ولدي حبيبي ممصوع ساعدوني الله يخليكم

[نور Q8]

شلونكم بنات

ولدي عمره سنه ونص حرارته 38 ويفز من النوم بجي صراخ
وكل ما احد شاله بجي حيل وكل مابغيت اغير ملابسه يصرخ
الي عندها رقم وحده تعالج ياريت الرقم وعنوانها لان ولدي حيل تعبان
ومعور قلبي
ويزاها الله خير الي بتساعدني

 

[Tender Heart]

رد : ولدي حبيبي ممصوع ساعدوني الله يخليكم

انا بنتي صار فيها بالنفاس امي دهنتها بزيت زيتون ورددتها كنت اشوفها تبجي وابجي معاها خخخخخخخخخخخخخ صج بجريه وكانت تدفيها وتنام

 

[A.N.L]

يا قلبي ليش ما تودينه الطبيب احسن

 

[فديت ولدي]

ولدى كان زي ولدك كانت حرارتة مرتفعة وحدة شافته قالت ممصوع مرختة ثلاث ايام ورتحت الحمدالله بس انا بالسعودية ان شاالله بنات الكويت يفدونك

 

[اميره بعزوتي]

حبيبتي وديه لأم فهد طواري اللي بالرحاب
مشالله عليها تبارك الرحمن وحدة بوحدة تردده وادهنه ويقوم انشاء الله مافية الا العافية
وادعيلي

 

[هديل 77]

رد : ولدي حبيبي ممصوع ساعدوني الله يخليكم

ياعمري الله يشفية يارب , ورتى قلبي عليه

 

[جذابه بنت ذيابه]

رد : ولدي حبيبي ممصوع ساعدوني الله يخليكم

الله يشفيه يارب


حبيبتي خل امج تردده وتدهنه بزيت مقررري

 

[أم طخطيخ]

رد : ولدي حبيبي ممصوع ساعدوني الله يخليكم

قي وحده اسمها ام عبدالله بالفردوس ق 5 بس والله ما اعرف رقمها

وديت عيالي لها يوم انمصعوا وترى الطبيب ما ينفع انا قلت خرابيط حريم ومابي اعودهم على هالسوالف واوديهم خاص والحراره ما تنزل والبجي مايوقف اخرتها اروح لام عبدالله بعد الام شتسوي والله كنت ابجي يوم اشوف ولدي يبجي يقطع القلب انتي تلعوزين وياهم وتتعبين

 

[نور Q8]

وديته الطبيب قالو مخلوع يعني ممصوع بس عطوني ادول
اميره الله يخليج عطيني الرقم خل اتصل عليها لان ولدي متسدح وموقادر حتي يقوم من مكانه من الالم
بليز بنات اللي عندها رقم وحده تحط لي ضروري بنات

 

[*ماي الورد*]

رد : ولدي حبيبي ممصوع ساعدوني الله يخليكم

يعني شنو ممصوع مافهمت ؟؟؟

 

[cheese cake 84]

ايي والله شنو ممصوع ومن شنووو؟؟

 

[ريم المطيري]

ياقلبي مايشوف شر ان شاء الله

وانا بعد نفس حالة ولدى بالليل ماينام بس يبجي

ومايرتاح الا لما يشرب ماي غريب

ويفز من نومة يعنى بالكثير ساعة ساعتين ينااام

يعنى ولدي ممصوع والا أحد فاز فية ؟؟؟؟؟

حيييييل متأزمة والحين والله انا تعبانة بس قاعدة واتمشي فية بالبيت

 

[هديل 77]

رد : ولدي حبيبي ممصوع ساعدوني الله يخليكم

ريم المطيري جم عمر ولدج ؟؟؟

 

[أم المزيونه]

رد : ولدي حبيبي ممصوع ساعدوني الله يخليكم

أم فهد طواري اللي بالرحاب الله يجزاها خير

 

[cheese cake 84]

شنو يعني ممصوووووووووووووووووع؟؟؟؟؟؟؟؟؟؟؟؟

 

[Om NoOoRa]

مايشوف شر ضناج يارب

ان شاء الله البنات يفيدونج
والله انا ما اعرف احد كان علمتج
سامحيني

 

[ريم المطيري]

رد: رد : ولدي حبيبي ممصوع ساعدوني الله يخليكم

ريم المطيري جم عمر ولدج ؟؟؟

عمره 6 شهور

 

[bride collection]

الله يشافيه يا رب