ولدي ررابعه ابتدائي مايعرف يقراااااااااا

[ذابحتهم]

السلام

بنات ولدي مايعرف يقرا كلش ولا اشكال الحروف مع ام اخوه في نفس المرحله ((توأم)) ماشالله عليه متفوق هذا كلش والشهاده كلها دواويح

ابي ارقام مدرسين تأسيس الله يرضي عليكم

ومشكورين ماقصرتو
واذا في معهد او تقويه في مبارك الكبير بلغوني

 

[برونزية رشيقة]

ما عندي فكرة عن مبارك الكبير .. بس ما حبيت أدش وما أرد!

 

[JANAA]

حبيبتي لازم يقرا على طول اشتري له قصص ويقراها اي شي جريدة مجلة الدورس الي بالكتاب لازم اتضلي وراه لين يقرا والله يعينك يا قلبي

 

[وسن 11]

معااااااااااااااناه الدراسه
الله يعينا اجمعييييييييييييييييييييين

للرفع

 

[nadoo]

رفع
رفع

 

[lma22]

نفس معانات ولدي حطيله مدرس او مدرسه تاسس عدل مش بس تبي الماده واذا عندج اي باد او ايبود في برنامج نان وليلي روعه يخليه يعرف الحروف

 

[wardeya]

​

​

ذابحتهم​

قبل ما تحطين أي مدرس وتدفعين فلوس

لازم تعرفين الأول ليش الولد ما يعرف يقرا ؟

هل هو مهمل ؟؟
أو لا ضعف من المدرسة بالشرح ؟؟
أو الولد لديه صعوبة بالقراءة ؟
أو الولد ليس لديه القدرة للتعلم ؟؟

وتقدرين تتعرفين على السبب بالذهاب إلى المدرسة ومقابلة الأخصائية الاجتماعية ، واطلبي مقابلة معلمين الولد بالصف

وعندما تتعرفين على السبب .. هنا نبحث عن الحل إن شاء الله

وأحب عزيزتي أعرفك بأن ضعف مستوى الولد ليس هناك علاقة بمستوى
أخوه ، على الرغم من انهم توأهم ..

تحيتي​

 

[جروح ودموع]

حراااااااااام الله يخليج لا تخلينه خلج معاه لين يتعلم ويقرا والله انا ما اعرف مدرسين خصوصيين لاني انا اللي اجابل عيالي من اولى ابتدائي عشالن يتأسسون لان مستوى التعليم عندنا بالكويت صار خرطي الله يرحم ايام الدراسه قبل الغزو هالفلسطن كان تأسيسهم قوي جدا وانصحج تشوفين له مدرس تاسيس وانا بدور لج بعد اذا عرفت شي بقول لج اختي والله يوفقه ويخليه لج يااارب

 

[*ماي الورد*]

العيب بالمناهج
اللي تركز عالكم و ليس الكيف

 

[يازمان العجايب]

لاتسكتين عليه وديه فحصيه بمركز تقويم الطفل وشوفي

 

[أمجاد الكويت]

حبيتي انتي والله ربي يعينج اذا تبين مكان تأسيس ومدرسات روووعة ومو مهم المنهج خو المنهج خوارة اهم شي ان ولدج يعرف يقرا ومن الصفر راسليني على الخاص لان عالعام اخاف يحسبون انها دعاية

 

[مطلقه وأفتخر]

حبيتي انتي والله ربي يعينج اذا تبين مكان تأسيس ومدرسات روووعة ومو مهم المنهج خو المنهج خوارة اهم شي ان ولدج يعرف يقرا ومن الصفر راسليني على الخاص لان عالعام اخاف يحسبون انها دعاية

شكو دعايه!!!

اذا نيتج زينه مالج شغل بأحد
مااحب سالفة الخاص لان مو الكل مسجلين بالمنتدى وبعضهم مسجل بس مافعلوه وانا كنت وحده منهم انقهراذا كنت محتاجه وبالاخير تقول شوفي الخاص:eh_s(4):

وبالنسبة لصاحبة الموضوع حطيله برنامج نآن وليلى ونشيدة الحروف الهجائيه مالت طيور الجنه (الفٌ أرنب يجري يلعب) أنا حافظتها:krkrkr:
وعلقي بداره وسيله تعليميه عن احرف الهجاء حببيه فيهم

وحاولي كل يوم تحفظينه حرف او اكثر حسب قدرته عالفهم

حفظيه طريقة كتابة الحرف بجميع أشكاله وصوت الحرف
مثال

مـ باول الكلمه
ــمــ بنص الكلمه
ــم. م بآخر الكلمه

والفتحة والضمه والكسره
ومد بالألف (تعلين صوتج بحيث يستوعب انه مد بالألف مو فتحه)
والمد بالياء والمد بالواو ونفس طريقة المد بالألف تعلين صوتج وتمدين الأحرف بحيث يستوعب انها مد





أنا مو مدرسه بس حبيت اساعدج باللي اعرفه وان شاءالله تستفيدي
شدي حيلج معاه وشوي شوي بيستوعب وكافئيه اذا حفظ واستوعب ولاتعاقبينه كلش شجعيه وقولي الغلط يتصلح واشرحيله اكثر




الله يوفقه ويوفق جميع الطلبه والطالبات
والله يعينا على هالمناهج الفاشله

 

[مطلقه وأفتخر]

ترا مليون مره كتبت الرد وانمسح وعقب طفى جهازي بس كنت مصره ارد عليج


الله يوفقه يارب

 

[برونزية رشيقة]

لاتسكتين عليه وديه فحصيه بمركز تقويم الطفل وشوفي

أنا بعد من نفس رأي الأخت .. أخاف ولدج عنده (صعوبات تعلم) لحقي عليه من البداية قبل لا يتفاقم الأمر إذا وصل سابع وثامن وتصعبت المواد وزادت كمية الكتب !


هذا تلفون مركز تقويم الطفل :

1832000

مكانهم في منطقة السرة .

تخصصهم : بطيئي التعلم وصعوبات تعلم وعندهم أخصائيين راح يعرفون لج حالته كله دكاترة اختصاصيين واستشاريين .

 

[وسن 11]

الله يعينكم ويعيناااااا

احس اتعب لما اسمع جذي

 

[om.googi]

نفس بنت حماتي ,, شساااااااالفة العموم بابتدائي ما يعرف يقرا !!! ( الأغلبية )

احنا من اولى ابتدائي أيام أول نخط خط ونقرا وان غلطنا بحرف عدنا الجملة كتابة 3 صفحات وبكل صفحة الخطوط كلها مانخطر سطر !! كنا تعذيب عشان يطلعون بنتيجة !

انا قعدت مع بنت حماتي وعرفت العلة - أبلتها العربي تقول مو لازم تقرون اهم شي تكتبون

انزين والإملاء ؟ واذا في اجتماع امهات بالصف واذا بتقرا بالامتحان بروحها شلون ؟ ان شاء الله مو كل شوي قاعدة تنادي مراقبة الامتحان تقرالها الامتحان كله !!​

 

[حور بنت علي]

حبوبه انا ولدي بسادس عاد السنه ومن أهوه صغير ما خليت معهد ولا مدرس ماكو فايده وديته مركز تقويم الطفل وعطوه اختبارات وبإجراء أخذ النتيجه انتي شوفي المشكله لا تتوهقين مثلي وتروح عليه السنيت*

 

[لكي الله يا مصر]

حبيبتي اطمني علي نظر ابنك الاول يمكن مش شايف اللوحه ولا كتابه الابله وشوفي هو نفسيا فيه حاجه ولا لا يمكن يكون متعقد من ابله معينه مبيحبش ماده معينه
انتي مثلا كل شويه بتقوليله انه متاخر في الدراسه شوفي السبب
ولو احتجتي تاسيس عربي ودين وقران انا موجوده

 

[بتبوتااا]

اقسم بالله نفس مشكله ولدي بس الحين الحمدلله صاااار احسن

يبت له مدرسه والله انه مو دعايه عاد انا ما احب اقول شي الا وانا مجربه وشايفه بعيوني

طلبت له مدرسه من الجريده وطلبت تدرس ولدي كوس يعني شهر كامل بلاسبوع ثلاث مرات تيي

والله العظيم انه من ثالث حصه ولدي يقرا بس مو بلبل يعني الحمدلله وين كان ووين صاار وعرف الحرووف كلهاا واصواتهاا

وكتابتها ولي الحين ماخذ ست حصوص منها الحمدلله انصحج فيها والله اني كنت اعاني ويعور قلبي بس الحين تحسسن وااااايد

اذا تبين رقم الابله قوليلي عالخاص ياقلبي والله على ما اقول شهيد وتوني حطيت رقمها عند الموضوع المثبت لانها صج شاطره وبالها طووويل ,,

 

[بتبوتااا]

اي والمعهد نصيــــــــــــــحه مارح يفيد دخلت ولدي ياتيتي تيتي زي مارحتي زي ما جيتي

شهر وانا اوديه واييبه ولا استفاد شي ولا فهم ! احسن شي ابله تجابله فيس تو فيس وبروحه عشان يفهم عدل اذا مجموعه مارح ينتبه ,,