ولدي عمره سنه ونص ومامشى للحين

[مارشميلو..]

مرحبا
مثل ماتشوفون بالعنوان
ولدي عمره سنه ونص تقريبا وللحين مامشى
يحبي من عمره 8 شهور
يوقف على الكنبات يمشي وهو متمسك فيها اذا مسكت يدينه يمشي بس لحاله لا يطيح اول ماهد يده
سوى له الدكتور تحليل دم عشان يشوف اذا عنده نقص كالسيوم او فيتامين دال بس طلع ماعنده نقص
مادري ليش تاخر بالمشي وحتى الاسنان توه طلع له 2 بس ومو كاملين للحين
هذا طبيعي بنات ولا في شي
قد مر عليكم احد مثله
مع العلم انه ذكي اسم الله عليه واي حركه اسويها يقلدني اقوله صفق يصفق قول باي ويرقص بعد ههههه
بس احاتيه حيل انه مامشي في اطفال اصغر منه ومشو قبله

 

[ام اغلى الناس]

سويتي له اشعه على حوضه ورجوله؟
سويها وراجعي دكاتره زينين
مابي اخرعج بس اساليهم طبيعي ولا لا

 

[زين ودلال]

اي حبيبتي سويله اشعه حق الحوووض

ويمكن مايكون فيه شي اسم الله عليه ممكن يكون خوووف

انتي على طوووول حاولي تمشينه جرأيه

 

[@ام يوسف@]

عادي انا الصبيان عندي يمشون سنه و3شهور وبنت اختي مشت سنه ونص

 

[دلع86]

سونار الحووض مهم وايد امهات مايسووونه ومايلتزموون بالموعد الي يعطيهم اياه الدكتور ويكوون بعد شهر من الولاده
سويييله وانشاء الله ماعليه الا العافيه
في يهال يتاخرووون بالمشي

 

[متوترة]

تطلعينه في الشمس وقت الضحى ؟؟؟ ترا في الشمس فيتنامين ماتلقينه بأي مكان
تفيد وتقوي العظام طلعي ولدج يجلس بالشمس الضحى على الاقل ربع ساعه او عشر دقايق
والله يطمن قلبج

 

[مارشميلو..]

مشكوورين بنات الله يجزاكم خير

 

[*ماي الورد*]

طلعيه بالشمس كل يوم وان شالله بيمشي

 

[الأميرة جوري]

انا بنتى نفس ولدج بس بطه وتاخرت بالمشي...وصانى الدكتور اعرضها لشمس الصبح الي قبل الساعه 10 بس خلي ريوله طالعه

 

[بحرينيه حره]

حبيبتي ولدج ان شاء الله ما عليه شر
انا بنتي مشت في الاسبوع اللي بتكمل فيه سنتين
بس لانه هي كانت تعاني من لين عظام وتقوس كان وزنها 6 كيلوها وعمرها سنه و8 أشهر والدكتوره كانت تنصحني اعرضها للشمس بدون ثياب بس بالحفاظه خصوصا أول ما تطلع الشمس وعطتها ابره كالسيوم لان بنتي كانت ما تشرب ولا تأكل جميع الغذاء اللي يحتوي على الكالسيوم ومن أول ابره مشت والحمد الله واحتاجت 3 جرعات من الابر والحمد الله الحين كل شيء تمام حتى اخر مره الدكتوره استغربت ان راح عنها هشاشه العظام خلاص لان نسبه الهشاشه عندها 8 أضعاف الانسان الطبيعي

 

[Twinke]

لا تحاتين انا بنتي جذيه تاخرت في المشي .. و كنت خايفه مثلج شوي و تلاقينه يركض و انتي تراكضين وراه ههههههه

 

[om-3abodey]

انا بنتي كملت سنتين ومشت اول مادخلت بالسنه الثانية مشت حتى وديتها المستشفى وقالوا مافيها شي ريولها

 

[DeSeRt RoZe]

ولدي نفس الشي للحين ما مشا وعمره سنة و3 اشهر
وكلهم يقولون عادي
يمكن يبيله فيتامين دال يعني لازم احطه بالشمس شوية
واهو دام يوقف على القنفات الحمدلله مافيها ريوله شي
لو تلاحظين ترا يوقف ثواني ويطيح معناتها قولت امي ان ما تجرأ للحين خواف نفس ولدي
ولدي مرة وقف وطاح على خشمه ومن بعدها خلااااص صار يخاف واحاول اعوده شوية شوية
ما عليه شر ان شاء الله نطري عليه شهر شهرين بيمشي بأذن الله

 

[nazek_q8]

لا تحتتيين الصبيان يتأخرون بالمشي خاصة اذا بجر

بقولج شغله ودي البحر وغطسي ريوله وراح يروح النفس والخوف عنه

امي قالتلي وسويتها بولدي والله اسبوع اللي ورا مشى والحمدالله

كرريها جم مره

 

[كوكتيل عسل]

عادي فديتج
انا ولدي جذيه الحمدلله تحاليله تمام وتغذيته ممتازة لكنه خواااف
يا دوب يمسك القنفات ويمشي وساعات يوقف بروحه ويرد يقعد




طالع على ابوه مشاوعمره سنة وثمان شهور

 

[ريح قهوه]

انا ولدي سنه ونص وتوه بدا يخطي خواف بشكل مو طبيعي بس ولدي يوم كان صغير وديته لشرقاوي وقال معاه نقص كالسيوم وفيتامين د واللحين امسكه واهده يروح يمشي عشر خطوات ويطيح وبعدين يكملها حبي بس انا عودته على اني ما اشيله ووصيت خدامتي تمسكه من ايده وتمشيه عشان ينسى الحبي واللحين يالله لك الحمد احسن من قبل بس يبي له وبوديه للبحر يقولون يوخر الخوف وعسى الله يمشيهم بسلامه