ولدي. طلع له بهق

[بنت الدسمه بسمه]

السلام عليكم بنات شلونكم. والله اكتب لكم وحده ضايق خلقي ولدي عمره 6سنوات طلع له بويهه بقعه بيضاء صغيره وخفت عليه من البهق وديته حق بوحمرا شافه الدكتور المصري الي عنده والله نسيت اسمه وقالي هذا نوع من البهاق راعي شعوره النفسيه والصراحه ما اقتنعت بكلامه المهم اختي قالت لي وديه عند الدكتور مشعل الغريب ومرت اخوي تقول وديه حق الدكتور الغرير انتوا شرايكم احد سمع عن الدكتور مشعل *

 

[بنت الدسمه بسمه]

شدعووووه ولاااا وحده ردت وساعدتني

 

[أنفاسي دخون]

بسم الله عليه ما يشوف شر ان شاء الله

والله يشافيه وتفرحين فيه يا رب

صحيح البهاق يبيله مراعاة للنفسيه ديري بالش عليه حبيبتي وبالنسبه للدكاتره والله ما اعرفهم

ان شاء الله البنات يفيدونش

 

[المزاد]

الله يشافيه يارب

ماعندي فكرة والله انشاءالله البنات يساعدونج

 

[mafio98]

بالنسبه للدكتور الي ذكرتيه ماعرفع بس اختي مو شرط يكون بهق انا اخوي الصغير طلع له بقعتين بويه ولما رحنا الطبيب ماذكر بالضبط شنو قال بس احد الاسباب ان بالمدرسه يقعد بالشمس وايد وعنده نقص فيتامين معين + يشرب بيبسي واااايد فمنعه من هالشغلات وعطاه فيتامينات والحمد الله بفتره قصيره اختفى

 

[توتاتوتا]

الله يشفيه ماعندي فكره عن الدكاتره وان شاء الله مو بهق روحي للدكتورين واسمعي منهم

 

[منو انت]

اسم الله عليه وان شاءالله مافيه الا العافيه وبخصوص البقع البيضه موشرط بهق لاسمح الله يمكن يكون حساسيه او شي ثاني ترى الاكل بعد له دور بالشي هذا انا اعرف ناس اذا ياكلون لو لقمه بيض يصير فيهم جذي ولما يتركونه يروح على حسب ولاتوضحين له انج زعلانه من هالبقعه علشان لا تتعب نفسيته وبخصوص الدكاتره عندج موسى سلامه جبر يمدحونه ودكتور ماادري شنو بشوره يقولون حلو والله كريم ان شاءالله

 

[ندى العبير]

ياعمري ماايشوف شر

الله يشافيه يارب

 

[غنوة ستايل]

ما يشوف شر ياقلبي
بس انتي متأكده انه بهاق !
اخاف يكون البقعه البيضه اللي تطلع بالجهال السمر ( لما يكون اسمر بسرعه تبين ) وتروح
وسببها انه الطفل ما يشرب كفايته من الماي
ترا تطلع واااااايد
ولد اختي طلعت له ثنتين بوجهه على خده اهوا اسمراني .. ( حنطاوي ) فكانت واضحه حيل
ومع شرب الماي . خاصه بالليل راحت بروحها
ومعروفه عندنا الللي ما يشرب ماي بالليل او يحس نفسه عطشان وما يقوم يشرب بسرعه تطلع له سبحان الله

انا نفسي اذكر لما كنت صغيره كانت فيني وامي تقول شربي ماي والحين الحمد الله مافي شي ..
بس تأكدي اهي بهاق او اللي قلت لج عليها

بوحمرا منواااا يروح له !!!!!
للحين تثقون فيه !!

 

[nazek_q8]

يمكن مثل ماقالة الخوات نقص فيتامين كالسيوم او د شي جذي تاكدي اكثر



وانا شفت هالاعلان علاج للبهق والاكزيما وسجلته عندي يمكن يفيدج
هدا رقمهم 94995496

والله يشفييه

 

[شيري]

انا ولدي كانت فيه من قبل وطلع نقص فيتامين ومن قله شرب الماي ...والحمدلله راح

 

[العنود22]

فديتج كريم بنكوين يعالج البهاق ومعروفه نتايجه

وهذا رقمهم 97486302

 

[q.u.e.e.n]

الله يشافيه يا رب

 

[بنت الوفا]

الله يشفي ولدج

وبنااتي فيهم اكزيما الله يرحم حالتهم