ولدي حبيبي قالوا انه عنده الربو

[qazlaan]

بنات ولدي نور عيني قالي الطبيب انه عنده الربو بالليل كله يكح ما ينام ضايق خلكي بهالخبر وعطوني بخاخ خايفه عليه عمره سنة وشهر قولولي في احد من البنات ولدها تحسن او راح عنه الربو طمنوني

 

[Espinoza]

اختي فيه اطفال يروح عنهم الربو (بس يكون موجود بفترة الطفولة ) و فيه اطفال بس لما يسوون رياضة و فيه اطفال طول عمرهم ..

اهم شي طبعا انج تهتمين ببيئة ولدج .. زقاير حوالين الولد ممنوع .. غبار .. تراب .. بعض مواد التنظيف اللي تكون بخاخ .. طبعا الحيوانات يبعد عنها لان شعرها يزيد حساسية الصدر..


يعني هذي الاشياء اللي ممكن تسبب الحساسية .. وان شاء الله ولدج بس يكون فترة الطفولة و يروح


والله يحفظ عيالنا يارب

 

[روزحياتي]

شوفي أنا كل عيالي يجبهم الربو واقسم بآيآت الله يروح عنهم بعلاج مده ثلاث ايام تعطينه عند الازمه ثلاث مرات باليوم وكل ماجته الازمه تعطينه لين تختفي أنا عاده ثلاث ازمات وبعدين يختفي تماماً
تعبت من كثر ما اعطي هالوصفه للناس من روعتها
والله على ما اقول شهيد
الوصفه
تجيبين القبقب من المسمكه عدد ثلاث قباقب وتغسلينهم بماء فقط ولاتقطعينهم انتبهي القبقب كامل وتجيبين قدر وتحطيم فيه ٢ لتر ماء وتغلينه ربع ساعه وبعدين تصفيته بمشخال
وتخلينه لين يبرد وتعطينه كل ثمان ساعات نص كوب
وريحته خايسه فانا اسحب بالابره حقت الطبيب وأعطيه غصب عنه
بس اقسم بالله مفعول عجيب ينقطع الربو تماماً حتى لو كان الربو وراثي
وأعطيه عيالي من اربع شهور آمن وما يضر *

 

[ناتشوو]

عادي الحين عيالنا
من عمر شهر
نبدي بالكمامات
المرض لايخرع ولاشي
واهم شي
استمري وواظبي ع الادوية
والكمامات
خاصة الوقائية اذا وصفوها لج

شنو البخاخ البي وصفه الطبيب
واشلون استخدامه
جم مرة؟

 

[نوسآ]

سلامته مايشوف شر حبيبتي

ان شاءالله البنات يفيدونج

 

[روزحياتي]

ااااب

 

[صحكة الايام]

اممممم ان شاء الله بسيط