ولدي بو 3 سنوات كسر ضرسه ضروري يا امهات ردو شالحل ولو بدعوه

[naz.girl]

اليوم الله يسلمكم طلعت مع ولدي والشغاله رحت صالون وكان مع الشغاله للاسف سهت عنه الظاهر مادري والله وجان اسمع صراخها وصيحه وصوته وسيده طلعت رحت اجوف شصار الا ولدي مسكين كان ينط من على الكرسي الى الارض سيراميك وطاح ضرسه وينزف وايد دم وديته الطوارى ما سوو له شي قال لي خلي له ثلج وبس جوفي اذا وقف او لا بس ما وقف وما ارتحت طلعت ووديته مستشفى خاص فحصووه قالو لي ضغطه نازل لانه ما اكل شي عطيته حليب وايسكريم وبعدها شراب وعقب اكلته قال لي الدكتور لازم كل شي بارد تعطينه ولا شي يابس ما ياكل وعطوني له ادويه شرابين بس لازم يجوف اخصائي اسنان وخذت له موعد في نفس المستشفى لكن متردده ما اعرف وين احسن دكتور اسنان له احسه صغير توه وتشوهت اسنانه والوم نفسي ليش خذته معاي ومو عارفه شسوي يا ريت اللي تعرف وين احسن دكتر اطفال للاسنان في البحرين تفيدني محتاره بين نفس المستشفى اودكتوره هاله السيد لانها مالت اطفال بس ما اعرف اذا جراحه او لا ترى اهو للحين يشرب حليب وتوه نايم ونزف وايد تقريبا 6 ساعات ونص بس اقل من بداية الطيحه يا الله امهات دعواتكم اللي مرت بنفس التجربه تساعدني الله يحفظ عيالكم​

 

[miss_uk]

الله يطمن قلبج
ما عندي علم والله
بس مره ولدي طاح وضرسه تحرك وبعدين رديته مكانه وثبت ولا جنه صار شي

 

[naz.girl]

مشكورة حبيبتي miss_uk الله يخلي لج عيالج ويبلغج فيهم يا رب

 

[!الجادل الصعب!]

حبيبتي عادي اهم شي سلم من الطيحه
واسنانه لبنيه بترد تطلع
ولد اخوي لما كان بعمره طاحو ٣ ضروس بضربه وحده
وعادي طلعت بعدين
تقدرين تودينه العيادات يركبون له واحد بس رايي ماله داعي
توه صغير عالسوالف هذي ومرده يطلع له سن

 

[عسل مرت قيمر]

عادي حبيبتي


ولدي ذبحني من كثر الطيحات اسنانه الي جدام منكسر نص الظرس


عادي يردون يطلعون


ميخالف

انا حاسه فيج

وصار فيني اكثر منج

بس قولي الحمدلله يت علا ظرسه مو راسه ولا عظامه


الحمدلله

 

[*فدك*]

ماتشوفون شر
ماعندي فكره
وان شاء الله مافيه الا العافيه

 

[انثى الكويت]

عادي راح يطلع له ضرس ثاني يما تكسرت ضروسنا وطلعت مكانها

اذا اهو مقصوص نص وطيه كبيب يشيلهله ويلع له واحد ثاني

وبالبحرين ماعرف سامحيني
والله شطانه الاطفال مصيبه خخخخ

الله يطيب خاطرج وتلقين له حل ويصير عاجل

 

[مواصله]

مايشوف شر

وديه عيادات اسنان شوفي شيقولج الطبيب

 

[naz.girl]

مشكورين اللي ردو الكل الجادل الصعب ، عسل مرت قيمر، فدك، انثى الكويت، مواصله يعطيكم العافيه انا وديته لاكثر من دكتور والمشكله كل واحد عطاني راي غير اول واحد مشتشفى رويال قال لي ننطر لي يومين ونجوف او اليوم العصر اذا ما وقف نزيف يظطر يشيل الضرس للي يمه ويسوي له عمايه جراحه يخيط لثته بنج كامل ورحت حق دكتور غير وخذ اشعه وقال لي لا عادي لا تخافين ما في شي ولا تغيرين حليبه خليه يرضع مرضعه عادي لا تضايقينه بس ابتعدي عن الاشياء الحاره واليابسه وبس لكن ما اعرف يصير يركبون له ضرس اللي تعرف يا ريت تفيدني واذا بتطلع له ضروس متى امهات الخبره فزعتكم كله مني امي تقول لي من زود ما تطقينه الله بيراويج وحمدي ربج انها يات على جذي مو اكثر وانا من امس ما نمت والله مانبني ضميري جان زين فيني الطيحه ولا فيه

 

[naz.girl]

رفع يا امهات ساعدوني ترى ولدي ما يرضى يشرب حليب واتعب معاه وايد يقعد يصرخ من قمة راسه اتعب وفي قلاص بعد ما يشرب وهو ما يرضى ياكل من يدي مع اني احاول وياه بس ابد ما في فايده ما يبي الا من الخدامه وهي تنفخ ويهها علي وتأفف وبصراحه ما احب اتضايق عدل واهيا بتسافر بعد شهرين الله يعيني الصراحه ابي ولدي يرد يشرب حليب بمرضعه لانه وايد صعب في الاكل واتعب لمن اطلع وياه شنو الحل

 

[miss_uk]

حبيبتي ولدج مبين للحين مصدوم ويمكن تعبان

اهم شي صبري عليه ولا يشوف منج الا الويه الحلوو
حتى اذا تعبتي او تنرفزتي صبري عليه لين الله يفرجها عليه

يا رب يعينج ويفرج همج امين ويحفظه لج

حاولي تيينه واهوا ريلاكس تعطينه اشياء يحبها سويله حركات تضحك خليه ينسى

 

[ناتشوو]

ليش يشرب برضعه
3سنوات خلاص؟


مايشوف شر
وطولي بالج
وهو لو جاع بياكل
دوري له الاكل اللي يناسبه الحين
الله يعينج

 

[ام مهاوش]

لاتحاتين كل شي ياخذ وقته يبيلج صبر بس واليهال عندنا وعندج خير خصوصا هالعمر صعب التعامل معاهم وعنيدين انا بنتي كبر ولدج وحيل متأذيه معاها عنيده اسم الله عليها توني يايبتها من الطبيب فيها التهاب بالصدر حتى الدوا مستحيل تشربه

 

[naz.girl]

miss_ uk ، ناتشوو ، ام مهاوش مشكورين على الرد يعطيكم العافيه
miss _uk فعلا اهو مصدوم والله احاول معااه بس ما اقدر يعني امس والله ساعه ونص اراكض وراه ابي البسه ثيابه مو راضي بس بحفاضه ما يبي الا الخدامه تلبسه وهي خلته يولي وراحت تغسل مواعين ومشكوره على الدعوه ويحفظ احبابج ان شاءالله

ناتشوو عزيزتي ولدي يلعوز كل مكان اذا بقلاص او حتى كوب افنت ولا يشرب سواء حليب ماي شربت يرش في كل مكان جانه مرش ماي ورد وتعالي جوفي التلعوز على الارض وثيابه وصعبه لين بطلع وياه مكان بيت احد او مجمع او شي ما اخذ راحتي والاكل ما يرضى ياكل من يدي الا يبي الخدامه مع انه ما اعتمد عليها في شي الا اذا كنت مضطره قبل كنت ادرس في الجامعه مره وحده بس تريقه وساعات لا انا بيدي اسوي له المرضعه ما ابي يتعلق فيها وحبيبتي عادي حتى لو 3 سنوات يشرب بمرضعه مره مرتين في اليوم ما فيها شي انا طبيب اسنان جافه وقال لي هالحجي والحليب ما منه مضره بالعكس مفيد وانا ما شربت حليب وايد في صغري طلعت لي هالات سوده تحت عيني وبنت بت خالتي من قده ما شربت وايد والله تكسر الخاطر كأنها من مجاعه في افريقيا يايبينها حبيبتي انا ابي يشرب بمرضعه مع الاكل مو بس حليب خالي يعطيج العافيه

ام مهاوش سالفة العناد صج يبي لها صبر مو طبيعي ما تجوف شر بنتج انا والله حتى الدواء قبل يرضى يشربه احين بمعاناة ولوعة جبد يشرب شوي والباقي برا طبعا يبي هالخدامه تصب في حلجه وامس ما رضى يشرب