه فواكه
ووجبه حبوب سيريلاك
وبين كل وجبه ووجبه حليب او عصير
المهم ولدي فجأه من خلص الثمانيه شهور نحف
وصا عنده اسهال ريحته خميره
انا قلت بس الولد مو قادر يهضم هالاكل
وقفت كل الوجبات مده اسبوعين
وبعدها رجعت عطيته عصير تفاح وحليب بس
مده اسبوعين
والحمدلله خف الاسهال بالتدريج
والحين توبه اعطيه لحم بس اعطيه مره وحده في اليوم سيريلاك
ومره موزه اوتفاحه اوبطاطا مسلوقه
يعني وجبتين في اليوم بس
والحمدلله حسيته صار احسن
بس الحين جيت بغيرله البامبرز
مره انصدمت
شفت الله يعزكم
برازه لونه اسود اسود
ومعاه شوي اصفر واخضر
والله صكت فيني الدنيا انا وين اروح وش اسويله حرام انا قاعده العب فيه
والدكاتره ححسبي الله عليهم
واحد يقولي مسنن
وواحد يقول فايروس
وانا تعبت
والله من التفكير ماقمت انام باليوم غير اربع ساعات
حتى لوكنت نايمه وصحيت اتقلب
افكرفيه ويطير النوم
بليز قولولي ولدي شفيه
الي تعرف حالته او سمعت او شافت حالته ترد
والي ماتعرف تكفيييييين ارفعي الموضوع

 

[jawaa]

هذا عيب الحريم اللي بيوكلون عيالهم كل شي على بيتفخونهم ويعودونهم عالاكل حياتي اول شي مايشوف شر انشالله ماعليه الا العافيه والله يشافي لج ثاني شي ودي دكتور سنع بديرتج يفحص حالته وخففي الاكل مادري شفي بس يمكن هذا الوصخ او الشغلات اللي كانت ثقيله عليه قاعده تطلع من بطنه لاتلعبين في دكتور

 

[فتون777]

انا عمري مافكرت اني ابيه يمتن انا بس كنت مهتمه زياده عن اللزوم
ولو اني ابيه يمتن كان عطيته ڤيتامينات وخرابيط كثيره
بس انا كنت اقرا واطبق
لاني ماعرف شي
ومشكوره اختي

 

[حظ من عنده انا]

الله يشفيه

روحي للدكتور ششوفي شنو فيه


وعطيه اكل صحي مخصص لعمره عشان صحته وعظامه تصير اوكي

مو مهم يكون متين ومتبتب اهم شي الصحه


السسمنه عمرها ماكانت شي حلو

 

[رشيدية وافتخر]

لاتخافين عليه ان شاءالله ماعليه الاالعافية والله يخليه لك ومايشوف شر

 

[فتون777]

مشكورين الله يعطيكم العافيه

 

[غاليه 2000]

لاتاخافين ان شاء الله مافي شي بس الطفل بلشهور الاولى يحتاج الحليب خففي الاكل ومافي الا العافيه ان شاء الله

 

[فتون777]

الله يعفيك اختي

 

[ضي الغلا]

اب اب لعيونج

 

[*ريما*]

مايشوف شر

 

[الحــــــلا كله]

اللحوم تو الناس عليها
احتمال يكون هذا الي ماتهضم ينزل على دفعات

 

[ms.mercedes]

حياتي ما يشوف شر وديه حق دكتور محمد سعيد وايد يمدحونه وقولون شاطر بالاطفال وانشالله يطمنج وما عليه ال العافيه

 

[مطلقه وأفتخر]

الله يشافيه لج يارب

وقفي الأكل عنه واكتفي بالحليب وأي شغله خفيفه وتكون صحيه وبإذن الله بيكون بخير

 

[أم بتول*]

الله يشفيه ويعافيه وديه الدكتور وإن شاء الله عليه العافية أنا سمعت لما يكون براز الطفل أخضر يعني أخد برد وشوفي إنتي حبيبتي شو الأكل اللي طعميتيه ياه بذاك اليوم لانو مرة طعميت بنتي ملوخية وكان برازها غامق كتير لدرجة رح يصير أسود ممكن من الاكل

 

[ملاك ^ الحب]

اللحوم تو الناس عليه

من يصير عمره سنه وفوق ابدي عطيه لحم بس شوي

وانشالله ماعليه الا العافيه

ويمكن يكون فايروس الحين منتشر الفايروس

 

[!الجادل الصعب!]

فعلا ممكن يكون فايروس اذا معاه حراره وصخونه

جربتي تعطينه ١ ملم خروع عشان ينطف بطنه ؟!
يمكن هالشغلات هي الي غاثته بالبطن
بي طبعا استشيري الدكتور يكتب لج الخروع ومايشوف شر ان شاءلله

 

[قموشه21]

دام انه طلع هالاشياء لاتخافين عليه

بس بهالعمر تو الناس وخلي هذا درس لي ولج ولنا.. انا اللي اعرفه الي بهالعمر جزر مسلوقة بطاطا مهروسة عيش بحليب مطبوخ وعقب تضربينهم بالخلاط وبالعافيه.. لحم ما انصحج فيه يبي له معده كاملة وتهضم عدل ولدج بيبي للحين معدته ماتتحمل ..

 

[asoula al-3soul]

الله يشفيه ​

 

[MOOON&M]

الله يشفيه ان شالله

ويطمن قلبج عليه

 

[منيرة خالد]

الله يشفيه وان شاء الله ما فيه الا العافيه


الاطفال بهالسن دايم الاكل اللي ياكلونه يتلون منه برازهم >>> يعني لو تعطينه جزر بتشوفينه لونه فاتح ومايل للبرتقالي


على العموم اهو بعمر تسنين ركزي اكثر شي على الحليب واكتفي بوجبه وحده باليوم وتكون بطاط وخضره وعصير تفاح


لا تعطينه برتقال يجيب الغازات



الله يخليه لج