ولدي جن وقعد تكفون ساعدوني \ولكم دعوه بظهر الغيب

[مااتحمل غيابه]

السلام عليكم ورحمة الله












بنات ولدي عمره ثلاث سنين كان مؤدب لايهش ولاينش علما 0عندي تحته بنت وولد غيره اصغر منه 0المهم هالولد كان من احسن مايكون حنون مؤدب ويقدرني وحتى لامرض يكسر خاطري بروحه بفراشه وانا اكون اعابل بخوانه شياطين 0
المهم هذيج الليله اهوا كان نايم وقاعدين نسولف عنه انا وابوه قاعدين عند سريره فوق راسه واقول لبوه ماشالله ولدي حنون وحيل مؤدب الله يحفظه لي ماتعبني بتربيته واخوانه شياطين المهم من ثاني يوم جان يقلب الولد شيطاااااااااااااااااااااااااان حركي عبثي لسانه شطوله اناديه باسمه ولايرد علي كني اكلم طوفه ولايحترمني واسلوبه خايس حتى ملابسه الداخليه يقطهم ويركض ويقولي شوفي 00000كبير عن عضوه الذكري واهاوشه واقوله عيب ماما مايصير جذيه يقولي كيفي بنات هذا موولدي هذا انسان ثاني جنني معاه واذا طقيته ولاصرخت عليه يقولي ليش تطقيني انا احبج يما بنات والله يكسر خاطري له اكثر من شهر منقلب حاله
تهقون مو من عيني انا وابوه يمكن فزينا فيه ذيج الليله
ولايمكن غيران من اخوانه ياربي والله بموت من القهر عليه شسوي تكفون ساعدوني لوبكلمه يمكن تنفعني
والله وصلت لحاله نفسيه مايعلم فيها الا الله

 

[روحي زوجي]

رد : ولدي جن وقعد تكفون ساعدوني \ولكم دعوه بظهر الغيب

يمكن من عينج ليش لاء اخذي من وضوئج انتي وابوه وغسليه من ظهره في طريقه ماعرف لها

وعن الشطانه عندنا وعندج خير زوجي يقول ينشرح قلبي اذا طلعت من البيت والسبب العيال

 

[Un-6be3iya]

رد: رد : ولدي جن وقعد تكفون ساعدوني \ولكم دعوه بظهر الغيب

والله مادري شقولج
بس قالوها
مايحسد المال الا اصحابـه : )
ماتدرين يمكن بدون قصد
شربيه من عقبج انتي و زوجج و ان شالله خير

 

[فاقده ابوهاااا]

وي الا قلة الادب اختي الشطانه خليها على صوب الياهل لي سن 7 سنين خليه يتشيطن ويلعب ويكسر بس عاد بالمعقول هذي دراسه امسوينها بس الا قلة الادب من يبدي يفهم علميه وعلى كلامج يقط ........ يحليله ضحكني الا هالشي مسكيه وكلميه واذا ماكوفايده طقيه بس بالعدال وبعدين يمكن سمع كلامج انتي وابوه وحس بالغيره وحب يلفت النظر

 

[M!Ss English]

رد : ولدي جن وقعد تكفون ساعدوني \ولكم دعوه بظهر الغيب

ياهلا وغلا اختي
مبارك عليج باجي الشهر
وعسى الله يكتب لج الاجر ,

بالنسبه لولدج من خلال كلامج عنه
وان انقلب حاله 180 درررجه !
وفجأه وبدون مقدمات , انا ببدي من حيث
انتي انتهيتي

تهقون مو من عيني انا وابوه يمكن فزينا فيه ذيج الليله

انا اعتقد بعد جذي , العين حق ومذكوره بالقران الكريم , ويمكن فزيتي من حبج واعجابج فيه
مو شرط ماتحبينه ! لا حبيبتي العين تصيب حتى اللي تحبينهم ,
بنصحج بنصيحه وان شاء الله تفيد , توضي انتي واخذي الماي ولمن تسبحين الولد
صبي هالماي عليه وبعدها سبحيه عادي , وخلي ابوه يتوضى بعد , وجربي تخلينه يقرا سوره الفلق والناس
, وادهنيه واهو نايم عشان مايحس فيج بزيت زيتون لان الزيت هذا سبحان الله فيه بركـه حتى لو مو مقري عليه , حتى لو دهنتيه مع ايده او ريله ,
وكثري من التبارك على الولد قولي : ماشاء الله تبارك الله وايد ..
ولحد يقص عليج ويقول وديه مطاوعه ومادري شنو , لا ارقيه بنفسج و ادعي له بالهدايه
خاصه في هالايام ايام مباركه وكل لحظه لازم تدعين فيها بالصلاح والهدايه له ,
وان شاء الله يرد ولدج مثل ما كان ,

الله يطمن قلبج عليـه وينور لج دربج


,

سامحيني على الاطاله
اختج / M!Ss English

 

[دلع الكون]

والله احتمال فديتج يمكن وعلى قولتهم مايحسد المال الا اصحابه

والحين بالعشر الاواخر استغليها من اولها وادعيله وان شاء الله يكبر ويعقل

بس اسالي عن الوضوء وسبحيه فيه وان شاء الله يرجع ولدج اللي قبل

 

[مااتحمل غيابه]

رد: رد : ولدي جن وقعد تكفون ساعدوني \ولكم دعوه بظهر الغيب

ياهلا وغلا اختي
مبارك عليج باجي الشهر
وعسى الله يكتب لج الاجر ,

بالنسبه لولدج من خلال كلامج عنه
وان انقلب حاله 180 درررجه !
وفجأه وبدون مقدمات , انا ببدي من حيث
انتي انتهيتي



انا اعتقد بعد جذي , العين حق ومذكوره بالقران الكريم , ويمكن فزيتي من حبج واعجابج فيه
مو شرط ماتحبينه ! لا حبيبتي العين تصيب حتى اللي تحبينهم ,
بنصحج بنصيحه وان شاء الله تفيد , توضي انتي واخذي الماي ولمن تسبحين الولد
صبي هالماي عليه وبعدها سبحيه عادي , وخلي ابوه يتوضى بعد , وجربي تخلينه يقرا سوره الفلق والناس
, وادهنيه واهو نايم عشان مايحس فيج بزيت زيتون لان الزيت هذا سبحان الله فيه بركـه حتى لو مو مقري عليه , حتى لو دهنتيه مع ايده او ريله ,
وكثري من التبارك على الولد قولي : ماشاء الله تبارك الله وايد ..
ولحد يقص عليج ويقول وديه مطاوعه ومادري شنو , لا ارقيه بنفسج و ادعي له بالهدايه
خاصه في هالايام ايام مباركه وكل لحظه لازم تدعين فيها بالصلاح والهدايه له ,
وان شاء الله يرد ولدج مثل ما كان ,

الله يطمن قلبج عليـه وينور لج دربج


,

سامحيني على الاطاله
اختج / m!ss english

مشكوره حبيبتي وجزاج الله خير
بس بقيت اسال عن طريقة الوضوء كامل يكون مع الاستنشاق والمضمضه ؟
واسبحه فيه مره وحده ؟واشربه منه ؟
اسفه على كثرة اسئلتي بس ماعندي اي خلفيه عن هالموضوع

 

[a7la MUM]

رد: رد : ولدي جن وقعد تكفون ساعدوني \ولكم دعوه بظهر الغيب

اسم الله عليه الله يحفظه الشطانه طبيعيه اصلا اللي هادي بتشكين فيه من جذي قلتي اسم اللع عليه ما اذاني بتربيته فحب يلفت الانتباه
الله يخليه لج

 

[M!Ss English]

رد : رد: رد : ولدي جن وقعد تكفون ساعدوني \ولكم دعوه بظهر الغيب

مشكوره حبيبتي وجزاج الله خير
بس بقيت اسال عن طريقة الوضوء كامل يكون مع الاستنشاق والمضمضه ؟
واسبحه فيه مره وحده ؟واشربه منه ؟
اسفه على كثرة اسئلتي بس ماعندي اي خلفيه عن هالموضوع

ياهلا وغلا فيج , لا افا عليج اي سؤال عندج سئلي لا تترددين
بالنسبه للوضوء هو انج انتي وابوه تتوضون بالطريقه التاليه الموضحه بالحديث
لأن هذا الحديث الصحيح ,

( مر عامر بن ربيعة بسهل بن حنيف وهو يغتسل ، فقال : لم أر كاليوم ، ولا جلد مخبأة 0 فما لبث أن لبط به 0 فأتى به النبي صلى الله عليه وسلم فقيل له : أدرك سهلا صريعا قال : ( من تتهمون به ؟ ) قالوا عامر بن ربيعة 0 قال : ( علام يقتل أحدكم أخاه ؟ إذا رأى أحدكم من أخيه ما يعجبه ، فليدع له بالبركة ) ثم دعا بماء 0 فأمر عامرا أن يتوضأ 0 فغسل وجهه ويديه إلى المرفقين 0 وركبتيه وداخله إزاره 0 وأمره أن يصب عليه 0 قال سفيان : قال معمر عن الزهري : وأمره أن يكفأ الإناء من خلفه )

,

وصبيه عليه اذا بتسبحينه وبعدها سبحيه عادي مثل كل مره ,
بالنسبه لعدد المرات , انا سمعت من الشيخ نبيل العوضي ان
لمن تصبين عليه الوضوء من اول مره يشفى ان شاء الله ,
لكن مافيها مشكله اذا اكثر من مره , وادعي له بالهدايه
والله يوفقج يارب ​

 

[انصاريه قمره]

رد: رد : رد: رد : ولدي جن وقعد تكفون ساعدوني \ولكم دعوه بظهر الغيب

والله مادري يا غاار الولد يا مثل ما قالوا خواتي
وما يحسد المال الا اصحابه

 

[مااتحمل غيابه]

الله يجزاكم خير على الردود ويوفقكم ويعتق رقابكم من النار

 

[كريستال]

رد : رد: ولدي جن وقعد تكفون ساعدوني \ولكم دعوه بظهر الغيب


ارقيه وسوي مثل ماقالت الاخت

ودايما مسحي على راسه ولميه عشان يحس بحنانج

ومدحيه اذا سوا شي زين

الله يخليلي و لج ويصلح لي ولج

 

[LA TROO7]

يبي يلفت انتباهج حبيبتي

اقري عليه وحاظي عالاذكار

ولاتطقينه انتبهي سولفي وياه ضميه لان سنه يفهم كلامج

الله يحفظه لج

 

[MoonDiamond]

الله يهديه لج
والبنات ماقصروا

 

[مااتحمل غيابه]

جزاكم الله الف خير على ردودكم

 

[نور البدر]

الله يحفظه ولدج في سن يقلد ويسمع من اللي في عمره ويتجاوب معاهم
والحين اهوا قاعد يكبر وكل شهر بتشوفين شي غير ربي يحفظه
ارقي ولدج وادعيله وترا ما يحسد المال الا اصحابه مثل ما قالوا
ونصيحة لما تشوفين ولدج سوا شي زين قولي ماشاءالله تبارك الرحمن
الله يهديه ويحفظه
واما يفصخ هدومه ====== هذي فيها شي --------- اكيد احد معلمه ولاشايف احد مسوي جذي لان الطفل يستقبل من الناس

 

[دانه بعين رباني]

الله يهديه ويصلح باله

انا من رايي انج تقرين عليه اول باول وتغسلينه بوضؤج

وحاولي تحملين لان كل العيال بكبره جذي واذا تعبج بزياده طقيه بس بعين العقل

 

[مااتحمل غيابه]

فديتكم والله ماقصرتوا
ياعل عيني ماتبجيكم لول قلبت عجوز