ولدي عمره 10 شهور بسافر فيه اشرايكم أمهات

[Om 3zo0oz_2011]

السلام عليكم


بدش الموضوع علي طول


بسافر ان شالله دوله غير عربيه بالعيد الاضحي ان شالله

بشهر 11 بأذن الله يعني يكون ولدي داش الشهر العاشر




وبالطياره ساعتين



لمده اسبوع راح تكون بارده بس مو ذاك البرووده جوها حلو وبارد شووي


وبسافر من امي وأختي وام ريلي وبنات خالاتي ومتردده حيل امي قالت لي بساعدج
خليه معاي بالشقه وانتي طلعي

الي سافر مع ياهل بعمره شلون الوضع ؟؟؟





اشرايكم بنات


انا سويتله جواز بس متردد:eh_s(4):
خصوصا ابوه مو معاي :eh_s(2):

وما أقدر اهده أسبووع اموووت بدووووووووووونه

وما اقدر اكنسل السفره ضروررريه وايد

 

[استكانة ام نقطة]

لالالا صدقيني راح تتاذين انا بنت خالة امي ولده عمرة تقريبا 18 يوم تعبت لما كانو مسافرين والياهل يبيله رعايه شويه وانتي عارفه اماكن الكويت يبي صيدلية حفاضات وبعدين ماتدرين عن الجو هناك ترا يمكن يمرض وماراح تتهنين بالسفرة خلي يصير عمره فوق السنه وبعدين تحددين والطيارة عذاب الكبير مايتحمل عيل الي عمره 10 شهور شلون او اذا هناك بساعدونج ويكون تحت رعاية تمام

 

[بقلبي انت]

يعني عند منو بتحطينه اذا انتي مسافره مع اهلج كلهم وماتقدرين تخلينه؟؟؟
انا اقول اخذيه ودام امج قالتلج اساعدج عليه خلاص توكلي علي الله واخذيه معاااج
وبعدين ساعتين بالطياره مو وايد قبل الرحله خليه يقعد لاتنومينه لين يتعب وبس تصعدون الطياره نوميه
وانا سافرت مع بنتي بالعطله للطايف وكان عمرها 10 شهور وبالسياره وصج تعبتني بالروحه بس بالرده لا كل
شوي نايمه

ورحلة موفقه وتوصلون بالسلامه

 

[كتكوته22]

والله عادي توكلي علي الله وخذيه أنا سافرت مع بنتي كان عمرها ١٠ شهور واول سفره لها بس بالطياره عشان اذونها تعسرت بس هناك عادي والله معن اسم الله عليها تينيي بالطلعات هني بس بالسفره قاعده بالعربانه وتطالع توكلي علي الله واخذيه وقبل لا تسافرين بيوم روحي المستوصف دخليه علي الطبيب يفحصه ويعطيج احتياط أدول وماي غريب وفي دوه تكرمين حق الاسهال شراب حتي لو ما صار فيه عطيه احسن كحتياط بس وروحي واستانسي ولدج تحت عينج ورحله سعيده*

 

[كتكوته22]

لا ولمن رحت هناك والله بدون مبالغه كل عايله كويتيه معاهم ياهل لا واصغر من بنتي بعد حتي يهال بالاربعين جفت والامور طبيعيه توكلي علي الله

 

[om MaRyooM]

على حسب الياهل اذا متعسر او لا


انا بنتي عرها 3 الا شوي ومحتارة بسفرتها الحين لأن احسها صغيرة لوول ولأن يوم كان عمرها سنة سفرتها معاي دبي
طلعتلي قروووووووون وكنت بس ابجي وبس اعصب عالاكو والمااكو




بس اذا تقولين ماكو احد بعد شتسوين لازم تاخذينه

واخذيله دوا fludrex حق الطيارة عشان يدوخ ولا يأذيج
والدوا ماياذي الياهل انا خذيته من الصيدلية اهو للنشلة اصلا .. بس يدوخ الياهل شوي

 

[<<لمار>>]

اخذية ام عزوز دام اهلج معاج بعاونونج لاتخافين وعلي الطيارة عطية شي نومة وودية الطبيب قبل السفرةودفية عدل لي طلعتي مولازم تطلعون كلكم مع بعض تناوبوا وخلي بالفندق قاعد

 

[in style]

بدووون تفكير اخذيييه و استانسي و اذا عسرج الوالده ماتقصر قالتلج اجابله شنو احسن من جذي كافي راحه نفسيه ولدج معاج

 

[Om 3zo0oz_2011]

مشكورين بنات طمنتووني

هو حبيبي بالطلعه يستاانس مايحب قعده البيت ويحب اليهال خصوصا سفرتنا ماشالله اهل وجماعه وفيه يهال وولد اختي بعد معانا عمره سنه ونص


انا اختي الكبيره بتقعد بالكويت قالتلي خليه عندي ماقصرت قالت بحطه بعيووني بس والله والله ما أقدر اهده اسبووع


انا احاتي بس الطياره لان هو يتملل ما أكو الا اشتري دوا الي قالت عنه ام مريوم وان شالله مايضره



ومشكورين نبهتووني علي الادويه اخذها معاي

عفيه بنات شنو اخذ بعد غير ماي غريب

 

[nadoo]

خذيه واهلك يساعدوكي احسن من القلق اذا سافرتي وتركتيه

 

[wa7a90]

اخذي ماي غريب ..ادول .. قطرة النشله..كريم للجفاف لان اذا برد عليه بيجف جلده بعض اليهال يصير فيهم جذي
دوا للسهال تكرمين يمكن يصير فيه اسم الله عليه

واخذي معاج جهاز الي يقايس الحراره

ترى الطبيعي للبيبي حرارته 36

اذا شفتيها 37عطيه نص قطرة ادول باليوم

واخذي من الصيدليه دوا اعشاب بالبابونج اسمه سوني ماركة بمبي وواااايد روعه يدوخه وينام انشالله

عطيه 7ملل بالحليبه او بالماي او عصير وينام بعد ساعه

اشتري له سداده مالت الاذن دوري للبيبي انا بروح بوتس بدورها لبنوتي

واعواد اذاني للبيبي حطي بجنطتج يمكن تصكر شي من الضغط

اذا مالقيتي سداده مالت الاذن

حطي له سماعه فروو توني فكرت فيها لوول

وخذيله صدريات البلاستك ماركة ليبرو او من مذركير عشان لاتغسلينهم اتخذي كرتونين بيكفيج لاسبوع

مناديل اخذي الصغار عشان حجمهم


اممم

اذا طري ببالي شي كتبته لج

لاني بسافر مع بنتي بعد

 

[wa7a90]

اي صح

اهم شي العربااانه

في بمذركير عربانات صغاار تصفط اخذيها رووعه

انا خذيت وحده للجمعيه

وباخذها بالسفر

 

[Om 3zo0oz_2011]

وحه

مشكووره حبيبتي كفيتي ووفيتي بعد قلبي والله

سجلت كل شي وان شالله قبل السفره بأسبوع بزهبهم وان شالله ما أنسي شي

والي تقصدينها شريتها صاجه تينن وصغيره وخفيفه وصكتها سهله تصلح للطياره تصدقين شريتها من الافنيوز ب 19 دينار كان فيه علي جيشيه وبرتقاليه انا خذيت له برتقاليه
ومن يومين بنت خالتي ولدت رحت بشتري مثلها وشفتها ب 22 لا بعد تنزيلات ما ادري ليش

 

[wa7a90]

اي صح سعرها متفاوت

انا كنت فجاه رايحه الي الافنيوز بسيارة حماتي ومايبت ولا عربانه لها مع ان عندها ثنتين

رحت وقلت للريال افتحها ابيها وحطيت بنتي وحاسبتهم كانت اب 21


ومره خذيتها هديه بتنزيلات ب21

ومره شفتها ب19

وتنزيلات موقعهم بالنت ب4دينانير؟

 

[@الياسمين@]

انشالله ما تتأذين لان انتوا رايحين يمعه .. بس اهم شي مثل ماقالوا البنات تاخذين الادويه ، والعربانه
وحاولي تنومينه بالطياره الياهل عادة ينام بالسياره او الطياره
انا سافرت مع بنتي صراحه وتأذيت , واخرشي حاشها اسهال وتسلخت
بس بالطياره بالروحه والرده نايمه
انشالله سهالات توكلي على الله
ورحله سعيده
:bye22:

 

[ام الحلوااات]

انـــا بـــنــــتـــــي لــمـــا كـــانــــت بـــعـــمــــره حــطـــيـــتــــهـــا عــــنــــد اخــتــــي وســــافـــرت للــــعـــمـــرة يــــومــــيـــــن بــــس
انــــا الــــوضــــــع كـــان عــــنــــدي عـــــــااااااادي
بــــس الــبــنــــوتـــــه لالالالالالا كـــلــــه بـــجــــي وتـــنـــام شــــويـــات وتـــقــــوم مـــفــــزوووعـــــه وتــــرد تـــبـــجــــي وتــقــــول اخــتــــي ان عـــيـــنـــهــــا عـــلـــــى الــبـــاب اللـــــي طــلــعــــت مــنــه تـــروووح تــحــبـــي وتــبــجـــــي يــعــنــــي نــفـــســيــتــهـــا xxx
انــتـــي اخـــــذيــــه واذا طــلــعــتـــي مــن الــشــقــه خـــليــه مـــع امــــــج واذا كــلـــش كــلــش ومـــضــطـــره تــطــلــعــيــن بــــه اخـــــذي الـــعـــربـــااانــــه مــــالـــتـــه وحـــطـــيه اغــلـــب وقــتــه بيــكـــون نـــااايــــم​

 

[طيبة83]

ام عزوز دولة غير عربية وتبعد ساعتين عن الكويت وجووها بارد؟

وين بتسافرين؟

 

[موجة ~ بحر]

عادي اخذيه معاج وكل شوي احد يشيله

انا سافرت مع ولدي عمره 8 اشهر
حطيناه بالعربانة ونفرفر فيه عادي يسكت يطخ يشوف الناس والالعاب وبس

 

[Queen Diva]

نفس الحاله انا وريلي محتارين ناخذها او لا لأني قاريه انه اليهال بهل عمر يتعسرون اذا تغير عليهم المكان والناس
بس اريح حق القلب ولا المحاتات

 

[Om 3zo0oz_2011]

مشكورين بنات

انا قررت اخذه معاي خلاص وان شالله ما يأذيني لان طبعه ملوووول حدا