ولدي عمره سنه فيه شيب !!!!

[Behtar]

سلام عليكم
بنات ولدي عمره سنه ونص
وصدت شيب براسه اليوم وانا العب بشعره
والله صكت فيني الدنيا اخاف فيه مرض لاسمح الله
لان من اهل ابوه واهلي مافينا شيب الا الي يصك نص الثلاثين مشالله
وولدي يشرب الحليب للحين وياكل بس مو داك الزود اذا ماشرب حليب ياكل والعكس
والعصبيه كل هاليهال اسم الله عليهم شياطين بس ولدي حيل مدلعته فكله يصرخ علي مادري اهي عصبيه
ولا مرض اسم الله عليه حبيبي
منو جذي عندها حاله نفس ولدي والشيبه اختفت او ماكثرت
خوفي يزيد لاسمح الله

 

[q8_goga]

حبيبتي والله ماعندي علم شنو سببها بس ممكن تكون مو شيبة تكون شعرة شقرة..انا تطلعلي ساعات باماكن غريبة مثلا فوق حاجبي على بطني شعرة شقرة او شفافة وطويلة بروحها وبسرعة تنقطع عادي مو ماثرة علي بشي تكون طفرة...وربي يحفظلج ولدج ويعافيه من كل شر

 

[نــوره]

بنت اختي عمرها اربع سنين

وأمها لقت فيها شعره بيضا شيب

ونفس حالتج صكت فيها الدنيا ماتدري من شنو طلعت هالشيبه



 

[om 7sony]

وي بعد عمري والله

دام لا اهلج ولا اهل الابو فيهم
يعني احتمال كبير انه مو وراثه

اممم
يمكن يكون بس جذي شعره وحده ،،،،،
اذا بتتاكدين روحي الطبيب
عموما المرض اللي اعرفه انا
ان كل شعر الياهل حتى حواجبه تكون بيضه ما فيها لون

يمكن هالشعره بس جدي بروحها ،،،

ونصيحة لا تدلعين ولدج وايد وتخلينه يصرخ عليج
باجر لي كبر ما راح تقدرين عليه
والله يحفظه ويخليه لج

 

[manoooram]

حبيبتي لا تحاتين ولا شي
توكلي على الله ووديه لدكتور أطفال وتالي هو يحدد لج وين تراجعين فيه على شان قصة الشيب
واسم الله عليه مافيه الا العافيه بس أحيانا يكون وراثه ..
أذكر كان معاي واحد بأيام الجامعه عنده خصله كبيرة شيب بشعره من جدام
أثاري وراثه وهو صغير بالعمر

 

[hneen2]

حبيبتي اخاف حايش شعره عطر كبار


لان اذكر امي تنبهني ان اذا رشيت عطر بأيدي ما حوش شعر عيالي لان يطلع لهم شيب بس انتي استشيري دكتور افضل

 

[Behtar]

مشكورين. حبايبي
ايه اهو كله يلعب بعطوري صار يطول كل شي اسم الله عليه
وعلى الدلع من واهو صغير اي شي يبيه نعطيه
يوم تعبنا معاه صرت احاول ماعطيه كل شي شيسوي فيني صراخ بجي ويطقني واعطيه
وقلبي مايطاوعني لانه نتفه فديته بجري ووحيد

 

[Behtar]

وينكم طمنوني عفيه
لان مافي مواعيد ليوم لاحد
قاعده على اعصابي

 

[حظ من عنده انا]

الشيب يكوون خووف او يكون نقص فايتمن معين يغذي بصيلات الشعر ويعطيها اللون الاسود


نسبت اسمه قبل فتره دكتوره بالتويتر تكلمت عن الشيب والاكلات اللي فيها الفايتمن وتساعد علي اكساب الشعر لونه الطبيعي

عموما روحي للدكتور وان شاء الله ماكو الا العاافيه توكلي علي رب العالمين

 

[miss_uk]

طمنينا

 

[غلاي انا]

انا اللي اعرفه انه الشيب اذا طلع بشعر الجاهل انه متروع من شي وخوووف << هذا اللي اسمعه من امي دايم


وهمن سمعت سالفة العطووور حتى للصغاار والكبااار اذا رشيتيها على الشعر تسبب شيب بس مو كل العطوور طبعا



بس بنات اختي كلهم جذي واهماا صغاار شعرهم في شيب بس تقوول عادي ابووهم جذي بس مو واجد ٣ او ٤ شعرات بس
​

 

[عشماويه]

حبيبتي استبشري خير أول شي


إن شاء الله مافيه إلا العافيه


آنا ولدي من ولادته بشعره شعره وحده بيضه وللحين موجوده بس ما تبين


سألت الدكتور أحمد البرماوي في المنتدى وقاللي هالشي طبيعي خصوصا إني آنا بدا الشيب بشعري مبجر


ويمكن بعد لأني مريت بظروف صعبه بحمالي فيه فأحس إني أثرت عليه


بس لازم تكونين أول متأكده إنها توها تطلع مو من ولادته, وتسئلين استشاري أحسن


وسالفة العصبيه عادي كل عيالنا جذي, بس تذكري إنج أمه وإذا ما قدرتي عليه واهو صغير إذا كبر بيفلت الخيط من ايدج وتتعبين معاه بكل شي سواء بالدراسه ولا بالزواره ولا بالسفر


حاولي تغيرين معاملتج معاه دلعيه طبعا وونسيه بس خليج حازمه معاه والصح صح والخطا خطا


والله يطمن قلبج, وياليت تردين لنا خبر عن راي الاستشاري وكلامه لج

 

[om_3azoz]

حبيبتي انا ولدي نفس ولدج اكتشفت فيه شيب من عمره سنه ونص الحين بيكمل 3 سنوات طلعت له بعد 3 شيبات بس مادري من شنو
ومادري مافكرت اسال طبيب او شي

 

[بنت ذآك الأمير!]

يمكن حايش شعره عطر

 

[Behtar]

للحين باجر ان شالله موعدنا
عن الخوف مادري بس وهو بالاشهر كان وايد يطيح يا من السرير
يا من القنفه على راسه والخوف مثل شنو بس اذا سمع صراخ يخاف ويهز راسه حيل هذا كله لما كان بالاشهر
بس الحين لحمدلله لا
واصلا انا الحمدلله مافيني شيب وابوه واهالينا مافيهم شي مبجر
ومادري اذا عطور لان هم يلعب بعطوري
وهذا خوفي يكون معاه نقص بشي بجسمه
عشان جذي ياربي والله خايفه لايكثر حرام توه صغير يعني لو دش لابتدائي بيكون شعره لاسمح الله
مثل الشايب وتصير نفسيته مو زينه وياثر عليه
يارب مايكثر &#55357;&#56877; مادري شفيني قمت ابجي استغفرالله ادري هالشي هين والحمدلله مو امراض خطيره
بس قلبي معورني عليه حيل

 

[shak!shoka]

ماعليه شر حبيبي اسم الله عليه

اذا خلصتو موعدكم طمنينا شقالج الدكتور


لا تحاتين ماكو الا العافيه انشالله


زوجي في شيب بشعره من زمان و يدتي دايما تقول ريلج فيه بخت
الي يطلعله شيب واهو صغير يعني في بخت ههههههههه

 

[فجوره]

طمنينا حبيبتي ​

انا ساعات اذا مشطت شعر ولدي ألاحظ فيه شعرات بيضه بس اذا انتبهت
أكثر اشوف مثل شقار ​

عاد مادري اهو ابيض ولا اشقر ​

وبالنسبه لي عادي لانه ابوه فيه شيب بس مو و اهو صغير ​

 

[Behtar]

مشكورين حبيباتي
وديته وقال يمكن طبيعي بس اذا زاد لا سمح الله
بنحلله
الحمدلله على كل حال

 

[om Firas]

ان شالله مافي الا العافيه

 

[om 7sony]

الحمدلله ان مافيه شي

وان شاء الله ما يزيد
ماعليه الا العافيه وليدج