ولدي بيموت من البجي ( اسم الله عليه)

[7o0o0r]

السلام عليكم

ولدي عمره ثلاث اشهر داش بالرابع بس يبجي مو البجي العادي مرات يزرق وجه من كثر البجي
على فكره اهو في بعج بحدته بس قالولي مايأثر عليه وخذيتله تحليل بول عزكم الله وشفت اذن مافيهم شي واعطيه
هملايا للغازات كل يوم
وديته عند مره عشان تشوفه اذا فيه مصع او شي. قالت ولدج مافيه شي بس حدي متوهقه اليوم زوارتنا والله
من دخلت عليهم لين رحت منهم يمكن اللي قعدت عند الحريم ساعه كله كنت مع ولدي يبجي ماسكت وبصراحه
مادري شسوي ابي اعرف سبت البجي شنو لانه كثرة البجي مو زينه للطفل تكفون فيدوني

فيدوني بنصايحكم ???

 

[ضايعه بينهم]

بسم الله عليه والله يحفظه لج
حبيبتي اخذي زيت زيتون واقري فيه الفاتحه والمعوذات
وانفثي فيه وادهني جسمه فيه ودفيه
ذكرني بمعاناتي مع ولدي اخر شي طلع نفس وماراح الصياح
الابعد ماقمنا نقرا عليه

 

[مولاي الفرج]

يمكن انتي معودته تشيلينه طول الوقت صح

 

[7o0o0r]

هلا والله فيكم
اي والله معودته اني اشيله بس لما يبجي اكون شايلته ماخليت شي ماسويته
والله اني اقرئ عليه بس بجرب بزيت الزيتون
ويعطيكم العافيه حبايبي

 

[قطوووة]

انا اخوي اذكر يوم كان بالمهاد كان يبجي بجي الموت ويحمر وجه ويزرق

الدكتور قال عادي

بس هم ماقدر افتي لج .. بس اتوقع عادي بهالسن

 

[درة أهل الطولات]

الرقيه الشرعية احسن شي يمكن عين

 

[Dubai breeze]

اغلب الظن انه الياهل ايعاني من بطنه

اميه الله ايخليها اتذوب الشكر في ماي على الفرن. يوم ايذوب بالكامل ايكون لون الماي عسلي. خليه يبرد وحطيه في المرضعه بس كميه صغيره وشوفي النتيجه.

يطلع من الياهل شي اسود احنا انسميه العقا. هذا ايخلي الياهل صياح على طول بس يطلع من بطنه يرتاح. بالذات الياهل في الاربعين

لا تنسين اتسمين بالرحمن يوم تعطينه :yaaaaaarb:

 

[Poison_Girl]

حبيبي اسم الله علي.. قببل لا تطلعين حطيله جلاب وعطي ماء غريم مع هملايه.. ولمن يبجي نومي علا ظهره وخلي يريح..
عطي ماء مع تمر وايد زين.. وانشاءالله ما في الا العافيه انا لمن يبجي وايد افج حفاضته.. ولا نفس الي قالته ابزيت الزيتون ادهنه

 

[dantella]

كان كان ولدي جذي
ووديته الدكتور
قالي كلمه وحده
وقفي الخرابيط كلها وخلج بس على الحليب
بلا سوالف حلوه ومره وحلبه وعسل وتمر واعشاب وحتى ماي وقفيها وشوفي
بهالعمر لي عمر ال6 اشهر مايحتاج غير الحليب والحليب يحتوي اغلبيته على ماي
وتذكري الدكتور شنو قالج فالبدايه اكيد ناصحج بهالشي
واكيد الكل بقولج خرابيط واحنا كنا نعطي هالسوالف ... صدقيني وقفي هالامر 3 ايام وخليج عالحليب بس وشوفي شصير
وحتى تقدرين تسألين الدكتور
ترا والله هالسوالف الطفل مايقدر عليها بس الاهل مايدرون عن هالامور لان ماخذينها عادات وتقاليد وللاسف تضر اكثر من ما تفيد

 

[ام كوثر2007]

الياهل علي هالبجي اللي وصفتيه يا انه مملوع . يا انه بطنه كله غازات ..

دايم كل ما ترضعينه تاكدي انه طلع الغازات اللى ابطنه ودايم نوميه علي بطنه

حاولي تمرخين جسمه بزيت زيتون دافي ولا تسبحينه لمده ثلاث ايام وان شاءالله ما عليه شر .

 

[7o0o0r]

اي صح انا سمعت عن الشكر اذوبه واعطيه بس بصراحه خفت اجربه
لا ياقلبي مو مملوع وديته شفته قال مافيه شي
ويعطيكم العافيه على مروركم الطيب

 

[نـعـومـه]

وديه عند دكتور مافاد شوفي دكتور غيره

 

[Ańwăr Almlěssờń]

لا عادي مملوع

يعني من كثر ما تشيلينه عضامه و مفاصله صارت تعوره عادي كل اليهال الي جذي

و مبين ان اول ولد لج هذا الله يخليه لج

انا مع ضايعه بينهم

حطي على جسمه زيت زيتون مقري عليه و لا تشيلينه من خصره او بطنه

حطي ايدج اليمين على راسه و ساق ايدج على ظهره و ايدج اليسار شيليه فيها و ثبتيه جذي

و لا تشيلينه الا و اهوا بالمهاد لا تشيلين المهاد لان الامهاد هو الي يثبت عظام اليهال عشان لا يعير مملوع

و ان شاء الله خير و اذا كان يبجي وايد و ما ينام شربيه شويه ماي غريب ملي واحد او اثنين ملي مع الرضعه و ينام ان شاء الله

الله يخليه لج :*

 

[mama-dodo]

جربي طقي على بطنه باصبعج اذا سمعتي صوت الطقه قويه عرفي ان بطنه متروسه غازات
واذا فيها غازات يعني الحليب موماشي معاه جربي حليب نوفيلاك انا جربته مع بنتي وحيل خفت الغازات
ولمه يخلص رضعه حطيه بحظنج على بطنه وطقطقي على ظهره وحاولي بعد كل رضعه حطيه على بطنه تطلع الغازات
واخذي ماي الغريب مال المستوصف احسن من الي بالصيدليه
وبعد زيت الزيتون دفيه اشوي وتهني بطنه وبعدين حركي ايدج بطريقه دائريه على بطنه بس شوي شوي
ودفيه
صدقيني هذي الاشياء الي انفعة مع بنتي وحبيت افيدج

 

[أميرة طفولتي]

دام الحمدلله مافيه خلع اكيد من الغازات
واغلب اليهال بهالعمر جذي

شغلي سورة البقره بالغرفه الي ينام فيها
لا توقفينها ليل نهار

والله يشفيه

 

[معشوقتي امي]

شوفي حبيبتي بنت اختي نفس عمر ولدج وبس تبجي امها ماخلت طبيب ماودتها قالها اليهال بالعمر بس يبجون..........عاد انتي سبحيه بليل بماي دافي واقري بماي سوره الغاشيه وشربيه هالسوره حيل مفيده حق العيال اللي يبجون؟.............والله يعينج

 

[رجفة وهم]

اتوقع جسمه مملوع شوفي حبيبتي أنتبهي أنتبهي تعودينه على الشيل مو من صالحك

دهني جسمه بزيت زيتون دافي فركيه يعني سويله مساج

وكل يوم سويلة يانسون يطلع الغازات اللي ببطنه أذا رضع وخلص حطية على بطنه عشان يطلع الهواء

ونقعي تمر مع ماي وحطي برضعته وشربية

شوفي يمكن الحليب مو مناسب له يسببلخ أمساك انا يوم ولدي بالأربعين كان مثل ولدك يصيح صياح مو طبيعي تعب جسمه من

كثر البكي كنت أعطية حليب سيريلاك الله لايعوده وسببله أمساك مو طبيعي بعدها نصحتني جارتنا قالت لأمي خلي بنتك تعطيه حليب

بيبي بلاك والحمد لله ياااارب الله يحفظة نومه وأخلاقة زي العسل ((أذكروا الله))

والله يشافيه لك

 

[هدب عيني]

اختي صدقيني هذا كله من البعج والله

ولدي كان جذي ولحد ماصار عمره سنتين وبس بجييييييييييييييي

البعج موهين

ومن كثر البجي طلع همن بعج بسرته


وسووله 3 عمليات

بس طبعا كل وحده وقتها غير عن الثانيه

لان لمن كنت اوديه الدكاتره يقولون بعج بس عادي

لانتفخ يحتاج عمليه

بس الجاهل بيموت من العوار


كسر خاطري

حرام والله سويله عمليه وافتكي

باجر راح ينتفخ حييييييييييييييييييييييييييل وانتي اللي بتبجين بداله

 

[7o0o0r]

يعطيكم العافيه حبايبي
بجرب اللي قلتوه وان شاءالله خير
وديته كذا دكتور يقولون مافيه شي والله يعين دعواتكم امانه

 

[ام رينـاد]

ااب