ولدي عمره ثلاث اشهر فيه بلغم وكحه ساااعدوني

[الشوق ياخذني له]

سلام عليكم
بناات ولدي عمره ثلاث اشهر فيه بلغم وحكه
والله مرات ويها يصير احمر مو قادر يكح ومو راضيه تطلع
وديته الطبيب قال خلوه عالاعشاب افضل لان مو قوي البلغم
بصراحه اتضااايق لما اشوفه جذي يحترق قلبي
ساعدوني تكفه

 

[حلاه الكون]

حبيبتي انا بعد هم ولدي فيه مثل ولدج
ولله الحمد طاااب
فوريله حلبه وخليه يشرب منها
وترا الزيت الزيتون حييييل مفيد بيوم واااحد راح تختفي عنه الكحه
بس ورا الزيت سيده شربيه اي شي علشان الطعم

 

[انثى الكويت]

الله يشفيه ماعرف شنو الحل والله
بس دهنيه بزيت زيتون وخليه يدفا
والحلبه بس عشر حبات ونقعيها بماي وعطيها له مع الحليب

اذا كحته فعلا خفيفه مانصحج بالادويه معاه خلجعلى الاعشاب

ويارب يشفيه

 

[أم نواف غير]

صج الكحه مع اليهال اذبحتنا

 

[منيرة ام شوق]

مثل حالة ولدي وكبره ثلاث شهور
مافاد فيه الا لما وديته الطبيب وعطاه قطره للانف و كمام ومضاد
واللحين الحمدلله احسن من قبل​

لا كان في كحه حييييل لدرجه انه ماقام يرضع عدل ولا ينام ويرجع تكرمون

 

[عزة وكبرياء]

حبيبتي انا لماكان ولدي 3شهورقام يكح وبلغم ومايرضع مايقدر يرضع وديته الطبيب وقال عطيه دوا كحة وعرضيه للبخار وزادت كحته وآخر شي سدحته بالمستشفى وطلع عنده التهاب بالرئة وعطوه مضاد وكمام لمدة اسبوع وتحسن الحمد لله .وانشالله ولدج مافيه الا العافية بس الكحة اذا طولت موزين وخاصة انه بيبي وفي بلغم فديري بالج عليه والله يشافيه ويعافيه يارب​

 

[أم شيــ@وخة]

نصيحة أخت خليج من الأدوية ووديه عند دكتور لطفي شمس الدين
أهوا دكتور أطفال وحديثي ولادة
أنا من بعد الله سبحان وتعالى أهوا الي ريح بنتي من الكحة والبلغم
حتى ما خليني أعطيها كمام قالي ما تحتاج

 

[جنى]

لو انا مكانج ما ادش منتدى و انتظر راي احد ... بسرعة اطير فيه الطبيب وعلية 3 شهور

 

[*-*Lo0o0Raaa*-*]

اتوقع في تحاميل زينه خاصه للبلغم
الله يكرم السامع يطلع البلغم كله مع الخروج
وايد تريح البيبي بس ما ادري تصلح لولدج لان حق عمر معين يعطون
لازم تروحين الطبيب وسأليه عن التحاميل

انا بنتي صدرها وايد تعبان بلغم ومتنك عطيتها كمام ومع التحاميل ارتاحت بسبنتي عمرها سنه و7 شهور

 

[نور83]

حبيبتي الله يشافيهً لج ياربً. شوفي حطي له كمام يبيحه مسكين بالهعمرً يبي يرتاح. أنا بنتي حطيتلهاً كمام ثاني شي خلي الدكتور يكتبلهً تحاميل تطلع البلغم. وايد زينة ويبي من الحوايً أوراق جوافةً يابسة. خل يشرب منهم. وايد زينه الجوافةً. و دوا اسمه بريملانً. وايد زين. حق عمره. سالي الدكتور عنه والله يشافيهً ويشافيً بنيتي ويشافيً كل مريض