ولدي صار غريب الاطوار !

[Little_Queen]

سلاااااااااام


طبعا الاغلبية ممكن يترددون على هذا القسم


عارفين ولدي ...


طفلي الجميل الصغير


قطي " بومبو " ...


---------------


بومبو الله يسلمكم كمل الشهر و جم يوم ...


و طبعا بدينا نخففله الحليب و ندخله الاكل العادي شوي شوي


بس صايره تصرفاته شوي غريبة عن قبل ..


طبعا صاير وايد يشيطن ..

غير جذي صاير كله يبي يعضني !

يعني اذا شلته يقعد يشم ايدي شوي شوي انا استانس عبالي يتدفى او يلعب معاي ...


و يفاجأني انه مره وحده يعض صبعي ولا يعض ايدي !

و اسمالله عليه عضته قامت تعورر بصراحة مو نفس قبل ضروس ماكو !


يعني قام يعورني .. و أصرخ ..

احسه يطالعني و يقول : هيهيهيهيههيييييييي وناسه خليتها تصرخ !




و في نفس الوقت الصبح دايما يكون طاااااخ


قبل : ايام ما كان يرضع حليب بس


كان يقعد وااايد و يمومووو بصوت وايد عالي لدرجه انه يقعد البيت كله عشان يكون يوعان

هاليومين أشوفه يتأخر وايد بالنوم ... يعني ينام من بالليل لي الضحى !

و إن قام .. يقوم هادي .. و راهي ... و يتم قاعد في مكانه لا يركض ولا يلعب ولا شي ...

يتم قاعد منقووووع و ماله خلق .. و اذا شلته و لحفته عادي جدا يرد ينام مره ثانية !! احسه كأنه سكران


لي الظهر ... يبتدي يمومو شووووي ... و نحطله الغدا


و عاد هني يصير نشيط و يلعب


و هم بعد قام يرفض الحليب تماما !! ما يبي حليب !


و هم بعد رافض تماما الماي ! ما يبي ماي ! ولا حليب


بس يبي أكل !


باختصار شديد صاير وايد هادي ..


بس لما يشيطن " الجم ساعه الي يشيطن فيقهم " يشيطن من قلب


مادري .. قولولي هذا شسالفته بالظبط ؟

 

[بنفسجيه كول]

انا وحده اخاف القطاوه واحبهم بس من بعيد لي بعيييييييييييييد اوي


وانشاءالله البنات يفيدوونج

 

[.. Dior ..]

عادي اتوقع طبيعي لانه كبر شوي ولما يعضج يلعب معاج ومستانس على ضروسه يبي يجربهم هههههههههه

نفس قطوي وقت اللعب اذا قربت ايدي منه يقعد يعضني بس ع الخفيف انتي علميه من الحين على كلمة لا اذا عضج لاتشيلين ايدج بسرعه ترا عباله تلاعبينه ويكررها معاج
خلي ايدج وقوليله لا بصوت عالي شوي راح يسمع كلامج مع الوقت ويعرف انه كلمة لا يعني يوقف قطوي اذا قلتله لايقعد يلحس مكان العضه يراضيني ههههههههه

وماعليج وقت النوم القطاوه تحب النوم وعلى الحليب يمكن لانه استطعم الاكل فما قام يعجبه الحليب عادي حطيله جبن والماي خليه عنده واهو راح يشرب واذا كلش ماشرب لما يكون يوعان حطي له بس ماي راح يشربه


والله يخليلج وليدج وطمنينا عليه

 

[AmOoNa-]

حبيبي هالشي طبيعي واذا ماني غلطانه ولدج من النوع اللي يكون شعره قصير صح؟؟ هالنوع واااااايد نشيط فهالتصرفات جدا عاديه قاعد يلعب وعتقد يسنن فيعض ومن ناحيه الاكل يرفض الماي لانه داخل البيت الجو بارد وهو شعره قصير فماتشوفينه يشرب ماي كثر الانواع الثانيه بس اهم شي اذا عضج عصبي عليه قوليله لا بنبره فيها اعصاب عشان يستوعب انه هالشي غلط وممكن طقه خفيفه عالراس

 

[سمسمه Q8]

عادي مثل البيبي
لمن يكبر ما يبي الحليب ويختبر اشياء يديده بحياته

بومبو كبر
الاكل يشبع اكثر من الحليب ينام مرتاح يقوم شبعان نوم مو متعسر وياكل وجبه
يشيطن وقت اللي يبي يلعب

اشتري له عضاضه والعاب يتسلى فيهم ويطلع طاقته فيهم مستانس يبي يعضعض لول

يحلاتهم والله

سبحان الله مثل اليهال

 

[فيونكا فوشيهـ]

امبيي والله عبالي وحده حاطه مشكله ولدها بقسم الحيوانات لأن عادته حيوان
ههههه امبي دخلت الموضوع بس عشان اشوف شالسالفه عيوني طلعت لوووول


و ماعندي علم بالموضوع لأن ماعرف حق الحيوانات بس ماحبيت اطلع من غير مااارد

 

[Little_Queen]

لوووووووووووووووووووووووووووووووووووووووووووووووووووووووووووووووووووول فيوووونكة


امبي أمبي ناديت البيت كله يسمعووون ردج لهادرجه أنا أم شريرة ؟ و الله ضحكتيني من قلب الله يسعد قلبج يارب

----------------------

سمسمة ... شكرااا حياتي .. والله كلامج كله منطقي فعلا ... و طمنتيني .. ولدي مو مينون ! ولدي طبيعي !

------------------------

أمووونة ...

اولا .. انتي الي مسوية الكيكة الي في توقيعج ؟؟ شكلها حدده عاجبني ماشالله ..


ثانيا ... صح بومبو شعره قصير ...

و البيت صح سنترال دايما و بارد ..

انزين معنى هذا إنه متأذي من البرودة مثلا ؟ يبيلي أقصر عالتكييف شوي ؟؟ و لا شلون ؟

لأنه شي بديهي انه حتى لو اهو ما يحس بالعطش ... اكيد يبي ماي


يتلي فكرة !


انا كل يوم رح أطلعه بالبلكونه يحووووووووووس بالقايله عشان يعطش و يشرب ماي ! " شكلي بقضي عليه أنا ! "


اي والله سبحان الله كأنه ياهل .. أمي بروحها - كانت معارضه دخوله للمنزل - تقول يحليله مسوي جو كأنه جو يهال ... حليب و رضاعات و غسيل هدوم و قماطات كل يوم عشان نلحفه فيها .. و ناس تنومه و ناس تقعد نص الليل ترضعه !


و حدها مستانسه عليه الحين


اصلا اخواني عادينه على انه ياهل ! اليوم اخوي ماخذه مطلعه !!!!!!!!!!!!!!!!!!!!!!!!!! اقوله شبتسوي .. يقول باخذه بقززه شوي وياي انا و الربع بالسيارة !!


يبا هذا قطوووو ما يقز !

يقول لا انا ابي اخذه اتسلى وياه نفرفر .. و ماخذله القفص و الاكل و الحليب و العدة كلها أوكي !! حتى مسويله لتر بوكس صغيرون معاه بالسيارة !! تقولون جنه طالع البر !

------------

ديووووووور .. فديتج والله تسلمين على ردج الي طمنني ..

ما يهون علي أعصب عليه بصراحة ...

بس زين قلتيلي انه ما أشيل ايدي بسرعه انا كله اشيلها بسرعه ! بصراحة اهو ما يعورني حيل بس مابيه يعضني !!

بس خلاص رح أعصب عليه


و الله يخليلج ولدج الي يطيب خاطرج هذا حلاته والله

-------------


الله يخليكم كلكم يا بنات و مشكورين كلكم عالردود الحلوة

و الله يخليلكم عيالكم - الحقيقين - او عيالكم - القطاويين - و ينولكم الي في بالكم يااااارب

 

[sweet cake]

شلون ولدج؟؟
صار مزيون ولا لأ؟
خوفج من مرحلة البلوغ والمراهقه يصير الصوت خشن ويصير شوي جيكر :dddds:

الله يخليه لج والفال لي ان شاء الله

 

[ياعشيري جعلك السلال]

ياحلاته خخخخ
شكله اكشن

الله يخليه لج ويحنن قلب امج عليه

 

[Little_Queen]

عاد والله صوته تغير


بس انا احسه احلو

ما صار جيكر


لحد الحين اهو يعتبر ياهل

تو الناس على مرحلة البلوغ


بس ياهل عود


يعني في مرحلة سنتين .. 3 من سنوات عمر الانسان


فطم من الحليب

و قام ياكل

ويناقز

و يلعب

و يهز !


صاير كيوووت هاليومين حبيبي اسمالله عليه الله يحفظه

 

[Ms.PeRFeCT]

لووووووووووووووول وناسه

الله يخلييه لج

 

[ATOoOMA]

وي وي الله يعينج عليه خيتوو@@

 

[ابي قطوة ميوووو]

خيتو من رايي اتبعينا وتشترين بنوت امورة وحلوة وكتكوت
لان النات مؤدبات في كل شئ هههه