ولدي طبيعي بهالشغله او لا تكفون ردوا

[صمت الكويتيه]

السلام عليكم
بنات انا ولدي عمره سنتين ونص وكان يتكلم عالخفيف وكلامه ونطقه مافيه شي اما اللحين توني ملاحظته قبل اسبوع يمد الكلمه مثال ماااااااااااامممااامما مابي هذا يعني مابي هذا حدي خايفه تستمر هالحاله او انها بدايه الكلام جذي عقبها عادي بنات تكفون اللي مرت بهالحاله عقبها حست ان ولدها تكلم عادي علموني اقسم بالله حدي متضايقه طبيعي او لا

 

[ريحان ورشوش]

حبيبتي فيه مثل يقول من خاف سلم وانتي بدل لا تسألين وبعضنا ما عندها معلومات والبعض يخرعج أول شي احتمال ولدج خايف او حايشته تأتأه وياما جات عيالي وراحت من كيفها بس مو شرط اللي ينطبق على عيالي بنطبق على غيرهم حاولي تقرين عليه البقره وهو نايم بنيه شفائه وانفثي عليه وتصدقي بنيه شفائه وماله الا العاااااااااااااااااااافيه

 

[بقلبي انت]

والله انا حاشت بنتي وهي عمرها 3 او 4 سنين وراحت من كيفها والحين عمرها 8 الحمدلله وولدي الحين بعد عمره 4 سنين
وجايته التأتأه يمد الاحرف بس انا مطنشته وبس يكلمني اقوله ماما شوي شوي تكلم انا اسمعك لا تتسرع ودايما اسمعه ما اطنشه
اتوقع هذي حالة خوف او مصدوم من شي بنتي اخترعت من قطوه انقزت يمها على غفله بس ولدي مادري

وهم بنت اختي جتها بعد والحين راحت عنها عمرها 7 سنين لا تحاتين واذا خايفه وديه استشاري نطق

 

[miss mama]

الافضل تسئلين اهل الاختصاص لانه الي اعرفه ممكن التاتاه تزيد معاه. وتفائلي خير ان شاء الله ماكو الا كل خير

 

[ام ميميتو]

حبيبتي كل ولد يختلف عن الثاني انتي شوفي دكتور متخصص اكيد راح افيدج ان شاءالله مافيه شي الله يطمنج عليه

 

[alhnan]

اذا كان عادي عقب قام يتأتأ معناه نفسيه
يا مزفوف او مصارخين عليه او خايف منش ي

او كله تكشتون فيه لي سولف و تجعمونه ....... ممكن نهمل سوالف الطفل لي صار عندنا عيال وما نلحق نسمعهم فتقل ثقته ويتأتأ دوسي على نفسج شوي و تحملي كلامه حاولي تسمعينه للاخر بدون ما تعجلينه خليه براحته وبيني له اهتمامج لو طولت سالفته


بيتعدل باذن الله

 

[سديم الناصر]

طيب هو من متى بدا يتكلم عشان تلاحظين الشي احتمال توه بدا بالكلام وهذي طريقته عادي

 

[::مسك::]

امبلاا ولدي مر بهالحاااله يمط الكلام ويتاتا قبل ٦ شهور تقريبااا بس انا ماكنت احسسه انه كلامه فيه شي ولاتخلين احد يتطنز عليه اويقلده او يعلق عشان ماتطول عنده هالحاله والحمد لله ماطولت وراحت خلال شهر تقريبااا

 

[::مسك::]

صج وقتها عمرة سنتين ونص

 

[PuPa^^SWeeT]

مادري سالي فيها واحد مختص

 

[bnt البحرين]

لا حبيبتي بهالسن وايد اعرف يهال يصيدهم جي ولد خالي عمره 3 علطول جذيه لين .. بس الحمدلله احين اخف ويتكلم عادي .. بس اليهال يختلفون فانتي روحي حق استشاريه عشان تتطمنين

 

[غلا-زوجي]

حبيبتي انا مجال وظيفتي السابقه بين اطفال واعرف بهالاشياء ..
وديه دكتور اخصائي تخاطب وبعدين لاتعلقون عليه لحد يتطنز لان راح يزيد بنسبة 50%