ولدي بيدش الروضه انشالله،وعندي استفسارات يا معلمات الروضه العزيزات

[ساره ستايل]

بنات

تحية طيبه وبعد .. ((شخباري هالجمله ايام مذكرات المدرسه بلمتوسط :dddds: ))

ولدي البجر بيدش الروضه :gathering: شهر 9 انشالله

ابي اعرف ..

اشرايكم ابروضة الطبري بلفيحا ؟؟

تنصحوني اسجله فيها ؟؟ لأن بيتنا بلفيحا .. ولا لأ ؟؟

ناظرتهم اسمها زهرة القادري...شتعرفون عنها ؟شديده ولا حليوة مع اليهال واولياء الامور ؟

ولا اخليه ابحضانته اللي بالنزهه (fun for kids ) ويدرسونه منهج المستوى الثالث
اللي اهمه ابعمر سنة اولى روضه ؟؟ لأني عارفه طريقتهم بالتدريس ومنهجهم ثلاثي اللغه (عربي- انجليش- فرنسي) ومعاملة الاطفال روعه :klhfl:
وولدي مرتاح لهم ومستانس منهم وايد .

والله حدي محتاره وماني عارفه شنو منهج تدريس رياض الاطفال بلحكومه ؟

وشنو طريقة تدريسهم ؟

شلون معاملتهم حق اليهال ؟

جم طالب بالفصل ؟

وكل هالامور اللي ماني عارفتها وتدور ابراسي
لأن هذا اول ولد لي وبيدش الروضه .. يعني ماكو خبره كللللللللش ابهالسوالف:tek:

ويزاكم الله الف خيرررررررررر عالمساعده مبدئياً

 

[nero]

اول شي الروضه انا سامعه عنها وايد

ستاف المعلمات كلهم يهبلوووون .. ومعاملتهم ان شاء الله زينه مع الاطفال دام معاملتهم مع بعض زينه

والناظره كانت عندنا هم تهبل

بالنسبه حق الصفوف وشكثر فيها .. يعتمد على تسجيل كل سنه وعدد الاطفال

اما منهج الروضه لوول .. احادي اللغه

منهج الروضه يعتمد على الخبرات المتنوعه .. كل خبرة اسبوعين او 3

يومنا الدراسي يبدا بالنشاط (الطابور) من 7.50 - 8.20

وعقبه تبدا الحلقه .. مدتها20 دقيقه .. فيها يتلقى الطفل معلومات عن الخبره الي اهما فيها وتبدا باثاره مشكله والمطلوب من الطفل ايجاد الحل لها .. وفيها المعلمه تحاول كثر ما تقدر تاخذ من معلومات الطفل .. وتخليه يتوصل الى الاجابه وتبتعد عن اسلوب التلقين

عقب الحلقه نروح المطعم .. وعقب المطعم تبدا الفرصه

وبعد انتهاء الفرصه .. تبدا فترة الاركان .. واهي فترة تعلم ذاتي .. يختار الطفل ركنه المفضل من بين 9 اركان في الفصل وخارجه ..

بعدها فترة الوجبه الخفيفه

واخر شي تبدا فتر اللاصفي .. انشطه كثيره تمارس خارج وداخل الفصل .. (مكتبه - حركيه - مطبخ - نادي علمي - موسيقى - قصه - وتعزيز كلمات واعداد)


وبس

 

[ريماااااس]

انا مدرسة روضه بس صدقينى عيالى مدخلتهم رياض خاصه ومستفيدين بشكل وايد حلو خصوصا انها ثنائية اللغه (مو القصد ان رياضنا مستواها عادى بس احنا مخرب علينا فعالياتنا وانشطتناوخبتنا ودروسنا ع مستوي المنطقه وغيره اللى بزود صراحه واحس أنها مضيعه حق الطفل فى التعليم ياحرام)
و تدرين بهالعمر الطفل عجينه يستفيد ويتشكل بشكل كبير من اللى يتقدمله فإذا ع قولتج ولدج مرتاح بحضانته ومستفيد وماشاالله 3 لغات والله حرام اطلعينه نصيحتى لج خليه وإذا تبين دخليه ابتدائى حكومى يكون بإ‘ذن الله تأسس عدل وماينخاف عليه ...
أنا هذا رأيي والله يخليلج ولدج عزيزتى ...

 

[فيروزه]

انا مدرسة روضه بس صدقينى عيالى مدخلتهم رياض خاصه ومستفيدين بشكل وايد حلو خصوصا انها ثنائية اللغه (مو القصد ان رياضنا مستواها عادى بس احنا مخرب علينا فعالياتنا وانشطتناوخبتنا ودروسنا ع مستوي المنطقه وغيره اللى بزود صراحه واحس أنها مضيعه حق الطفل فى التعليم ياحرام)
و تدرين بهالعمر الطفل عجينه يستفيد ويتشكل بشكل كبير من اللى يتقدمله فإذا ع قولتج ولدج مرتاح بحضانته ومستفيد وماشاالله 3 لغات والله حرام اطلعينه نصيحتى لج خليه وإذا تبين دخليه ابتدائى حكومى يكون بإ‘ذن الله تأسس عدل وماينخاف عليه ...
أنا هذا رأيي والله يخليلج ولدج عزيزتى ...

صاجه الرياض صارت اغاني ورقص

مافي تدريس او معلومات

 

[قصــب سكــر]

انا معلمة رياض اطفال ولو انا مكانج وولدي مرتاح في حضانته والاهم قاعد يتعلم ما اطلعه

خليه على الحضانه بس لازم تسجلينه بالروضه يعني رسميا لازم يكون مسجل بروضه حكوميه

ويداوم بحضانته عادي هذا احسن حل ,, ورياض الاطفال بالكويت اذا ما طلع احد وسنع المناهج

راح تصير هالفتره من عمر الطفل غير مستغله وضايعه

والله يخليلج وليدج وتشوفينه بالجامعه يااارب

 

[*أم*خالد*]

لا تدخلينه الحكومة

انتي تقولين مستفيد
وتقولين مرتاح

عندنا ماراح يستفيد
الا جان تبين تطلعينه مغني فرقة شعبية للأفراح

 

[ساره ستايل]

مااااااااااااااقصرتوا يااااااااااااااااااااااااااااابعد قلبي

والله كلكم اجزمتوا على الحضانه

وخلاص انشالله بخليه فيها

الزم ما علي ولدي وراحته .. والاهم تعليمه واستغلال قدراته العقليه وتنميتها

احسن من تنمية القدرات الفنيه والغناوي (على قولة ام مناف )

تسلموووووووووووون

وانا كلمت حضانته
ومديرة الحضانه قالت لي :
وايج امهات يسجلون اعيالهم بالروضه الحكوميه
وعقبها بشهر.. يرجعونهم الحضانه
لأنهم ما يستفيدون شي .. كثر استفادتهم بلحضانه
من لغه واناشيج وادعيه ومهارات متنوعه

الله يجزاكم الجنه حبايب قلبي انتوا

وهالشي انشالله اللي بسويه

 

[mooomooo]

حبيبتي اغلب ابلات الرياض عيالهم بالخاص

انها امس ريلي يقولي خلااص ولدي الصغير مو حاطه خاص

قتله حرااااااااااااااااااام والله والله مايستفيد انا ابله واشووف بعيني

يعني سنتين مو شويه يضيعون من عمر هاليهال

والله يكتب اللي فيه الصالح لعيالنا

 

[عالي مستواها]

خليه على الحضانة على الأقل يستفيد ويتعلم

أحسن من الرياض عندنا رقص وطقطقة على الفاضي

 

[ساره ستايل]

اي والله
حرام تضيع من عمره سنتين على رقص وطقطقه

ومشكورين ياقلبي عالمشاركات

 

[miamy]

انا ابله روضه واقولج

حضااااااااااااااااااااااااااااااااااااااانه

 

[ساره ستايل]

شكرا ميامي عالمؤازرة والدعم المختصر المفيد
يسلمووووووووووووو

 

[نـــــور]

اختى سارة انا ولدى شهر 9 بعد بيروح اولى روضة بس شكلى بخليه بنفس الحضانة اللى اهو فيها و الله احسن له يتعلم اشياء مفيدة و الا روضة الحكومة ما فيها شى زين يتعلمه الياهل

 

[om_naseer]

,,,,,والله انا نفس حالتج ياوخيتي كنت محاتاره لان ولدي حضانته زينه بس مليت من قسطها ساعات اتسير عليج التزامات ماتقدرين 100بالشهر خصوصا ان بنتي الي تحته اكبرت وصارات تحتاج ملابس واشياء والمصاريف زادت فقلت خلاص بدخله حكومه وبدخله بالعطله معاهد احسن شي شسوي الحياه صارت صعبه والمدارس غاليه نار